Read Zotung Chin 1 SHERIANAW 7 Bible Online

1 SHERIANAW 7 - Zotung Chin bible

1 SHERIANAW 7

¹Issakhar ccapaw hae tuh: Tola, Puah, Jashub te Shimron, lu pali acih hae.

²Tola ccapaw hae tuh: Uzzi, Refaiah, Jeriel, Jahmai, Ibsam te Shemuel nynh thua hae, e hae tuh mih minpaaw Tola ciihan hae lungkhu e lupi hae nynh thua, minmin she lyaze athungpaw rhawkaw hae thua hae zah, David she lyakhe thong kuin lae ning za taruh acih hae.

³Uzzi ccapaw tuh: Izrahiah. Izrahiah ccapaw hae tuh: Mikhael, Obadiah, Joel te Isshiah, lu pangaw um hae zah mih balynte lupi hae nynh thua;

⁴mih she raveihte, mih minpaaw hae ciihan hae thyhte, rhawtuk khopaw rhawkaw hae sung thum thong taruh a um hae, pawccecize zu hae te ccapaw hae patae a hoi hae.

⁵Mih puizia Issakhar phin hae balyn kya a um hae paw tuh athungpaw rhawkaw hae thua hae zah, mih thokeinaw ccazing thyhte sung tarya thong sari a um hae.

⁶Benjamin ccapaw hae tuh: Bela, Bekher te Jediael, lu thum acih hae.

⁷Bela ccapaw hae tuh: Ezbon, Uzzi, Uzziel, Jerimoth te Iri, lu pangaw acih hae, e hae tuh mih puizia hae raveih kya-e lu hae, athungpaw rhawkaw hae thua hae zah, mih thokeinaw ccazing lawnaw thyhte thong kuin lae ning sung thum lu pali acih hae.

⁸Bekher ccapaw hae tuh; Zemirah, Joash, Eliezer, Elioenai, Omri, Jeremoth, Abijah, Anathoth te Alemeth. E hae balyn tuh Bekher ccapaw hae nynh thua;

⁹mih she thyhte mih thokeinaw ccazing lawnaw kya mih puizia hae raveih kya-e lu hae, athungpaw rhawkaw hae tuh thong kuin za ning acih hae.

¹⁰Jediael ccapaw tuh: Bilhan. Bilhan ccapaw hae tuh: Jeush, Benjamin, Ehud, Khenaanah, Zethan, Tarshish te Ahishahar.

¹¹E hae balyn tuh Jediael ccapaw hae, mih puizia hae raveih kya-e lu hae, athungpaw rhawkaw hae thua hae zah, rhawtuk lan paccynkute um hae paw thong haw lae sari za ning acih hae.

¹²Te Shuppim te Huppim tuh Ir ccapaw hae thua zah, Aher ccapaw tuh Hushim nynh thua.

¹³Naftali ccapaw hae tuh: Jahziel, Guni, Jezer te Shallum; Bilhah ciihan hae nynh thua.

¹⁴Manasseh nynh a lovaenung Aramean nopinung kya ccapaw hae Asriel te Makhir kha a saah hae, Makhir tuh Gilead a paaw nynh thua.

¹⁵Makhir nynh Huppim te Shuppim kha zu a dypya hae. A ccianung min tuh Maakah nynh thua. Lu ningnaw min tuh Zelofehad thua zah, Zelofehad nynh ccanung hae kyalya kha a saah.

¹⁶Makhir zu Maakah nynh ccapaw saah zah Peresh cite min a phu; te a neitawpaw min tuh Sheresh nynh thua; a ccapaw hae tuh Ulam te Rekem nynh thua hae.

¹⁷Ulam ccapaw tuh Bedan nynh thua. E hae tuh Manasseh ccapaw Makhir a ccapaw Gilead ciihan hae nynh thua.

¹⁸A ccianung Hammolekheth nynh Ishhod, Abiezer te Mahlah kha a saah hae.

¹⁹Shemida ccapaw hae tuh: Ahian, Shekhem, Likhi te Aniam nynh thua hae.

²⁰Efraim ccapaw hae tuh: Efraim ccapaw Shuthelah, Shuthelah ccapaw Bered, Bered ccapaw Tahath, Tahath ccapaw Eleadah, Eleadah ccapaw Tahath,

²¹Tahath ccapaw Zabad, Zabad ccapaw Shuthelah. Tuhlaepaw Efraim ccapaw hae tuh Ezer te Elead thua hae zah, minmin nynh ram lungkhu a pui hae paw Gath ccungccaw hae kya-e sahiin hae kha luade khylan a ccianua hae keiccuze tuh-e hae nynh a chia hae.

²²Mih paaw Efraim tuh nin patae rawkhuite um zah a uno hae tuh lungtangnaw bya hopya khylan oun cceih hae.

²³Efraim nynh a zu kha ikhae zah, a zu tuh ccaawpoi zah ccapaw a saah; a innbyn kya hoyleinaw a thua keiccuze a ccapaw kha Beriah cite min a phu.

²⁴A ccanung tuh Sheerah cikuh zah, aning nynh Alia te Palung Beth-horon khua te Uzzen-sheerah khua kha a rae.

²⁵A ccapaw tuh Refah, Refah ccapaw Reshef, Reshef ccapaw Telah, Telah ccapaw Tahan,

²⁶Tahan ccapaw Ladan, Ladan ccapaw Ammihud, Ammihud ccapaw Elishama,

²⁷Elishama ccapaw Nun, Nun ccapaw Joshua.

²⁸Minmin nynh a ccou hae paw te mih umnaw tuh Bethel te a pepan e khua hae, nithua lang Naaran te niccaw lang Gezer te a khua taraw hae, Shekhem te a khua taraw hae, Ayyah te a khua taraw hae;

²⁹te Manasseh phin hae ramri te akyngkuhpaw Beth-shean te a khua taraw hae, Taanak te a khua taraw hae, Megiddo te a khua taraw hae, Dor te a khua hae nynh thua. E khua hae kyakhe Israel ccapaw Josef a ciihan hae a um hae.

³⁰Asher ccapaw hae tuh: Imnah, Ishvah, Ishvi, Beriah te mih ccianung Serah.

³¹Beriah ccapaw hae tuh: Heber te Malkhiel, Malkhiel tuh Birzaith a paaw nynh thua.

³²Heber tuh Jaflet, Shomer, Hotham te mih ccianung Shua mih paaw nynh thua.

³³Jaflet ccapaw hae tuh: Pasak, Bimhal te Ashvath. E hae hynh Jaflet ccapaw hae nynh thua.

³⁴Shemer ccapaw hae tuh: Rohgah, Jehubbah te Aram.

³⁵A neitawpaw Helem ccapaw hae tuh: Zofah, Imna, Shelesh te Amal.

³⁶Zofah ccapaw hae tuh: Suah, Harnefer, Shual, Beri, Imrah,

³⁷Bezer, Hod, Shamma, Shilshah, Ithran te Beera.

³⁸Jether ccapaw hae tuh: Jefunneh, Pispa te Ara.

³⁹Ulla ccapaw hae tuh: Arah, Hanniel te Rizia.

⁴⁰E hae balyn tuh Asher ccungccaw, mih puizia hae raveih kya-e lu hae, po athuapaw athungpaw rhawkaw hae, bawi hae kya-e lupi hae nynh thua. Mih thokeinaw thyhte ccazing law athuapaw, rhaw a tuk khopaw thong kuin lae taruh acih hae.