Read Zotung Chin 1 SHERIANAW 23 Bible Online

1 SHERIANAW 23 - Zotung Chin bible

1 SHERIANAW 23

¹David tuh taw vae zah a she dianaw he thua te, a ccapaw Solomon kha Israel siapharan lang a khang.

²David nynh Israel cciakhaetu hae balyn, ranpibawi hae te Levi phin hae kha a pum hae.

³Levi phin hae, kum sung thum acih vae paw te palung lang kha ria hae zah mih balynte sung thum thong tarya acih hae.

⁴David nynh, “E hae lungkhu e thong kuin lae pali nynh BAWIPAW inn kya rya a lah cih hae, thong taruh tuh bawi hae te byapiatu hae athua cih hae,

⁵thong pali tuh sakoih ngawtu athua cih hae, thong pali nynh thehoysah nawlan ka raepaw khuakupaw uccaw hae khate BAWIPAW kha the a hoysah cih hae,” a ci.

⁶Te David nynh Levi phin hae kha Gershom, Kohath te Merari cite mawmaw phu raveihte a phia hae.

⁷Gershon ccapaw hae tuh Ladan te Shimei.

⁸Ladan ccapaw hae tuh: lupi Jehiel, Zetham te Joel, lu thum acih hae.

⁹Shimei ccapaw hae tuh: Shelomoth, Haziel te Haran, lu thum acih hae. E hae tuh Ladan ciihan hae kya-e lupi hae nynh thua.

¹⁰Shimei ccapaw hae tuh: Jahath, Zina, Jeush te Beriah. E lu pali hae hynh Shimei ccapaw hae nynh thua.

¹¹Jahath tuh lupi thua zah Zizah tuh lu ningnaw nynh thua; thuasalama Jeush te Beriah tuh ccapaw patae saah khyh hae, tukeiccuze minmin kha puizia ccangkheit lante ccazing law athua hae.

¹²Kohath ccapaw hae tuh: Amram, Izhar, Hebron te Uzziel, lu pali acih hae.

¹³Amram ccapaw hae tuh: Aaron te Moses. Aaron te a ccapaw hae nynh BAWIPAW malang khe zungzaete mynkhuhpaw ute, amaw rya kha lawte, amaw min te hythua pyanaw kha zungzae a ho nawlan hae, athyaa huaccepaw uccaw hae kha thyaasah khylan taekhiate nung athua hae.

¹⁴Thuasalama Pachia ccungccaw Moses a ccapaw hae kha tuh Levi phin kya a riabia hae.

¹⁵Moses ccapaw hae tuh: Gershom te Eliezer.

¹⁶Gershom ccapaw hae kya Shebuel tuh lupi nynh thua.

¹⁷Eliezer ccapaw hae tuh: lupi Rehabiah; Eliezer tuh ccangpaw ccapaw hae saah khyh, thuasalama Rehabiah ccapaw hae tuh myarya alung hae.

¹⁸Izhar ccapaw hae kya Shelomith tuh lupi nynh thua.

¹⁹Hebron ccapaw hae tuh: lupihua Jeriah, lu ningnaw Amariah, lu thumnaw Jahaziel te lu palinaw Jekameam.

²⁰Uzziel ccapaw hae tuh: lupihua Mikah te lu ningnaw Isshiah.

²¹Merari ccapaw hae tuh: Mahli te Mushi. Mahli ccapaw hae tuh: Eleazar te Kish.

²²Eleazar tuh ccapaw saah khyh, ccanung hae kyalya saah zah a chih; mih puizia hae Kish ccapaw hae nynh minmin kha zu lang a dy hae.

²³Mushi ccapaw hae tuh: Mahli, Eder te Jeremoth, lu thum acih hae.

²⁴E hae tuh BAWIPAW inn kya ryalaw khylan min law athua hae paw, mih kum kumkuin te palung lang Levi phin hae, mih puizia hae raveih kya-e lu hae nynh thua.

²⁵David nynh, “BAWIPAW , Israel Pachia nynh a ccungccaw hae kha daenaw a pya vae hae; te aning tuh Jerusalem kya zungzae a um.

²⁶Tukeiccuze beikbu te a lungkhu kya ryalawnawpaw uccaw hae kha Levi phin hae nynh puih ho vae khyh,” a ci;

²⁷pawccecize David nynh nyathyakou a hopaw bya thyhte, kum kuin lae acih vae hae paw Levi phin hae kha milu ccazing a law vae hae,

²⁸“Thuasalama mih ryalaw tuh BAWIPAW inn e ryalaw kya Aaron ciihan hae kha a bawm cih hae, voidu hae te akhaan hae kha a do-oih cih hae, te athyaapaw uccaw miakaw kha a ccikan cih hae zah Pachia inn e ryalaw miakaw kha a lah cih hae;

²⁹nungpyapaw sanlou, ccathae silawnaw hanlan chanvuih khui, ransi phing leipaw sanlou phe, ruapaw sanlou silawnaw, chitui te pydepaw silawnaw, te alung azya toupaw rya te adih ale toupaw rya kha mah a bawm cih hae.

³⁰Zete takyhte awkhua takyh thadynte BAWIPAW kha a luung cih hae zah the a hoysah cih hae,

³¹Sabbath nin, sawpaw thawpaw nin te khyapaw poi nin hae kya milu aho zeihte BAWIPAW kalan maee-ute silawnaw rae athua takyh vae ze, BAWIPAW malang tyty rya a lah cih hae.

³²Tuhcite minmin nynh tungkunaw bu te beikinnthyaa kha a do-oih cih hae zah, BAWIPAW inn ryalawnaw kyakhe mih uno Aaron ciihan hae kha rya a bawm cih hae.”