Read Zokam 2 Peter 3 Bible Online

2 Peter 3 - Zokam bible

2 Peter 3

¹Kong it lawmte aw, tu-in hih kong laikhak a nihveina ahi hi. A nih in ngaihsutna siangthotak tawh hong lawpsak kik dingin kong phawksakna ahi hi.

²A beisa huna kamsang siangthote thugente le na sawltakpite uh tungtawna, i Honpa le Topa in a thupiakte na phawk kik ding uh ka deih hi.

³A masa penin ni nunungte ah mi zahpihhatte hong pai dinga, mite zahpih in amau gilo lunggulhnate zui ding uh hi, cih na theitel pelmawh un.

⁴Amaute in, "Hong pai kik nading ama hong kamciam koi-ah om hiam? I pate sih a kipan na khempeuh lah a kipiansak tunga bangbangin hi toto lai hi," ci ding uh hi.

⁵Ahi hangin tanglai pekin Pasian thuin vantungte om a, tui panin tui tawh leitung kibawl ahilam thei napi, a kitheihmawhbawl uh hi.

⁶Tua tuite mah tawh tua hun lai-a leitung, tuicin tungsakin kisusia hi.

⁷Tua thu mahin thukhen ni le a pasian-milote kisiat ni cianga mei-a hal dingin tu-a vantungte le leitung a kisit lai ahi hi.

⁸Ahi hangin kong it lawmte aw, hih thu khat na mangngilh kei un. Topa aa in ni khat pen kum tulkhat bang a, kum tulkhat pen ni khat bang hi.

⁹Mi pawlkhatte in a ziakaina a theih uh bangin a thuciamna ah Topa a ziakai kei hi. Amah in kuama kisiat ding deih lo a, mi khempeuh a kisik ding uh a deih manin note hong thuak keeikai hi.

¹⁰Ahi hangin Topa ni, guta bangin hong tung ding hi. Aw ngaihpi tawh vantungte mangin, a bulpite mei-in kisiasak dinga, leitung le a sunga om na khempeuh kitol g[8] mangsak ding hi.

¹¹Hih bang zia in na khempeuh kisusia ding ahi khit nung sang, bangci mi na hi ding uh kilawm ahi hiam?

¹²Pasian ni hong tunpah ding na ngaklah kawmun h[9] a siangtho le a pasianmi-a na nuntak ding uh kilawm hi. Tua ni in vantungte mei-a halsiatna tun dinga, a satna sungah a bulpite a tuisuak ding hi.

¹³Ahi hangin a thuciam bangin thumaanna inn omna van thak le lei thak ngakin i om hi.

¹⁴Tua ahi tak ciangin kong it lawmte aw, hih a ngak na hi nungsangun a nin baang lo, kawkbanna om lo le amah tawh kilema hong muh theih nadingin na hih theih tawpun hahkatin hih un.

¹⁵I sang gam it Paul in zong Pasian in amah a piak pilna tawh note kianga hong gelhsa bang tektek in, i Topa lungduaina - hotkhiatna ahilam note lungsim sungah phawk gige un.

¹⁶A laikhak khempeuh ah a kibangmah gelhin hih thute mah a gen hi. A laikhakte sungah a theihhak pawlkhat om-a, a thei lote le a kip lo mite in amau mah siat nadingin Laisiangtho dangte a hih bangun tuate a lehkaih uh hi.

¹⁷Tua ahi manin kong it lawmte aw, hih thu na theih khit nungsangun thukham a zui lo mite khialhna in hong manthanpih a, note bitna mun pan na puk khak loh nadingun kikem un.

¹⁸Ahi hangin i Topa le Honpa Jesu Christ hehpihna le theihna-ah na khangto un. Ama tungah tu le a tawntungin minthanna om ta hen! Amen.