Read Zokam Kilaakna 8 Bible Online

Kilaakna 8 - Zokam bible

Kilaakna 8

¹Amah in ciamtehna sagihna a hon laitakin nai lang sung ding khawng vantung a sip dide hi.

²Tua ciangin Pasian mai-a ding van sawltak sagihte ka mu-a, amaute pengkul sagih kipia hi.

³Gimnamtui halna kham kuang tawi vansawltak dang khat hong pai-in biakna-tau ah a ding hi. Misiangte khempeuh thungetna tawh kumpi tokhom mai-a kham biakna-tau tunga piak dingin gimnamtui tampitak kipia hi.

⁴Vansawltak khut panin misiangte thungetna tawh gimnamtui khu Pasian mai-ah a tungto hi.

⁵Tua ciangin vansawltak in gimnamtui kuang la a, biakna-tau pana mei-am tawh a dip khit ciangin leitung a denna suk leh khua phia zalzalin, kek kia-a van ging damdam in zin a ling hi.

⁶Tua ciangin pengkul sagih tawi vansawltak sagihte pengkul mut dingin a kithawi uh hi.

⁷Vansawltak a khatna in a pengkul mut a, sisan tawh kihel gial le mei hong omin leitung ah kibuasuk hi. Leitung seh thum suah seh khat kangtum a, sing kungte seh thum suah seh khat kang tumin lopa hing khempeuh a kangtum hi.

⁸Vansawltak a nihna in a pengkul mut a, a nak liat mahmah a pumkuan zuaizuai mualpi bang khat tuipi sungah kilawnsuk hi. Tuipi seh thum suah seh khat sisan suak-a,

⁹tuipi sunga a nungta ganhingte seh thum suah seh khat si-in, tembawpite seh thum suah seh khat a kisia hi.

¹⁰Vansawltak a thumna in a pengkul mut a, meilah kuanglai tawh kibang aski lianpi khat van panin kiasuk-a, gunte, tuinakte, seh thum suah seh khat tungah a tu hi.

¹¹Tua aksi min Gamsaia ahi hi. Tuite seh thum suah seh khat tuikha a[13] suak-a, tua tuikhaa hangin mi tampi a si uh hi.

¹²Vansawltak a lina in a pengkul mut a, ni seh thum suah seh khat, kha seh thum suah seh khat le aksi seh thum suah seh khat tuate seh thum suah seh khat a mial tek nadingin a satkhia hi. Sun seh thum suah seh khat le zan seh thum suah seh khat khua a vak kei hi.

¹³Ka et laitakin vankimlai-a leng muvanlai khat in: "Adang vansawltak thumte mut ding pelkul gingte hangin: leitung a tengte tungah Gimna! Gimna! Gimna!" ci-a nakpi-a a ham ka za hi.