Read Zokam Kilaakna 4 Bible Online

Kilaakna 4 - Zokam bible

Kilaakna 4

¹Hih teng khit ciangin ka et leh vantung ah kong kihongsa khat ka mai-ah ka mu hi. Ka aw zak masak pen in pengkul bangin kei tungah, "Hih lai-ah hong paito in, hih khit cianga a tung pelmawh ding kong lak ding hi," hong ci hi.

²Thakhatin Kha-in ka om pah a, ka mai-ah a tunga kua hiam khat a tu kumpi tokhom khat vantung a om ka mu hi.

³Tua lai-a tupa in jaspar le carnelian mel a sun hi. Emeral mel tawh a kibang sakhituihup khat in kumpi tokhom a kualkhum hi.

⁴Tua kumpi tokhom, a dang kumpi tokhom sawmnih le li in umcih a, tuate tungah upate sawmnih le li a tu uh hi. Amaute a pakin kizem uh a, amau lutung ah kham kumpi lukhu a khu ciat uh hi.

⁵Tua kumpi tokhom panin khua phia zalzal a, kek kia daldal in van a ging damdam hi. Tua kumpi tokhom mai-ah meivak sagih a kuang hi. Hihte Pasian kha d[8] sagihte ahi hi.

⁶Kumpi tokhom mai-ah crystal banga siang, limlang tuipi tawh a kibang khat zong a om hi. A laizang takah kumpi tokhom kimkotin a nung le a mai-ah mitin a tuam, a nungta ganhing lite a om uh hi.

⁷A nungta ganhing masa pen humpinelkai tawh kibanga, a nihna bawngtal tawh kibangin, a thumna in mi bangin maitang nei-a, a lina, muvanlai lenglai a bang hi.

⁸Tua a nungta ganhing lite in kha guk nei ciat uh a, a pumtangun a kha nuai nangawn mit-in a tuam hi. Amaute in sun le zan khawl loin: "A omdensa, tu laitaka om le hong pai ding, Thahatpen Topa Pasian, Siangtho, Siangtho, Siangtho hi," a ci uh hi.

⁹Tua a nungta ganhingte in tua kumpi tokhom-a tu, a tawntung a nungta den pa tungah minthanna, pahtawina le lungdam thu a puak peuhpeuh uh ciangin

¹⁰tua upa sawmnih le lite, kumpi tokhom tunga tupa mai-ah bok uh a, a tawntunga nungta den pa a bia uh hi. Tua kumpi tokhom mai-ah a kumpi lukhute uh nga uh a:

¹¹"Kote Topa le Pasian aw, nangin na khempeuh na piangsak-a nangma deih bangin amaute kipiangsakin nungta uh ahi manin, minthanna, pahtawina le vangliatnate a ngah dingin na kilawm hi," a ci uh hi.