Read Zokam James 5 Bible Online

James 5 - Zokam bible

James 5

¹No a hau mite aw, tu-in ngai un, no tungah gentheihna hong tung ding ahi manin kap unla kapkap un.

²Na hauhna uh muat khina, na puante uh nget in gai khin hi.

³Na ngun na khamte uh kekseu hi. Tuate kekseuna in note langah teci pang dinga, mei bangin na sa uh a ne ding hi. A beisa hun sung teng hauhna na khol zo ta uh hi.

⁴En sin! A thaman na piak loh, na lo uh hong khawhsakte no langah kiko uh hi. An late kikona, a Thahatpen Topa bilah a tung zo hi.

⁵Note, leitung ah noptatna zulhzauna-in na nungta uh hi. Hong kigawh ni-a dingin na kithausak c[9] uh hi.

⁶No hong langbawl lo mawhpeng mite na mawhpaih uh a, na that zo uh hi.

⁷Tua ciangin sanggamte aw, Topa hong pai mateng na thuak keeikai un. Lokhopa in sikhiau guah le tuk guahte ngak a, leitung in a manpha gah a gah ding lungduaitaka a ngak thei ta un.

⁸Note zong lungduai in, kiptakin ding un. Bang hang hiam cih leh Topa hong pai ding nai ta hi.

⁹Sanggamte aw, khat le khat na kiphunsan kei un, na kiphunsan uh leh thukhenna na thuak ding uh hi. Thukhenpa kongkhakah ding hi!

¹⁰Sanggamte aw, gimna na thuak uh ciangin Topa mina thugen kamsangte lungduaina ettehin na nei un.

¹¹Na theihsa bangun a sikdote thupha ngahin ka ngaihsun uh hi. Job sikdona na za zo uh a, a tawpna-ah Topa in a piakte na mu zo uh hi. Khuatuahna le lainatna tawh Topa a dim hi.

¹²Ka sanggamte aw, hih teng khempeuh banah vantung tawh ahi zongin, leitung tawh ahi zongin, na khat peuh peuh tawh ahi zongin na tomlo kei un. Hi na cih pen "Hi," hi henla, hilo na cih pen "Hilo," hi hen; tua hi kei leh nang hong kimawhpaih ding hi.

¹³Note khatpeuh a lungmang a om hiam? Amah in thu ngen ta hen. A lungdam khatpeuh a om hiam? Phatna-late sa ta hen.

¹⁴Note a cina khatpeuh na om uh hiam? Pawlpi upate samin amaute in thu ngetsak uh henla, ama tungah Topa minin sathau zut uh hen.

¹⁵Upna tawh thungetna in cina mi damsak dinga, Topa in amah a phongto ding hi. Amah in mawhna a neih leh ama mawhna kimaisak ding hi.

¹⁶Tua ahi manin na ci uh a dam theih nadingin na mawhnate uh kipulak tuahin thu na kingetsak ciat un. A thumaan mi thungetna vanglian in deihna a ngah hi.

¹⁷Elijah zong eite mah bangin mihing khat mah hi lel hi. Amah in guah a zuk loh nadingin citakin a ngen hi. Tua ciangin kum thum le alang sung tua leitang tungah guah a zu kei hi.

¹⁸Thu ngen kik a, vantungte in guah zusakin leitung in a gahte gahsak hi.

¹⁹Ka sanggamte aw, note khatpeuh thutak panin piala, mi khatpeuh in a kiheikiksak leh,

²⁰hih thu phawk un: Mawhnei khat ama lampialna pan a kiheisak peuhpeuh in, amah sihna panin a honkhia hi-a, mawhna tampite a khuhsak ahi hi.