Read Zotung Chin 1 SHERIANAW 9 Bible Online

1 SHERIANAW 9 - Zotung Chin bible

1 SHERIANAW 9

¹Tuhcite Israel hae balyn tuh mih thokeinaw raveih thyhte ccazing law athua hae; e hae hynh Israel Siapharan hae Ccauh kya zei athua. Te Judah tuh mih lungzi khyh keiccuze kyngte Babilon lang cciakhae athua hae.

²A ccou hae paw khua hae kya masaty a umthui hae paw tuh Israel hae, ranpibawi hae, Levi phin hae te beikinn kya ryalahtu hae nynh thua hae.

³Judah phin, Benjamin phin, Efraim phin te Manasseh phin hae abang tuh Jerusalem kya a um hae:

⁴Ammihud ccapaw Uthai, Ammihud tuh Omri ccapaw, Omri tuh Imri ccapaw, Imri tuh Bani ccapaw, Bani tuh Judah ccapaw Perez a ccapaw hae kyate a thopaw nynh thua.

⁵Shilon ciihan hae tuh ccatawccaw Asaiah te a ccapaw hae nynh thua.

⁶Zerah ccapaw hae lungkhu e tuh Jeuel te mih puizia hae thua zah, za taruh sung takua a um hae.

⁷Benjamin phin hae lungkhu e tuh Meshullam ccapaw Sallu, Meshullam tuh Hodaviah ccapaw, Hodaviah tuh Hassenuah ccapaw,

⁸Jeroham ccapaw Ibneiah, Uzzi ccapaw Elah, Uzzi tuh Mikhri ccapaw te Shefatiah ccapaw Meshullam, Shefatiah tuh Reuel ccapaw, Reuel tuh Ibnijah ccapaw;

⁹mih she thyhte mih puizia hae tuh za takua sung pangaw lu taruh acih hae. E hae balyn tuh mih puizia hae thyhte mih puizia hae raveih kya-e lu hae nynh thua.

¹⁰Ranpibawi hae lungkhu e tuh: Jedaiah, Jehoiarib, Jakhin,

¹¹te Azariah tuh Hilkiah ccapaw, Hilkiah tuh Meshullam ccapaw, Meshullam tuh Zadok ccapaw, Zadok tuh Meraioth ccapaw, Meraioth tuh Ahitub ccapaw, Ahitub tuh Pachia inn kya ale huapaw lupi nynh thua;

¹²te Adaiah tuh Jeroham ccapaw, Jeroham tuh Pashhur ccapaw, Pashhur tuh Malkhijah ccapaw, te Maasai tuh Adiel ccapaw, Adiel tuh Jahzerah ccapaw, Jahzerah tuh Meshullam ccapaw, Meshullam tuh Meshillemith ccapaw, Meshillemith tuh Immer ccapaw;

¹³a pui hae paw, mih puizia hae kya-e lu hae holeite, thong kheit za sari sung taruh acih hae, minmin tuh Pachia inn ryalawnaw kya ryalah kho hae paw nynh thua.

¹⁴Levi phin hae lungkhu e tuh: Shemaiah tuh Hasshub ccapaw, Hassub tuh Azrikam ccapaw, Azrikam tuh Merari ccapaw hae laku e Hashabiah ccapaw nynh thua;

¹⁵te Bakbakkar, Heresh, Galal te Mattaniah, Mattaniah tuh Mikah ccapaw; Mikah tuh Zikhri ccapaw, Zikhri tuh Asaf ccapaw;

¹⁶te Obadiah tuh Shemaiah ccapaw, Shemaiah tuh Galal ccapaw, Galal tuh Jeduthun ccapaw; te Berekhiah tuh Netofah ccungccaw hae kya-e khua hae kya umpaw Elkanah ccapaw Asa a ccapaw nynh thua.

¹⁷Sakoih ngawtu hae tuh: Shallum, Akkub, Talmon, Ahiman; mih puiziapaw Shallum tuh minmin kya lupi nynh thua,

¹⁸minmin tuh nithua lang e siapharan sakoih kyakhe nung athua hae. E hae tuh Levi phin ryahmin hae sakoih a ngawtu hae nynh thua.

¹⁹Shallum tuh Kore ccapaw, Kore tuh Ebiasaf ccapaw, Ebiasaf tuh Korah ccapaw, te a thokeinaw paaw hae kya-e a puizia hae, Korah phin hae tuh beiknaw ryalaw do-oihnaw kyaze bu thuakaw ngawtu hae nynh thua, mih minpaaw hae tuh BAWIPAW ryahmin do-oihnaw kyaze bu teenaw ngawtu hae nynh thua.

