Read Zokam Titus 2 Bible Online

Titus 2 - Zokam bible

Titus 2

¹Thu-up maan tawh kituakin hilh pelmawh in.

²Pasal khanghamte a kidaam thei ding, zahtak baang ding, amau le amau ki-uk zo ding, upna, itna le thuakzawhna ah a kip nadingun hilh in.

³Tua tawh kibangin numei khang hamte, amaute nuntakna ah zahtak baang ding, mi gensiat hat loin, zu hai lo ding, ahi hangin a hoih khempeuh a sinsak dingun hilh in.

⁴Kuamah in Pasian thu a gensiat loh nading in, amaute in, nupilate in a pasalte uh le a tate uh a it ding,

⁵amau le amau ki-uk thei ding uh a, siangthoin, innah manlahin, migi-in, a pasalte uh thu a man ding uh a hilh thei ding uh hi.

⁶Tua mah bangin pasal khangno laite amau le amau a ki-uk zawh nadingun hanthawn in.

⁷Na khempeuhah na hoih semin amaute etteh na suak in. Thu na hilh ciangin thutakna, cihtakna,

⁸le a kimawhpaih thei lo kampau siangtho lak in. Tua hileh hong langpante in, eite tungah thusia bangmah mu loin a maizum ding uh hi.

⁹Silate in na khempeuhah a pute uh thu manga, amaute a lungkimsak ding uh hahkatin, amaute kam sel loin,

¹⁰a na uh guksak loin a muanhuai zaw dingin hilh in. Tua hileh i Honpa Pasian tawh kisai hilhnate a deihhuai a suaksak ding uh hi.

¹¹Ahang in, hotkhiatna hong puak Pasian hehpihna, mi khempeuh tungah a kilang zo hi.

¹²Tua hehpihna in pasian-milohna le leitung vaite deihna tawh kisai-a, "Ut lo," ci ding le pumpi ki-uk zo-a nungta ding, diktat ding le tu khanghunah pasian-mitakin nungta dinga hong hilh lai mah in,

¹³a lian a minthang eite Pasian le Honpa Jesu Christ hong kilat nading-lametna thupha i ngak hi.

¹⁴Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

¹⁵Tua ahi ciangin hihte khempeuh hilh in; thuneihna khempeuh tawh hansuah inla tai in. Kuamah kisimmawhsak kei in.