Read Zokam 1 Samuel 15 Bible Online

1 Samuel 15 - Zokam bible

1 Samuel 15

¹Samuel in Saul kiangah, "TOPA in ama mi Israel-te uk dingin nang sathau nilh dinga hong sawlpa kei ka hi hi; tua ahi ciangin tu-in TOPA thupuak na ngai in.

²Thahatpen TOPA thugen hih ahi hi: ‘Amaute Egypt pan a paikhiat toh lai-un lamkala Israel tungah Amalek-te a gamtatna uh hangin dan ka thuaksak ding hi.

³Tu-in pai unla, Amalek-te simin amau tawh kisai khempeuh susia d[54] kiuhkeuh un. Amaute hingkhawi kei un; numei pasal, naupang naungeek, bawnghon, tuuhon, kala-oh le laa-te that khin un,’ ci hi," a ci hi.

⁴Tua ciangin Saul in mite sama, Telaim ah a kaikhawm hi - khe galkap tul zanih le Judah panin mi tulsawm a kikhawmsak hi.

⁵Amalek-te khuapi ah Saul pai a, guam sungah a pangsimsak hi.

⁶Tua ciangin Ken-te tungah, "Amalek-te tawh kong suksiat khawm loh nadingin paikhia-in amaute nusia un; no na hi uh leh amaute Egypt pan a paikhiat un Israel-te khempeuh tungah na migi uh hi," a ci hi. Tua ciangin Amalek-te kiang panin Ken-te a kihemkhia uh hi.

⁷Tua ciangin Saul in Amalek-te sima, Havilah pan Shur, Egypt nisuahna dong - lampi dung khempeuh a la hi.

⁸Amah in Amalek-te kumpipa Agag a hingin mana a mite khempeuh namsau-in a susia mang hi.

⁹Ahi hangin Saul le a galkapte in Agag le tuu le bawng a hoihpente le bawngno e[55] le tuuno a thaute - na a hoih peuhmah a khawi uh hi. Amaute in hihte susiamang nuam lo uh a, ahi hangin a simmawhhuai a ginalote susiamang uh hi.

¹⁰Tua ciangin Samuel tungah TOPA thu tung a:

¹¹"Saul in kei hong pialsanin ka lamlah bangin sem lo ahi manin kumpi ka suahsak ka dah hi," a ci hi. Samuel lungmanga, tua zan tawntung TOPA tungah a kiko hi.

¹²Zingtungin Samuel tho-a Saul tawh kimu dingin a pai hi. Ahi hangin ama kiangah, "Carmel ah Saul paikhin hi. Tua lai-ah amah kipahtawina mual khat phut-a, kileh kikin Gilgal ah paisuk hi," ci-in a kigen hi.

¹³Samuel in amah a phak ciangin Saul in, "TOPA in thupha hong pia hen! TOPA lamlahna bangin ka sem khin hi," a ci hi.

¹⁴Ahi hangin Samuel in, "Tua ahi leh ka bila ka zak tuu hamte bang hiam? Ka zak bawng hamte bang hiam?" a ci hi.

¹⁵Saul in, "Galkapte in Amalek-te aa a puak uh hi-a tuuhon hoihpente le bawnghon hoihpente, TOPA na Pasian biak nading ahi hi; ahi zongin a omlai khempeuh ka susia khin kiuhkeuh uh hi," ci-in a dawng hi.

¹⁶Samuel in Saul tungah, "Khawl sin! Tuzan a TOPA in kei tunga hong gen kong gen sindeh," a ci hi. Saul in, "Hong gen in," a ci hi.

¹⁷Samuel in, "Khatvei lai-in nang mitin a neu tawh na kibat hangin Israel behte lutang suak hi lo na hi hiam? TOPA in Israel kumpi in nang sathau hong nilh hi.

¹⁸Tuateh nasem dingin nang hong sawlin, "Pai inla tua migilo Amalek-te susiamang in; na siaksiang matengin amaute tungah galphuang in,’ hong ci hi.

¹⁹Bang hangin TOPA thu mang lo na hi hiam? Bang hangin van kinusia bawhin TOPA mitah a hoih lo gamta na hi hiam?" a ci hi.

²⁰Saul in, "TOPA thu mangmah veng e. TOPA in ka sep dinga hong sawl nasepna ah ka pai hi. Amalek-te ka susiamang khina amaute kumpipa Agag kong ciahpih khin hi.

²¹Galkapte in Pasian tunga ap ding tuuhon le ganhon hoihpente, Gilgal a TOPA na Pasian tungah biakpiak nadingin la uh hi," a ci hi.

²²Ahi hangin Samuel in: "TOPA awging man’na zahin meihal biaknate le biakpiaknate ah TOPA lungkim ahi hiam? Biakpiakna sangin thuman’na hoihzaw a, tuutalte’ thau sangin thusimna hoihzaw hi.

²³Ai sanna hanga mawhna le lehdona a kibang hi a, milim bia a gamtatsiatna le kiphatsakna a kibang ahi hi. TOPA thu nial khin na hi manin amah in kumpi dingin nang hong nolh khin hi." ci-in a dawng kik hi.

²⁴Tua ciangin Saul in Samuel kiangah, "Ka mawh mah hi! TOPA thupiakna le nangma lamlahnate ka palsat khin hi; mite ka kihta a, amaute thu ka zuikha hi.

²⁵Tu-in nang tungah kong thum hi. TOPA ka biak theih nadingin ka mawhna hong maisak inla kei hong lehzuih kik in," a ci hi.

²⁶Ahi hangin Samuel in, "Kong lehzuih kei ding hi. Na TOPA thu na nial a, TOPA in zong Israel tunga kumpi dingin nang hong nolh khin ahi hi!" a ci hi.

²⁷Samuel in paisan dinga a kihei laitakin Saul in a puanpi mongah len a, a kikek hi.

²⁸Samuel in, "Tuni-in TOPA in nang tung panin Israel kumpi gam balkek khina, nang sanga a hoihzaw - na vengte khat tungah a pia hi.

²⁹Israel Minthannapa zuau loin a lungsim a khel kei hi; ahang in a lungsim khek dingin amah mihing hi lo hi," a ci hi.

³⁰Saul in, "Ka mawh hi. Ahi hangin nong hehpihna-in ka mipih upate mai le Israel mai-ah hong pahtawi in; TOPA na Pasian ka biak theih nadingin hong lehzuih hoh in," ci-in a dawng hi.

³¹Tua ciangin Saul le Samuel ton kik uh a, Saul in TOPA a bia hi.

³²Tua ciangin Samuel in, Amalek kumpipa Agag kei kiangah hong paipih in," a ci hi. Agag in, "Sihsia-a sihna a bei taktak ta hi buang inteh" ci-in lungmuang a[56] sa-in ama kiangah a pai hi.

³³Ahi hangin Samuel in, "Na namsau in numeite ta nei lo a suahsak bangin numeite lakah na nu ta nei lo a suak ding hi," a ci hi. Tuateh Samuel in Gilgal a TOPA mai-ah Agag a that hi.

³⁴Tua ciangin Ramah ah Samuel pai-a, Gibeah-a a inn ah Saul a paito hi.

³⁵Samuel in a sih ni dong ama adingin a thum zongin Saul tawh kimu dingin a pai kik nawn kei hi. Tuateh Israel uk dinga Saul a koih khak TOPA a dah hi.