Read Zokam Thukhente 21 Bible Online

Thukhente 21 - Zokam bible

Thukhente 21

¹Israel mite in Mizpah ah: "Kuamah in i tanute le Benjamin-te i tengsak kei ding hi," ci-in kiciamna khat a bawl uh hi.

²Mipite Bethel f ah pai uh a, nitak dong Pasian mai-ah tu-in kah cihtakin nakpipi in a kap uh hi.

³Amaute in, "TOPA Israel Pasian aw, bang hangin hih thu Israel sungah hong tung ahi hiam? Bang hangin tuni-in Israel panin beh khat kimansuah ding ahi hiam?" ci-in a kap uh hi.

⁴A zingciang zingtungin mite in biakna-tau khat dawh uh a, haltum-a biaknate le kilawmtakna- biaknate a a pia uh hi.

⁵Tua ciangin Israel-te in, "Israel behte khempeuh panin TOPA mai-ah kua hong kikhawm lo ahi hiam?" ci-in a dong uh hi. Ahang in, Mizpah ah TOPA mai-a kikhawm lo peuhmah kithat ding hihang, ci-in a lipkhaphuai kiciamna khat a bawl uh hi.

⁶Tu-in Israel-te, a sanggamte uh Benjamin-te hangin a dah uh hi. Amaute in tuni-in Israel panin beh khat cimang a,

⁷amaute khatpeuh le i tanute kitengsak lo ding, ci-in TOPA tungah lah i kiciam khin hi; a omlaite tungah zi bangci guat ding i hi hiam?" a ci uh hi.

⁸Tua ciangin, Mizpah a TOPA mai-ah Israel behte kua kikhawm lo ahi hiam?" ci-in a dong uh hi. Amaute in giahphual ah kikhawm in Jabesh Gilead mite khat beek a pai loh lam a phawkkhia uh hi.

⁹Ahang in, mi a sim uh ciangin Jabesh Gilead mite khat beek tua lai-a a pai loh lam a mu uh hi.

¹⁰Tua ciangin a kikhawm mipite in gal sim thei mi tul sawm le tulnih lamlahna tawh Jabesh Gilead ah kuansakin, tua lai-a om a nungta peuhmah, numei naupang tawh namsau-in a that khawmsak uh hi.

¹¹Amaute in, "Na hihzia ding uh hih bang ahi hi. Pasal peuhmah le a bit nawn lo numei peuhmah that un," a ci uh hi.

¹²Amaute in Jabesh a teng mite lakah pasal tawh a lumkhawm nai lo nungakno zali mu uh a, Canaan gama Shiloh giahphual ah a tonpih uh hi.

¹³Tua ciangin mipite in Rimmon suangpi-a Benjamin-te tungah kilemna a puak uh hi.

¹⁴Tua hun ciangin Benjamin-te ciah kik uh a, Jabesh Gilead-a a kihawi numeite a kipia hi. Ahi hangin amaute khempeuh in a tang kim zo kei uh hi.

¹⁵TOPA in Israel behte kibansam-sak ahi manin Benjamin-te hangin mite a dah uh hi.

¹⁶Tuateh mipi upate in, "Benjamin numeite i siatsakna tawh kisai-in a nungta laite zi ding bang i ci guat ding hiam?

¹⁷Israel beh a manthan loh nadingin a om lai sun Benjamin-te in luah a neih pelmawh uh kul hi.

¹⁸Ei Israel-te lah, ‘Benjamin zi a guan peuhmah in hamsiatna thuak hen,’ ci-a i kiciam nungsang a zi dingun i tanute i pia thei kei hi.

¹⁹Ahi hangin en dih un, Bethel leilu-lam, Bethel pan Shechem zuatna lampi nisuahna lampang, Lebonah leitaw-lama om Shiloh ah TOPA kumcin pawi a tung hi," a ci uh hi.

²⁰Tua ciangin Benjamin-te hilh uh a, "Pai-unla lenggui lakah bu-in

²¹vil un. Lam siim dingin Shiloh nungakte hong paikhiat uh ciangin lenggui huan pan diangkhia-in Shiloh nungakte na zi dingun khatciat man unla Benjamin gamah ciahpih un.

²²A pate a sanggampate un ko tungah hong mawhsak uh leh amaute kiangah, "Ko tungah hong migi-in amaute hong huhsak un, bang hang hiam cih leh kote in gal sungin amaute zi ding ka ngah zo kei uh hi; note in zong amaute tawh lungkimin na tensak uh ahiloh nungsang na mawhpeng uh hi,’ ka na ci ding uh hi," a ci uh hi.

²³Benjamin-te in tua bangin a hih uh hi. Nungaknote a lam laitakun khat ciat man uh a, a zi dingun a puakhia uh hi. Tua ciangin amau luahna-ah ciah uh a, khuapite lampha-in tua sungah a teng uh hi.

²⁴Tua hun laitakin Israel-te in tua mun nusia-in amau behte le bawng’te, amau luahna mun ciatah a ciah uh hi.

²⁵Tua hun lai-in Israel in kumpi nei lo hi; amau hoihsak bangin a gamta ciat uh hi.