²⁰Langmaw lyaze Eleazar ccapaw Finehas tuh minmin a uktu lupi nynh thua; BAWIPAW tuh amaw kya a um.

²¹Meshelemiah ccapaw Zekhariah tuh tungkunaw bu teenaw kya thuakaw ngawtu nynh thua.

²²E hae balyn tuh teenaw kya thuakaw ngawtu hae thua zah za ning lu haw lae ning acih hae. Mih khua raveih kyakhe mih thokeinaw thyhte ccazing law athua hae; David te muihtu Samuel nynh minmin kha doliakupaw mih ryalaw kyakhe a nung hae.

²³Tukeiccuze minmin te mih ciihan hae nynh BAWIPAW inn sakoih hae kha a do-oih hae, tuh-e tuh bu inn thua zah minmin tuh a ngawtu hae nynh thua.

²⁴sakoih ngawtu hae tuh nithua, niccaw, thahlang, deilang, san pali kya a ngaw hae;

²⁵te mih khua raveih kya um hae paw mih puizia hae tuh nin sari takyhte mimaw ccyh thyhte minmin ryte um lan leih a cceih hae;

²⁶pawccecize sakoih ngawtu lupi hae lu pali, Levi phin hae nynh Pachia inn lungkhu e akhaan hae te sisuakhaan hae kha a do-oih hae.

²⁷Minmin tuh Pachia inn pe khe khuazi leih a rya hae; pawccecize ngawpaw rya te awkhua takyh thuakaw hungpaw rya tuh mih rya nynh thua.

²⁸Minmin laku e abang tuh ryalawnawpaw angphe kha a do-oih hae, pawccecize angphe a teekhae hae te a poukhae hae ze minmin nynh ria lanpaw nynh thua.

²⁹Minmin laku e abang tuh ccaboi te tungkhung do-oihtu, athyaapaw angphe miakaw do-oihtu, ahoypaw vaekhui do-oihtu, misutui, chitui, mynkhuhpaw te mynkhuhpaw aphuinphuin do-oihtu lang a nung hae.

³⁰Ccangpaw abang, ranpibawi hae ccapaw hae nynh mynkhuhpaw aphuinphuin pydepaw rya kha a law hae,

³¹Levi phin kya-e lu kheit, Korah ciihanpaw Shallum a ccatawccaw Mattithiah tuh sanlou phe raenaw kya uktu nynh thua.

³²Kohath ciihan hae kya-e mih puizia hae abang nynh mah sabbath nin takyh hanlan nungpyapaw sanlou kha a paccyn hae.

³³E hae tuh hlawsahtu hae thua hae zah, Levi phin kya-e mih puizia hae raveih kya-e lu hae nynh thua, minmin tuh beikinn lungkhu akhaan hae kyakhe um hae zah khuazi khuadae ryalaw kya umsah athua hae keiccuze ccangpaw ryalahbua khyh hae.

³⁴E hae tuh mih she raveih thyhte Levi phin kya-e mih puizia raveih kya-e lu hae thua hae zah Jerusalem khua kya a um hae.

³⁵Gibeon a paaw Jeiel tuh Gibeon khua kya um zah a zu min tuh Maakah acikuh.

³⁶A ccatawccaw tuh Abdon, tukoute Zur, Kish, Baal, Ner, Nadab,

³⁷Gedor, Ahio, Zekhariah te Mikloth;

³⁸Mikloth tuh Shimeam a paaw nynh thua; e hae hynh mah Jerusalem um hae paw mih puizia hae te ahawiliakunaw khe mih puizia hae ryte a um hae.

³⁹Ner tuh Kish a paaw, Kish tuh Saul a paaw, Saul tuh Jonathan, Malkhishua, Abinadab te Eshbaal hae mih paaw:

⁴⁰te Jonathan ccapaw tuh Meribbaal thua zah, Meribbaal tuh Mikah a paaw nynh thua.

⁴¹Mikah ccapaw hae tuh: Pithon, Melek, Tahrea te Ahaz;

⁴²te Ahaz tuh Jarah a paaw, Jarah tuh Alemeth, Azmaveth te Zimri hae mih paaw nynh thua; Zimri tuh Moza a paaw,

⁴³Moza tuh Binea a paaw; te Binea ccapaw Refaiah, Refaliah ccapaw Eleasah, Eleasah ccapaw Azel.

⁴⁴Azel nynh ccapaw lu taruh a saah, tuh-e hae min tuh: Azrikam, Bokheru, Ishmael, Sheariah, Obadiah te Hanan; e hae tuh Azel ccapaw hae nynh thua.