Read Zokam 1 Samuel 16 Bible Online

1 Samuel 16 - Zokam bible

1 Samuel 16

¹TOPA in Samuel kiangah, "Israel kumpi dingin Saul ka nolh nungsang ama adingin bangtan vei thum lai ding na hi hiam? Na saki sungah sathau thun inla kithawi in; Bethlehem a Jesse kiangah kong sawl ding hi. A tapate khat kumpi dingin ka teel khin hi," a ci hi.

²Ahi hangin Samuel in, "Bangci pai ding ka hi hiam? Saul in za dinga kei hong that ding hi," a ci hi. TOPA in, "Bawngla khat keng inla, ‘TOPA tungah biakna pia dingin kong pai hi,’ ci in.

³Na biakpiakna ah Jesse sam in, na hih ding kong lak na ding hi. Kong lah pen sathau nong nilhsak ding hi," a ci hi.

⁴Samuel in TOPA cih bangbangin a hih hi. Amah Bethlehem tunga khua upate tawh a kimuh uh ciangin amaute a ling uh hi. Amaute in, "Lemthu-a hong pai na hi hiam?" a ci uh hi.

⁵Samuel in, "Himah, lemthu hi; TOPA tungah biakna pia dinga hong pai ka hi hi. No le no kisiansuah unla biakpiakna ah kei hong zui un," ci-in a dawng hi. Tua ciangin Jesse le a tapate siansuah a biakna pia dingin a sam hi.

⁶Amaute a tun uh ciangin Samuel in Eliab mu a, "TOPA sathau nilhpa hih lai TOPA mai-ah ding takpi hi," ci-in a ngaihsun hi.

⁷Ahi hangin TOPA in Samuel kiangah, "Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a,TOPA in ahileh a lungsim a en hi," a ci hi.

⁸Tua ciangin Jesse in Abinadab sama Samuel mai-ah a kilaksak hi. Ahi hangin Samuel in, "TOPA in hihpa zong a teel kei hi," a ci hi.

⁹Tua ciangin Jesse in Shammah kilaksak-a ahi hangin Samuel in," TOPA in hihpa zong a teel tuan kei hi," a ci hi.

¹⁰Jesse in a tapa sagihte Samuel mai-ah kilaksaka, ahi hangin Samuel in, "TOPA in hihte a teel kei hi," a ci hi.

¹¹Tua ciangin Jesse kiangah, "Na tapate a vekin hih teng ahi hiam?" ci-in a dong hi. Jesse in, "A tum pen om lai hiven amah tuu cing hi," ci-in a dawng hi. Samuel in, "Samsak dih in; amah hong tun mateng tu b[57] nai kei dih ni," a ci hi.

¹²Tua ciangin samsak-a a kipaipih hi. Amah a cisan suakin a maisuah kilawma a mel hoihin a duang kitawi linlian hi. Tua ciangin TOPA in, "Ding inla amah sathau nilh in; kong genpa amah ahi hi," a ci hi.

¹³Tua ciangin Samuel in sathau koihna saki la-a a sanggampate omin sathau a nilh hi; tua ni-a kipan David tungah TOPA Kha vanglianin a tung hi. Tua khit ciangin Ramah ah Samuel a pai hi.

¹⁴Tu-in TOPA Kha in Saul nusia-a TOPA kiang pana kha gilo c[58] in amah a thuaksiasak hi.

¹⁵Saul a cingte in, "En in, Pasian kiang pana kha gilo in nang hong thuaksiasak hi.

¹⁶Ka topa un harp tum thei khat na nasemte zongsak in. Pasian kiang pan kha gilo na tungah hong tun ciangin aman tum dinga na nuamtuam ding hi," a ci uh hi.

¹⁷Tua ciangin Saul in a sawltakte kiangah, "A tum siam khat zong unla ka kiangah hong paipih un," a ci hi.

¹⁸A nasemte khat in, "Ke’n Bethlehem a Jesse’ tapa harp tum thei khat ka mu hi. Amah ahang galdo siam khat ahi hi. Amah thugen siamin a mel hoih khat ahi hi. Tuateh TOPA in amah a ompih hi," ci-in a dawng hi.

¹⁹Tua ciangin Saul in Jesse kiangah kamtai khat sawla, "Tuu tawh a omkhawm na tapa David ka kiangah hong paisak in," a cisak hi.

²⁰Tua ciangin Jesse in laa khat tungah anlum, zu savun-um khat le keelno khat tawh Saul kiangah a tapa David a paisak hi.

²¹Saul kiangah David tunga a nasemin a om hi. Saul in amah ngai mahmah a, David a galhiam puate khat a suak hi.

²²Tua ciangin Saul in Jesse kiangah, "David tawh ka om ciangin lungkim mahmah ka hi manin ka nasemin David a om ding hong phal in," ci-in kam a vaikhak hi.

²³Saul tungah Pasian kiang pana kha a tun simin David in a harp la-in a tum hi. Tua ciangin Saul damtuam a; amah nuamtuamin kha gilo in amah a nusia hi.