Read Zokam 1 Samuel 2 Bible Online

1 Samuel 2 - Zokam bible

1 Samuel 2

¹Tua ciangin Hannah in thungen a: " TOPA sungah ka lungnuam hi; TOPA sungah ka ki d[7] kisangsak hi. Nangma hutkhiatna nuamsa ka hi manin ka galte tungah ka kamin ka kisial hi.

²"TOPA banga siangtho e[8] kuamah om lo a, nang lo kuamah a om kei hi; eite Pasian bang Suangpi, kuamah a om kei hi.

³"Pasian ahi TOPA in thei a, gamtatnate khaikak ahi manin kiphatsak paupau kei inla tua bang kisaktheihna na kam pan gingkhiasak kei in.

⁴"Galhangte thalte kitan khina, a muktute’ ahileh thahatna tawh kithuam ta hi.

⁵A gilvahte in an thalawh uh a, a gilkialte gilvah ta uh hi. Tasel numei in ta sagih nei-a, ahi hangin tapa tampi a nei numei hingkiam hi.

⁶"TOPA in sisakin hingsak-a, hankhuk f[9] ah puakin a thosak hi.

⁷TOPA in zawngsakin hausak-a, niamkhiatin a tawisang hi.

⁸Mizawngte leivui panin phongto-a, a tasamte vutbuakna pan lamto hi; kumpi tapate tawhtukhawmsakin, pahtawina tokhom a luahsak hi. "Leitung bulpite TOPA aa hi a; tuate tungah leitung a nga hi.

⁹Amah’n a misiangte’ khe cing dinga, migilote ahileh khuamial lakah kidaicipsak ding hi. "Thatang hatthu-in kigualzo lo hi;

¹⁰TOPA a langpangte kitamzan ding hi. Amah in van panin kek khiat dinga; leimongte dongin TOPA in thu a khen ding hi. "Ama kumpipa tha guan dinga, ama sathau nilhte’ ki tawisang ding hi," a ci hi.

¹¹Tua ciangin Ramah a, a inn ah Elkanah ciah-a, naupang in TOPA mai, siampi Eli khutnuai-ah na a sem hi.

¹²Eli tapate mi tatsia hi uh a; TOPA a thusim kei uh hi.

¹³Tu-in mi khatpeuh in biakna a piak ciangin siampipa in mite tawh a hihzia in, sa a kihuan laitakin siampipa’ nasempa sikkeu kathum nei khat tawi-in a va pai hi.

¹⁴Amah in sikkeu-ka in sikbel hiam, bel liangnei hiam, belpi hiam, bel hiam khat sung sunsuk dinga sikkeu-ka-a, a baang peuhmah siampipa aa ahi hi. Shiloh ah a paito Israel-te khempeuh in hih bangin a bawl uh hi.

¹⁵Ahi hangin a thaute a kihal ma nangawnin biakna a piapa kiangah siampipa nasempa pai-in, "Siampipa ading hankeu dingin sa pawlkhat hong pia in; amah in a kihuansa hong sang loin a sial bek hong sang ding hi," a ci hi.

¹⁶Tuapa in ama kiangah, "Athau kangtumsak masa in tua khit ciang na deih bangbangin la in," a cih leh nasempa in, "Hi lo hi, tu mahmah in hong pia in. Ut in ut kei lecin ka la veve ding hi," a ci hi.

¹⁷Amaute g[10] in TOPA tunga biakna kipiate simmawhbawl uh ahi manin TOPA muhna ah tua khangnote mawhna a lian mahmah hi.

¹⁸Ahi hangin TOPA mai-ah Samuel in na a sem hi - naupangno in siampi puankang a silh hi.

¹⁹A nu in kumsimin puantualno khuisak-a a pasal tawh kumcin biakpiakna bawl dingin a paitoh ciangin a puak hi.

