Read Zokam Hebrews 9 Bible Online

Hebrews 9 - Zokam bible

Hebrews 9

¹Thukhun masa in biakna-a zat ding zuihtawm ngeina le leitung mun siangtho zong a nei hi.

²Biakbuk khat a kilam hi. Tua buk dei masa ah meivak tunna, sabuai le a ki-apsa anlum om a, Mun Siangtho kici hi.

³Puanzak nihna nungah Mun Siangtho Pen kici inndei khat a om hi.

⁴Tua mun ah gim namtui halna kham biakna-tau le kham a kizut thukhun singkuang a om hi. Hih sing kuang sungah manna koihna kham bel, asel Aron ciangkhut le thukhun kigelhna suangpekte a om hi.

⁵Singkuang tungsan ah thoihdamna mun limsunin Minthanna cherub-te f[34] a om hi. Ahi hangin hih nate tu-in i sut ditdet zo kei ding hi.

⁶Hih bangin na khempeuh a kigualh diudeu khit ciangin siampite a nasepna uh sem dingin dei puanung sungah a hunhunin a lut den uh hi.

⁷Ahi hangin inndei sung nung pen sungah tulpipa bek lut-a, kum khatin khatvei bek lutin amahmah ading le mite in a theih loh man-ua a bawl uh mawhnate tang dingin sisan a tawi lo ngei kei hi.

⁸Hih thu hangin biakbuk masa pen a om laiteng Mun Siangtho paina lampi kilak nai lo tadih hi, cih Khasiangtho in hong lak hi.

⁹Hih pen tu hun ading etsakna hi-a, letsongte le biakpiakna-a kipiate in hih biakna a piate kitheihna lungsim a siangsak thei kei hi, cih lahna ahi hi.

¹⁰Tuate nek le dawn a kisitna ngeina tuamtuam lel hi-a, biakna ngeina thak hong tun mateng-a zat ding zuihtawm ngeina bek ahi hi.

¹¹Hih lai-a omsa a na hoihte tawh tulpi dinga Christ hong pai lai-in g[35] piansak na laka kihel lo, mihing khuta kibawl lo, a lianzaw le a kicianzaw biakbuk sungah a lutsuak hi.

¹²Amah, keelte le bawngnote sisan tawh lut lo-a, ama sisan mahmah tawh khatvei-a cin ding, tawntung tatkhiatna ngahsa in Mun Siangtho Pen ah a lut hi.

¹³Biakna ngeina-a a sianglote tungah keelte, bawngtalte sisan le bawngla-vute kithehin amaute kisian suah a, tua bangin a puatham uh a siang hi.

¹⁴Tua ahileh tawntung Kha tungtawnin amahmah kawk baang lo a; Pasian tunga kipia Christ sisan in sihna hong tun nasepna a[36] panin a nungta Pasian na i sep theih nadingin i lungsim kitheihna hong siangsak zawtham lo ding ahi hiam!

¹⁵Hih thu hang mahin thukhun thak palai Christ hong hi-a, a kisam mite in a kiciamsa tawntung gouluahna a ngah theih nadingun, thukhun masa nuai-a a bawlsa uh mawhnate pan a suaktasak dingin tu-in tatman dingin amah hong si zo hi.

¹⁶Thusiah b[37] tawh kisai peuhmah ah, a thusiahpa a sihna theihcian ding kisam hi;

¹⁷bang hang hiam cih leh a thusiahpa a sih khit ciang bekin a thusiah kizang thei pan hi; a thusiahpa a nuntak sungin a kizang thei ngei kei hi.

¹⁸Thukhun masa na ngawn zong sisan lo-a a na hih theih lohna hih thu hang mah ahi hi.

¹⁹Moses in mite khempeuh tungah thukham in a piak thu teng a tangko lai-in, bawngnote sisan le tui, samul dupsan le puknah hiangte in laizial le mite khempeuh theh khawm hi.

²⁰Amah in, "Hih in Pasian in note zuih dinga hong piak thukhun sisan ahi hi," c[38] ci hi.

²¹Tua mah tawh kibangin, biakbuk le biakna ngeina-a kizang na khempeuh sisanin a theh hi.

²²A taktakin thukham in na khempeuh phial sisan tawh siansak dingin kal-a, sisan kibua loin mawh maisakna a om kei hi.

²³Tua ciangin hih biakpiaknate zangin vantunglam nate kibatpihte siansuah a kul ahi hi. Ahi hangin vantunglam nate mahmah, hihte sanga biakpiakna hoihzaw ahi hi.

²⁴Ahang in, Christ ahileh a taktak tawh a kisun bek, mihing bawl a siangtho mun ah a lut kei hi; Pasian mai-ah eite tanga a va kilang dingin vantung mahmah ah a lut khin zo hi.

²⁵Tulpi in ama sisan ahi lo sisan tawisa in Mun Siangtho Pen ah kum simin a lut bangin vantungah Christ a lut kikkik kei hi.

²⁶Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

²⁷Mihing adingin khatvei sih ding laitansa hi-a, tua khit ciangin thukhenna a thuak ding hi.

²⁸Tua bang tektek in Christ zong mi tampi mawhnate lakhiamang dingin khatvei biakpiakna in kipia zo hi; tua hi-a mawhna a pua ding hi nawn lo, amah a ngak mite hotkhiatna puak dingin a nihveina hong kilang ding hi.