Read Zokam Ruth 4 Bible Online

Ruth 4 - Zokam bible

Ruth 4

¹Tua laitakin khuapi kongpi ah Boaz pai-in tua lai-ah a tu hi. Tanaubul-tankhiapa ci-a a genpa tualai tawnin a pai hi. Boaz in, "Lawm aw hih lai-ah hong pai inla hong tu dih in," a ci hi. Tua ciangin amah kihei phei-in a va tu hi.

²Boaz in khuapi upa sawm sama, "Hih lai-ah tu dih un," ci-a a tu uh hi.

³Tua ciangin tanaubul-tankhiapa kiangah, "Moab pana hong ciah kik Naomi in i sanggampa Elimelech neihsa leitang neuno khat a zuak hi.

⁴Kei ngaihsutna ah hih thu nang tunga tut ding hi-in ka um hi. Hih lai-a tute - ka mipihte upate omin na lei ding kong phawksak hi. Na tat ding leh tanpah in. Ahi zongin na b[9] tat kei ding leh ka thei nuam hi, hong gen dih in; nang longal kuamah in tan thei lo dinga nang zomah a tan thei ding keimah ka hi hi," a ci hi. Amah in, "Ka tan ding hi," a ci hi.

⁵Tua ciangin Boaz in, "Naomi le Moab numei Ruth tung panin tua leitang na lei nini-in misisate min le amau vante a kikepkhawm c[10] theih nadingin misisapa’ meigongnu zong na ngahpah ding hi," a ci hi.

⁶Tuateh tanaubul-tankhiapa in, "Ka neihsate sukha ding ahi manin ka tan kei ding hi. Nangman tan in. Ken ka hih thei kei hi," a ci hi.

⁷(Tua ma lai-in Israel ah vantatna le phualsuanna ah thuzawhna hih bang ahi hi: pawlkhat in a khedap kaih uh suahkhia-in a thulangte uh tungah pia uh hi. Hih in Israel-te van phualsuanna ngeina maan ahi hi.)

⁸Tua ciangin tanaubul-tankhiapa in Boaz kiangah, "Nangman lei in," a ci hi. Tuateh a khedapkaih a suahkhia hi.

⁹Tua ciangin Boaz in upate le mi khempeuh tungah, "Tuni-in Elimelech Kilion le Mahlon-te neihsa khempeuh Naomi tung pan ka leina note ka teci na hi uh hi.

¹⁰Ama innkuan le khuapi ciamtehnate pan a min a manthan loh nading le a sisate min le neihsa a kizopsuak theih nadingin Mahlon’ zi meigong Moab numei Ruth zong zi-in ka nei khin ta hi. Tu ni-in note ka teci na hi uh hi!" a ci hi.

¹¹Tua ciangin upate le kongpi-a omte khempeuh in, "Kote teci ka hi uh hi. TOPA in na inn sunga hong tum tua numei Israel-te piankhiatna Rachel le Leah bang hisak ta hen. Ephrathah ah mimuanin om inla, Bethlehem ah minthang ta in.

¹²Hih numei pana TOPA in hong piak na suante Judah in Tamar tawh a neih Perez bang ta hen," a ci uh hi.

¹³Tua ciangin Boaz in Ruth tenpih a, amah a zi a suak hi. Amah in tuanu luppihin TOPA in gaisaka tapa khat a nei hi.

¹⁴Numeite in Naomi kiangah, "Nang tanaubul-tankhiapa nei lo-a hong omsak lo TOPA kiphat ta hen. Israel-te omna tengah amah minthang hen!

¹⁵Amah in thathak hong guan dinga na khanghamna hong panpih ding hi. Ahang in, nang tungah tapa sagih sanga a hoihzaw nangmah hong it na monu in ta a nei hi," a ci uh hi.

¹⁶Tua ciangin Naomi in naupang la-in a phei tungah tawi-a a kem hi.

¹⁷Tua lai-a teng numeite in, "Naomi in tapa khat a nei hi," a ci uh hi. Tuateh a min Obed a phuak hi. Amah Jesse pa hi a, David pa Jesse ahi hi.

¹⁸Tua ciangin hih in Perez innkuan khanggui ahi hi: Hezron pa Perez,

¹⁹Ram pa Hezron, Amminadab pa Ram,

²⁰Nahshon pa Amminadab, Salmon d[11] pa Nahshon,

²¹Boaz pa Salmon, Obed pa Boaz,

²²Jesse pa Obed, le David pa Jesse.