Read Zokam Jude 1 Bible Online

Jude 1 - Zokam bible

Jude 1

¹Jesu Christ nasem James sanggampa Jude in, Pa Pasian in it a, Jesu Christ in a[1] a kep a kisamsate tungah:

²Lainatna, lemna le itna a dimin note aa hi ta hen.

³Kong it lawmte aw, note tawh i tanh khawm hotkhiatna thu no tungah kong gelh ding lawp mahmah napi misiangte tungah khatvei-a cinkim dinga hong kikemsak tua upna na hut theih nading uh kutna lai-a gelh ding kul ka sa hi.

⁴Ahang in, sawtpi-a amaute a kimawh paihna thu b[2] a kigelh khin zo mi bangzah hiam khat note lakah hong lutsim zo uh hi. Amaute pasian-neilo mite hi uh a, eite Pasian hehpihna, a kihhuai paktat theihna suaksakin eite in Thuneipipa le Topa a, amah bek i neih Jesu Christ a nial uh hi.

⁵Hihte khempeuh na theihsa uh ahi ta zongin "Topa c[3] in Egypt panin ama mite gumkhia a, ahi hangin a nunung lam ciangin a um lote a suksiatna thu kong phawkkiksak nuam hi.

⁶Tua ciangin, a thuneihna dinmun uh kemcing lo a, a inn uh a taisan vansawltakte khuamial sungah khumcipin ni thupi Ni-a thukhen dingin tawntung sikkhainiang tawh a khih hi.

⁷Tua bang zia in Sodom le Gomorrah le a kima khuapite in numei-pasal paktatna le lehtatna ah amau le amau kipia uh hi. Amaute, tawntung meikuang sunga gawtna thuak dingte etsakna a suak uh hi.

⁸Tua tawh kibang tektek in, hih bang hih dinga a ngaihsunte in amau pumpi ninsak uh a, thuneihna nialin van mite a gensia uh hi.

⁹Ahi hangin vansawltak a lianpen Michael nangawn, dawimangpa tawh Moses luang a kituh lai-un kosia in mawhsak ngam loin, "Topa in nang hong tai hen," ci bek hi.

¹⁰Tua hi napi hih mite in a theihtel loh peuhpeuh uh gensia-in, a theihtelsate uah lah, a ngaihsun thei lo gamsate bangin hih uh a, hih nate mahmah in amaute a susia hi.

¹¹Amaute in gimna nak thuak na un cia! Cain lampi zui uh a, Balaam khialhna sungah a met delh in, Korah lehdona ah a kisia zo uh hi.

¹²Hih mite in na itna pawite uh melhemsak in, zumna nei loin no tawh an ne uh a - amau kia bek a kivakkhop tuucingte ahi uh hi. Amaute huih in a mutleng kawikawi guah a paii lo meii; gah a gah lo, a kibulkalh - nihvei a si sikhiau singkung ahi uh hi;

¹³a zumhuaina uh a phuankhiasak zuahzuah tuipihual huai siate, a leng kawikawi aksite, amau adingin a mial pen khuamial, a tawntung a kisitsakte ahi uh hi.

¹⁴Hih mite thu, Adam pana a sagihna pa Enoch in a na genkholhna-ah: "En un Topa, a misiangthote tul mun tul tampi tawh hong pai in,

¹⁵mi khempeuh tungah thu khen dinga, amaute in a pasian-milohna uh a, a hihsa uh pasian-milohna khempeuh le a pasian-milo mawhneite in amah langpanga a gensa uh kam khaate-in a mawhsak ding hi," ci hi.

¹⁶Hih mite, phunhatte le mi ngawhhatte ahi uh hi; amaute, amau gitloh lunggulhna bangin gamta uh a, amau le amau kisialin, amau hamphat nadingin mi dangte a maitang phat uh hi.

¹⁷Ahi hangin kong it lawmte aw, i Topa Jesu Christ sawltakpite in a gen kholhsa phawk gige un.

¹⁸Amaute in note tungah, "Hun nunung ciangin amau pasian-milo deihna a zui zahkohatte hong om ding uh hi," ci uh hi.

¹⁹Tua mite in Kha nei lo uh a, pumpi deihna bek zui-in note hong khenkhamte ahi uh hi.

²⁰Ahi hangin no kong it lawmte aw, a siangtho pen note upna ah no le no kilam unla Khasiangtho-in thu na ngen un.

²¹Nuntak tawntungna ah note hong tun dingin i Topa Jesu Christ lainatna na ngak kawmun Pasian itna sungah no le no na kikem un.

²²A lunghei neite na lainat un

²³mei sung pan midangte bawhkhia unla, honkhia un; adangte tungah a sa thanghuai banna puansilh nangawn kihin lau kawmin lainat siamna na nei un.

²⁴A puk lo dinga note hong kem thei, khialhna om lo-a, lungnopna lianpi tawh a minthanna ama om na-a note hong puak theipa -

²⁵eite Honpa Pasian khat bek tungah i Topa Jesu Christ tungtawnin minthanna, thupina, vangliatna le thuneihna, khang hun khempeuh ma, tu laitak le a tawntung in om ta hen! Amen.