Read Zotung Chin 1 SHERIANAW 24 Bible Online

1 SHERIANAW 24 - Zotung Chin bible

1 SHERIANAW 24

¹Aaron ciihan hae aphuphute phianaw tuh hynhte nynh thua. Aaron ccapaw hae tuh: Nadab, Abihu, Eleazar te Ithamar.

²Nadab te Abihu tuh mih paaw mawze chih ty hae zah ccapaw saah khyh hae; tukeiccuze Eleazar te Ithamar tuh ranpibawi lang a tang hae.

³David nynh Eleazar ciihan Zadok te Ithamar ciihan Ahimelek kha a pya hae paw mih ryalaw raveih thyhte rya a lawsah hae.

⁴Eleazar ciihan hae tuh Ithamar ciihan hae laeze alunghua hae keiccuze Eleazar ciihan hae kya mih puizia raveih cciakhaetu lu hae lu haw lae taruh nung hae zah, Ithamar ciihan hae kya mih puizia raveih cciakhaetu lu hae lu tarya a nung hae.

⁵Minmin kha mih balynte phe lokuh lante, ccungthydungte ryalaw nee athua hae, pawccecize Eleazar ciihan hae te Ithamar ciihan hae lungkhu kyakhe beikinnthyaa piccan hae te Pachia ryalaw uktu piccan hae cite a um hae.

⁶Levi phin Nethanel ccapaw ccawzeitu Shemaiah nynh siapharan, bawi hae, ranpibawi Zadok, Abiathar ccapaw Ahimelek, ranpibawi hae te Levi phin hae lungkhu e mih puizia raveih kya-e cciakhaetu lu hae malang khe min ccazing a law hae; Eleazar ciihan elang innbyn byn kheit kha po thua zah, Ithamar ciihan elang mah innbyn byn kheit kha po athua.

⁷Ccungthydungte masaty accanpaw tuh Jehoiarib, ccangningnaw Jedaiah,

⁸ccangthumnaw Harim, ccangpalinaw Seorim,

⁹ccangpangawnaw Malkhijah, ccangtaruhnaw Mijamin,

¹⁰ccangsarinaw Hakkoz, ccangtaryanaw Abijah,

¹¹ccangtakuanaw Jeshua, ccanghawnaw Shekaniah,

¹²ccanghaw lae kheitnaw Eliashib, ccanghaw lae ningnaw Jakim,

¹³ccanghaw lae thumnaw Huppah, ccanghaw lae palinaw Jeshebeab,

¹⁴ccanghaw lae pangawnaw Bilgah, ccanghaw lae taruhnaw Immer,

¹⁵ccanghaw lae sarinaw Hezir, ccanghaw lae taryanaw Happizzez,

¹⁶ccanghaw lae takuanaw Pethahiah, ccangkuinnaw Jehezkel,

¹⁷ccangkuin lae kheitnaw Jakhin, ccangkuin lae ningnaw Gamul,

¹⁸ccangkuin lae thumnaw Delaiah, ccangkuin lae palinaw Maaziah.

¹⁹BAWIPAW Israel Pachia nynh kaw a pya thyhte, mih minpaaw Aaron nynh minmin elang rya a la nungpya hae hawte, e hae nynh BAWIPAW inn lungkhu lang tee hae zah rya a law ccaw hae cite ryalaw nee athua hae.

²⁰Tuhlaepaw Levi ciihan hae tuh: Amram ccapaw hae kyaze Shubael; Shubael ccapaw hae kyaze Jehdeiah.

²¹Rehabiah ccapaw hae kyaze lupi tuh Isshiah.

²²Izhar ccapaw hae kyaze Shelomoth; Shelomoth ccapaw hae kyaze Jahath.

²³Hebron ccapaw hae tuh: lupi Jeriah, lu ningnaw Amariah, lu thumnaw Jahaziel, lu palinaw Jekameam.

²⁴Uzziel ccapaw hae kyaze Mikah, Mikah ccapaw hae kyaze Shamir.

²⁵Mikah neitaw Isshiah; Isshiah ccapaw hae kyaze Zekhariah.

²⁶Merari ccapaw hae tuh: Mahli te Mushi. Jaaziah ccapaw hae kyaze Beno.

²⁷Merari ccapaw hae tuh: Jaaziah kyate Beno, Shoham, Zakkur te Ibri.

²⁸Mahli ccapaw tuh: ccapaw a saah leipaw Eleazar.

²⁹Kish ccapaw tuh Jerahmeel.

³⁰Mushi ccapaw hae tuh: Mahli, Eder te Jerimoth. E hae tuh mih puizia raveihte Levi phin hae nynh thua.

³¹E hae hynh mah David siapharan, Zadok, Ahimelek, ranpibawi hae te Levi phin hae mih puizia raveih kya-e lu hae malang khe Aaron ciihan mih uno hae nynh a cyi hae hawte, ranpibawi hae te Levi phin hae lungkhu e mih puizia raveih kya-e cciakhaetu lu hae nynh ccungthy a dung hae.