Read Zotung Chin 1 SHERIANAW 27 Bible Online

1 SHERIANAW 27 - Zotung Chin bible

1 SHERIANAW 27

¹E tuh Israel hae, mih puizia raveih kya-e lu hae, ccungccaw athong uktu te aza uktu rhawbawi hae te mih bawi hae, a tee a pou hae paw aphupi hae te asekuhpaw rya miakaw kya kum kheit lungkhu sawpaw sah kheit koute sah kheit siapharan rya a lawpah hae paw ccazing nynh thua, aphu phu kheit cci kya milu thong kuin lae pali cci a um hae:

²Zabdiel ccapaw Jashobeam tuh sawpaw sah kheitnaw kya masaty aphu kha a uktu nynh thua; a phu kya milu thong kuin lae pali a um hae.

³Aning tuh Perez ciihan thua zah masaty sawpaw kya rhawbawi hae balyn a uktu lupi nynh thua.

⁴Sawpaw sah ningnaw e aphu a uktupaw tuh Aho ciihan athuapaw Dodai nynh thua; a phu kya milu thong kuin lae pali a um hae.

⁵Sawpaw sah thumnaw hanlan lu thumnaw rhawbawi tuh ranpibawi Jehoiada ccapaw Benaiah thua zah lupi nynh thua; a phu kya milu thong kuin lae pali a um hae.

⁶E Benaiah hynh sung thum hae kyaze athungpaw ccungccaw thua zah, sung thum kha a uk hae; amaw phu kha a ccapaw Ammizabad nynh a uk.

⁷Sawpaw sah palinaw hanlan lu palinaw rhawbawi tuh Joab neitaw Asahel thua zah amaw koute a ccapaw Zebadiah nynh a uk hae; a phu kya milu thong kuin lae pali a um hae.

⁸Sawpaw sah pangawnaw hanlan lu pangawnaw rhawbawi tuh Izrah ciihan Shamhuth nynh thua; a phu kya milu thong kuin lae pali a um hae.

⁹Sawpaw sah taruhnaw hanlan lu taruhnaw rhawbawi tuh Tekoa khuapaw Ikkesh ccapaw Ira nynh thua; a phu kya milu thong kuin lae pali a um hae.

¹⁰Sawpaw sah sarinaw hanlan lu sarinaw rhawbawi tuh Efraim phin Pelon ciihan Helez nynh thua; a phu kya milu thong kuin lae pali a um hae.

¹¹Sawpaw sah taryanaw hanlan lu taryanaw rhawbawi tuh Hushath ciihan Sibbekai nynh thua; a phu kya milu thong kuin lae pali a um hae.

¹²Sawpaw sah takuanaw hanlan lu takuanaw rhawbawi tuh Benjamin phin Anathoth ciihan Abiezer nynh thua; a phu kya milu thong kuin lae pali a um hae.

¹³Sawpaw sah hawnaw hanlan lu hawnaw rhawbawi tuh Zerah ciihan Netofah ccungccaw Maharai nynh thua; a phu kya milu thong kuin lae pali a um hae.

¹⁴Sawpaw sah haw lae kheitnaw hanlan lu haw lae kheitnaw rhawbawi tuh Efraim phin Pirathon ciihan Benaiah nynh thua; a phu kya milu thong kuin lae pali a um hae.

¹⁵Sawpaw sah haw lae ningnaw hanlan lu haw lae ningnaw rhawbawi tuh Othniel ciihan Netofath ccungccaw Heldai nynh thua; a phu kya milu thong kuin lae pali a um hae.

¹⁶Israel phin hae a uktu bawi hae tuh: Reuben phin hae hanlan Zikhri ccapaw Eliezer tuh lupihua bawi nynh thua; Simeon phin hae hanlan Maakah ccapaw Shefatiah;

¹⁷Levi phin hanlan Kemuel ccapaw Hashabiah; Aaron ciihan hanlan Zadok;

¹⁸Judah phin hanlan David a upaw Elihu; Issakhar phin hanlan Mikhael ccapaw Omri;

¹⁹Zebulun phin hanlan Obadiah ccapaw Ishmaiah; Naftali phin hanlan Azriel ccapaw Jerimoth;

²⁰Efraim phin hanlan Azaziah ccapaw Hoshea; Manasseh phin angankuh hanlan Pedaiah ccapaw Joel;

²¹Gilead ram umpaw Manasseh phin angankuh hanlan Zekhariah ccapaw Iddo; Benjamin phin hanlan Abner ccapaw Jaasiel;

²²Dan phin hanlan Jeroham ccapaw Azarel nynh thua.

²³BAWIPAW nynh Israel kha vaawlui e awsi zeih alung lan kae pungzaesah cih cite bya a kinpyaku keiccuze David nynh kum kuin te akaw lang kha tuh ria khyh hae.

²⁴Zeruiah ccapaw Joab nynh milu riapaw rya kha a tho, thuasalama thangsah khyh; tuh-e cyiseinaw keiccuze Israel tungvaw kya thinrianaw ccah zah, tuh-e milu rianaw tuh David Siapharan Sherianaw Ccauh kya zeibia khyh hae.

²⁵Siapharan sisua a do-oihtu tuh Adiel ccapaw Azmaveth nynh thua. Ram kya umpaw, khuapi hae kya umpaw, khua taraw hae kya umpaw te innhangpaw hae kya umpaw sisua hae kha a do-oihtu tuh Uzziah ccapaw Jonathan nynh thua.

²⁶Laephi kya loopho te ryalah hae paw a do-oihtu tuh Khelub ccapaw Ezri nynh thua.

²⁷Misu khokhu a do-oihtu tuh Ramah khuapaw Shimei nynh thua; misu khokhu kyate apoupaw misutui ccakhungnaw a do-oihtu tuh Shifmot khuapaw Zabdi nynh thua.

²⁸Shefelah kya umpaw oliv ku te eboh ku hae a do-oihtu tuh Geder ccungccaw Baalhanan nynh thua. Chitui ccakhungnaw inn a do-oihtu tuh Joash nynh thua.

²⁹Sharon kya rampaee hae paw sahiin phu a do-oihtu tuh Sharon ccungccaw Shitrai nynh thua; accya kya rampaee hae paw sahiin phu a do-oihtu tuh Adlai ccapaw Shafat nynh thua.

³⁰Kalauh a do-oihtu tuh Ishmael ccungccaw Obil nynh thua; lann hae a do-oihtu tuh Meronoth ccungccaw Jehdeiah nynh thua. Tuuphu a do-oihtu tuh Hag ccungccaw Jaziz nynh thua.

³¹E hae balyn tuh David Siapharan nynh a hoirumpaw kha a do-oihtu hae nynh thua.

³²David a paaw neitawpaw Jonathan tuh tuanaw pyatu thua zah a hawpaw te ccawthyapaw nynh thua; Hakhmoni ccapaw Jehiel nynh siapharan ccapaw hae kha a do-oih hae.

³³Ahithofel tuh siapharan kha tuanaw a pyatu thua zah Arki khuapaw Hushai tuh siapharan banpaw nynh thua.

³⁴Ahithofel koute Benaiah ccapaw Jehoiada te Abiathar tuh tuanaw pyatu lang a tang hae. Joab tuh siapharan rhawkaw hae a uktu rhawbawi nynh thua.