Read Zotung Chin EZRA 10 Bible Online

EZRA 10 - Zotung Chin bible

EZRA 10

¹Ezra tuh Pachia inn malang khe bakhung zah rawkhuite saw a sang lyakhe, myarya lungpaw Israel ccungccaw zapi, pise, nopi hae te imua hae tuh amaw kalan oun pumkuh hae; ccungccaw hae mah thawmawte a rah hae.

²Elam ciihan, Jehiel ccapaw Shekaniah nynh Ezra kha hopah zah, “Kaening nynh kae Pachia tungvaw lungzinaw hoi leite, e ram kya um hae paw ramccang nopi hae kha zu lang kae hoi hae, thuasalama atu lya hynhte acyiku zemah Israel hanlan ngaehoinaw a um ung.

³Tukeiccuze ka bawipaw kya-e tuanaw pyanaw te ah Pachia kawbya keiccu a thyngkuh hae paw kya-e tuanaw pyanaw thyhte, e zu hae te mih ccaaw hae balyn hynh kae vua cih hae cite ah Pachia kalan byakinkunaw rae oh sih; kawbya thyhte cyi thua sah.

⁴Thokuh lah cyitua, e hynh na rya nynh thua, kaening nynh kae bawm cih; rawthungte cyitua,” a cipya.

⁵Tetuh Ezra nynh thokuh zah ranpibawi piccan hae, Levi phin hae te Israel hae balyn kha tuh-e bya thyhte cyi lan thyalawsakute bya a kinsaku hae. Tukeiccuze minmin nynh thyalawkute bya a kinku hae.

⁶Tukoute Ezra tuh Pachia inn malang te toikuh zah Eliashib ccapaw Jehohanan khaan lang a cceih, tuin kyakhe khuazi a rya. Looh mah ae khyh zah tui mah neih khyh, pawccecize seetangnaw kyate a ki hae paw nynh lungzinaw a hoi khyh hae keiccuze a rah a khui.

⁷Seetangnaw kyate a ki hae paw balyn tuh Jerusalem kya pumku khylan Jerusalem khua te Judah ram pynpi kya thaesah hae zah,

⁸nin thum lungkhu a thua leipaw miakaw tuh bawi hae te piccan hae nynh kaw a tho hae thyhte a uccaw balyn kha lua athua cih zah amaw kha seetangnaw kyate a ki hae paw phu kyate dee athua cih.

⁹Tetuh Judah te Benjamin ccungccaw hae balyn tuh nin thum lungkhu Jerusalem kya a pumkuh hae; tuh-e tuh sawpaw sah takuanaw, nin kuin nin nynh thua. Ccungccaw balyn tuh tuh-e rya keiccu thuasah, khuaa myarya accan keiccu thuasah thyngkute Pachia inn malang accawnghannaw hmin khe a haung hae.

¹⁰Te ranpibawi Ezra nynh thadyn zah minmin kyakhe, “Nanning tuh na sei oh zah ramccang nopi hae kha zu lang na hoiku vae oh, tuhcite Israel seinaw kha na lungsah thung oh.

¹¹Atu tuh nae minpaaw hae Pachia, BAWIPAW kalan sei phykunaw rae oh lah, a rynaw kha rae oh; e ram lungkhu e ccungccaw hae te ramccang hae nae zu hae kyate phiakuh oh,” a cipya hae.

¹²Te ccungccaw zapi balyn nynh roi accae lante, “Athua sasaw; na ho hawte kae cyih cih.

¹³Thuasalama ccungccaw hae tuh lung hae zah khuaa tuh myarya accan ccyh nynh thua; atolang kae thadyn kho khyh. E rya hynh nin kheit nin ning rya thua khyh, pawccecize e konglang kya kaening patae tuh kae sei vae.

¹⁴Ah bawi hae nynh ccungccaw zapi ccelang ryalah hae sah, ah khua raveih kyaze ramccang ccungccaw kha zu lang a hoipaw miakaw tuh khua takyh kya-e piccan hae te byapiatu hae ryte e kong keiccuze ah Pachia thinriapaw myarya lepaw tuh aening kyate a nueku mawlaezung khyapaw accyh kya oun thua hae sah,” a ci hae.