²⁰Eli in Elkanah le a zi thupha pia-a, "Hih numei in ngen a TOPA tunga a piak pen mun luah dingin hih numei-panin TOPA in tate hong pia ta hen," a ci hi. Tua ciangin inn ah a ciah uh hi.

²¹Tuateh TOPA in Hannah hehpih a, amah gaii-in tanu nih le tapa thum a nei hi. Tua hun sungin naupang Samuel TOPA omna munah a khang hi.

²²Tu-in a tek mahmah Eli in, Israel khempeuh tunga a tapate omzia le kikhopna buk konga nasem numeite tawh a lupkhawm nate uh a za hi.

²³Tua ciangin amaute kiangah, "Bang dingin tua banga gamta na hi uh hiam? Na gamtatsiate uh mi khempeuh tung panin ka za hi.

²⁴Hi kei, tapate aw, TOPA’ mite laka kizel ka zak thu hoih lo hi.

²⁵Midang khat tungah mi khat a mawh leh Pasian a[11] in palai sepsak thei hi; ahi zongin TOPA tungah mi khat a mawh leh kua in thumsak ding ahi hiam?" a ci hi. Amaute a kithah ding TOPA deihna ahi manin a tapate in a pa taina a ngai peuhmah kei uh hi.

²⁶Tua hi-a naupang Samuel a pumpi khangkhangin TOPA le mite maipha a ngah hi.

²⁷Tu-in Pasian mipa khat Eli kiangah pai-a, "TOPA thugen hih ahi hi, ‘Egypt a Pharaoh khut nuai-ah na pate uh innkuan a omlai-in amaute tungah kiciantakin kilaak hi lo ka hi hiam?

²⁸Keimah in ka siampi ding, ka biaknatau a kahto ding, gim-namtui hal ding le ka omna-a siampi puan a silh dingin Israel behte khempeuh panin na pa ka teel hi. Israel-te in mei-a hal biakna a piakte khempeuh zong na pate innkuanpihte ka pia hi.

²⁹Bang hangin kei hong kibiaknate le ka tenna munah piak dinga ka sehsate simmawh na b[12] hi hiam? Bang hangin ka mi Israel-te hong piaksa biakna limcipente tawh no le no kivakthau-in kei sangin na tapate pahtawizaw na hi hiam?’ ci hi.

³⁰"Tua ahi ciangin TOPA, Israel Pasian, in; ‘Nang innkuanpihte le na pa innkuanpihte in ka mai-ah na na sem den ding uh hi,’ cikhia hi. Ahi hangin tu-in TOPA in, ‘Ahi peuhmah kei ding hi! Kei hong pahtawite ka pahtawi dinga, kei hong simmawhte ka neu-et ding hi.

³¹Nang le na pa’ innkuante hatna ka khiap hun a tung ding hi, tua pen no innkuan gui-ah khangham a om loh nading le

³²ka tenna munah na lungdon nading uh ahi hi. Israel tungah na hoih kisem taleh na innkuan gui-ah ateek om ngei lo ding hi.

³³Ka biakna-tau pana ka khenkhiat loh ding note laka khat, na mit uh khitui in a tawsak ding, na lungsim uh a dahsak dinga kihawi hi a, note suante khempeuh a khansih ding uh hi.

³⁴"Tuateh na tapa nihte Hopni le Phinehas tunga piangte nang tungah lim ahi ding uh hi - amaute gel ni khat sungin a si ding uh hi.

³⁵Keimah mah in ka lungsima om ka ngaihsut bangin a sem ding siampi muanhuai khat ka khangsak ding hi. Ama inn kiptakin ka phut dinga ka sathau nilhpa mai-ah na a sem tawntung ding hi.

³⁶Tua ciangin na innkuan gui-a a omlaite pai-in a mai-ah nguntang khat le anlum khat ngenin kun ding uh a, "Ka nek ding uh an ka neih theih nadingun siampi zum mun khatah na hong semsak in," ci-in a thum ding uh hi,’ ci hi," a ci hi.