Read Zokam 1 Samuel 29 Bible Online

1 Samuel 29 - Zokam bible

1 Samuel 29

¹Philistia-te in a galhatna khempeuh uh gawmin Aphek ah kikhawm uh a, Israel in Jezreel tuinak ah giahphual a sat uh hi.

²Philistia gam ukte amau uk ciat a tultul, a zaza in kuan uh a, David le a mite a nungkhakin Achish tawh a pai uh hi.

³Philistia galkap mangte in, "Hih Hebrew-te a bangci ahi hiam?" ci-in a dong hi. Achish in, "Amah David hi a, kumpipa Saul galkap mangpa hi lo ahi hiam? Kum khat ka ompihsa hi a, Saul tawh a kikhen le tu kikal a khialhna ka mu kei hi," ci-in a dawng kik hi.

⁴Ahi hangin Philistia galkap mangte ama tungah heh uh a, "Tua pa amau adingin na sehsa munah ciah kik hen. Amah ei tawh gal sungah hong kuan peuhmah kei hen, hong kuan leh i kido laitakin hong lehdo kha ding hi. A pu maipha a ngah nadingin i mite lutang a lak ding sangin a hoihzaw bang om ahi hiam?

⁵Amaute in a lam kawmun, "‘Saul in a tultulin that, David in a tul sawmsawmin that’ ci-in la-a a sak uh hih David hi lo ahi hiam?" a ci uh hi.

⁶Tua ciangin Achish in David sama, "TOPA nuntakna lo-in kong cihinah, na muanhuai-a, galkap sungah kei tawh nong sepkhawm ding ka lungkim hi. Kei kiangah nong tuna kipanin tuni dong na khialhna ka mu kei hi, ahi hangin gam-ukte in nang hong deih lo uh hi.

⁷Lungnuam takin na kileh kik mai un; Philistia gam-ukte lungkimloh nading bangmah hih kei in," a ci hi.

⁸David in, "Tua ahileh ken bang sem ka hi hiam? Na kiang kong tuna kipan tuni dong kong langbawlna na nasempa tungah bang mu na hi hiam? Bang hangin ka to kumpipa galte dopih dingin kuan thei lo ding ka hi hiam?" ci-in a dong hi.

⁹Achish in, "Kei hong muhna ah Pasian vansawltak khat bangin ka lung nong kimsak hi; ahita zongin Philistia galkap mangte in "Amah’n eite gal sungah hong kuanpih peuhmah lo ding hi,’ ci uh hi.

¹⁰Tu-in nong tonpih na nasem teng tawh tho baih unla zingsang khuavak phetin na kihem mai un," ci-in a dawng hi.

¹¹Tua ciangin David le a mite zingsangin tho baih uh a, Philistia gamah ciah kikin Philistia-te’ Jezreel ah a paito uh hi.