¹⁵Asahel ccapaw Jonathan te Tikvah ccapaw Jahzeiah kyalya nynh tuh-e tuh ei hae zah, Levi phin hae Meshullam te Shabbethai nynh minmin kha a bawm hae.

¹⁶Tuhcite seetangnaw kyate a ki hae paw nynh a cyi hae. Ranpibawi Ezra nynh ccungccaw hae kha puizia raveih thyhte, puizia hae kya-e lu hae min kha ccarou lah hae zah a po hae. Sawpaw sah hawnaw, nin kheit nin khe tuh-e kong tuh akaw-aleih do khylan a haung hae.

¹⁷Masaty sawpaw nin kheit nin khe ramccang nopi hae kha zu lang a hoi hae paw balyn konglang tuh a thangsah hae.

¹⁸Ramccang nopi hae kha zu lang a hoikuh hae paw ranpibawi hae ciihan hae tuh Jehozadak ccapaw Joshua te a uno hae ciihan hae: Maaseiah, Eliezer, Jarib te Gedaliah.

¹⁹Minmin nynh mih zu hae te phiaku lan byakinkuh hae zah mih cyiseinaw hanlan tuuphu kya-e tuutepaw sa kheit khate cyiseinaw silawnaw kha a rae hae.

²⁰Immer ciihan hae kya-e: Hanani te Zebadiah.

²¹Harim ciihan hae kya-e: Maaseiah, Elijah, Shemaiah, Jehiel te Uzziah.

²²Pashhur ciihan hae kya-e: Elioenai, Maaseiah, Ishmael, Nethanel, Jozabad te Elasah.

²³Levi phin hae kya-e: Jozabad, Shimei, Kelaiah, (tuh-e tuh Kelita nynh thua), Pethahiah, Judah te Eliezer.

²⁴Hlawsah hae paw kya-e: Eliashib. Sakoih ngawtu hae kya-e: Shallum, Telem te Uri.

²⁵Israel ccungccaw kya-e: Parosh ciihan hae kya-e: Ramiah, Izziah, Malkhijah, Mijamin, Eleazar, Hashabiah te Benaiah.

²⁶Elam ciihan hae kya-e: Mattaniah, Zekhariah, Jehiel, Abdi, Jeremoth te Elijah.

²⁷Zattu ciihan hae kya-e: Elioenai, Eliashib, Mattaniah, Jeremoth, Zabad te Aziza.

²⁸Bebai ciihan hae kya-e: Jehohanan, Hananiah, Zabbai te Athlai.

²⁹Bani ciihan hae kya-e: Meshullam, Malluk, Adaiah, Jashub, Sheal te Jeremoth.

³⁰Pahath-moab ciihan hae kya-e: Adna, Khelal, Benaiah, Maaseiah, Mattaniah, Bezalel, Binnui te Manasseh.

³¹Harim ciihan hae kya-e: Eliezer, Isshijah, Malkhijah, Shemaiah, Shimeon,

³²Benjamin, Malluk, te Shemariah.

³³Hashum ciihan hae kya-e: Mattenai, Mattattah, Zabad, Elifelet, Jeremai, Manasseh te Shimei.

³⁴Bani ciihan hae kya-e: Maadai, Amram, Uel.

³⁵Benaiah, Bedeiah, Kheluhi,

³⁶Vaniah, Meremoth, Eliashib,

³⁷Mattaniah, Mattenai, Jaasu.

³⁸Binnui ciihan hae kya-e: Shimei,

³⁹Shelemiah, Nathan, Adaiah,

⁴⁰Makhnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah te Josef.

⁴³Nebo ciihan hae kya-e: Jeiel, Mattithiah, Zabad, Zebina, Jaddai, Joel te Benaiah.

⁴⁴E hae balyn nynh ramccang nopi hae kha zu lang hoikuh hae zah, mih zu hae kha mih ccaaw hae ryte a deebia hae.