Read Zotung Chin 1 SHERIANAW 20 Bible Online

1 SHERIANAW 20 - Zotung Chin bible

1 SHERIANAW 20

¹Hawnin yn thua zah siapharan hae nynh rhawtuknaw lang ccia ccyh he yn thua tuh, Joab nynh rhawkaw hae kha cciakhae hae zah Ammon hae ram kha a ro hae, te cceih hae zah Rabbah khua kha a koihlu hae. Thuasalama David tuh Jerusalem khua kya a um. Joab nynh Rabbah khua kha tuk zah a tae.

²David nynh mih siapharan kya-e bawilukhung kha a lu kyate poh a khyh; tuh-e lukhung tuh sui talent ccangkheit ri zah, a lungkhu khe aphutepaw lung a um; tuh-e tuh David lu kya a khungsah hae. Aning nynh khua lungkhu e luadepaw uccaw kha mah myarya lung lan a law.

³Khua lungkhu um hae paw ccungccaw hae kha poukhae hae zah thing-aw, sivaw muinzung te hae hae khate rya a lawsah hae. Tuhcite David nynh Ammon hae kya-e khua hae balyn tungvaw kya a cyi hae. Te David te ccungccaw hae balyn tuh Jerusalem lang a ki hae.

⁴Hynh-e koute, Gezer kya Filistin hae ryte rhawtukkunaw a um; Hushath ccungccaw Sibbekai nynh ccungccaw lepaw hae mintaw lu kheit athuapaw Saf kha a chia; tetuh Filistin hae kha a tae vae hae.

⁵Filistin hae ryte ccangpaw rhawtukkunaw bua a um; Jair ccapaw Elhanan nynh phaeccya cia acihpaw ccoi alua a kyngpaw Git ccungccaw Goliath neitaw Lahmi kha a chia.

⁶Te Gath kyakhe rhawtukkunaw bua a um, tuin kyakhe a pyn myarya lepaw ccungccapaw lu kheit, a kuihdung ccangtaruh cci, a ccudung ccangtaruh cci, abalynte ccangkuin lae pali asaepaw a um; aning mah ccungccaw lepaw hae ciihan nynh athuabua.

⁷Aning nynh Israel hae kha he a theihrya hae tuh, David a upaw Shimei ccapaw Jonathan nynh amaw kha a chia.

⁸E hae tuh Gath khua kya um hae paw ccungccaw lepaw hae ciihan nynh athua hae; David te a ryalahtu hae kuih te a chih hae.