Read Zotung Chin NEHEMIAH 10 Bible Online

NEHEMIAH 10 - Zotung Chin bible

NEHEMIAH 10

¹Tazeih khiapaw ccaw kya umpaw min hae tuh: Hakaliah ccapaw ram uktu bawi Nehemiah, Zedekiah,

²Seraiah, Azariah, Jeremiah,

³Pashhur, Amariah, Malkhijah,

⁴Hattush, Shebaniah, Malluk,

⁵Harim, Meremoth, Obadiah,

⁶Daniel, Ginnethon, Baruk,

⁷Meshullam, Abijah, Mijamin,

⁸Maaziah, Bilgai, Shemaiah, e hae tuh ranpibawi hae nynh thua.

⁹Te Levi phin hae tuh: Azaniah ccapaw Jeshua, Henadad ccapaw hae kya-e Binnui, Kadmiel;

¹⁰te mih uno hae, Shebaniah, Hodiah, Kelita, Pelaiah, Hanan,

¹¹Mika, Rehob, Hashabiah,

¹²Zakkur, Sherebiah, Shebaniah,

¹³Hodiah, Bani, Beninu.

¹⁴Ccungccaw hae cciakhaetu hae tuh: Parosh, Pahath-moab, Elam, Zattu, Bani,

¹⁵Bunni, Azgad, Bebai,

¹⁶Adonijah, Bigvai, Adin,

¹⁷Ater, Hezekiah, Azzur,

¹⁸Hodiah, Hashum, Bezai,

¹⁹Harif, Anathoth, Nebai,

²⁰Magpiash, Meshullam, Hezir,

²¹Meshezabel, Zadok, Jaddua,

²²Pelatiah, Hanan, Anaiah,

²³Hoshea, Hananiah, Hasshub,

²⁴Hallohesh, Pilha, Shobek,

²⁵Rehum, Hashabnah, Maaseiah,

²⁶Ahiah, Hanan, Anan,

²⁷Malluk, Harim te Baanah nynh thua hae.

²⁸Tuhlaepaw ccungccaw hae, ranpibawi hae, Levi phin hae, sakoih ngawtu hae, hlawsahthya hae paw, beikinn ryalahtu hae te Pachia kawbya kha zui khylan ram lungkhu e ccungccaw hae kyate mimaw ccangte a um hae paw balyn tuh mih zu hae, mih ccapaw hae, mih ccanung hae ryte nynaw te thaethyanaw a hoi hae paw balyn tuh

²⁹mih vaeccaw hae, mih bawi hae ryte pykuh hae zah, Pachia ryalahtu Moses kyate pyapaw Pachia kawbya kha zui khylan te BAWIPAW kae Bawipaw kawbya balyn, a phungzae hae te a phungbya hae kha zuite cyi khylan thyalawkute byakinkunaw a rae hae.

³⁰E ram kya-e ccungccaw hae kalan kae ccanung hae kha zu lang kae pya lan khyh hae, mih ccanung hae kha kae ccapaw hae zu lang kae hoipah lan khyh hae;

³¹e ram kya-e ccungccaw hae nynh sabbath nin kya uccaw thuasah, looh hankhakheit thuasah zua lan oun cciakhae hae ze kaening nynh sabbath nin te ninthyaa nin kya kae re lan khyh; kum sarinaw kum kya kae laephi kya looh kae ccou lan khyh zah laebah miakaw kha kae suing cih hae.

³²Kae Pachia inn ryalawnaw hanlan kum takyhte shekel pum thum pum kheit kae pya cih:

³³umkhaenaw sanlou, tyty raepaw ccathae silawnaw, tyty raepaw maee-ute silawnaw, sabbath hae, sawpaw thawpaw hae, accyh khyapaw poi hae, athyaapaw ahlu hae, Israel hae elang seishawnaw raepya nawlan seithyaanaw silawnaw te Pachia inn e rya miakaw hanlan tuhcite kae pya cih.

³⁴Kawbya kya azeiku thyhte, BAWIPAW kae Pachia silawhang vawlan maeetua nawlan thing ahlu kha kum takyhte khyapaw accyh kyakhe mawmaw puizia raveihte kae Pachia inn lang thuakhae khylan ranpibawi hae, Levi phin hae te ccungccaw hae kha ccungthy kae dungsah cih hae.

³⁵Kae laephi kya-e thaety te kae thingku miakaw kya-e thingthae balyn kya-e thaety kha kum takyhte BAWIPAW inn lang thuakhae lan thuasah,

³⁶kawbya kya azeiku thyhte, kae ccapaw hae kya-e ccatawccaw te kae sahiin kya-e thanty te kae vaetua phu te kae tuuphu hae kya-e thanty hae kha kae Pachia inn lang, kae Pachia inn kya ryalah hae paw ranpibawi hae kalan thuakhae lan thuasah,

³⁷te masaty kae ruepaw ccathae kya-e vaekhui, ahlu hae, thingthae thaety miakaw, misutui te chitui kha ranpibawi hae kalan, kae Pachia inn akhaan lungkhu lang thuakhae lan thuasah, te khua taraw miakaw kya pumhaw pumkheit a ccakhungtu hae tuh Levi phin hae athua hae keiccuze kae laephi kyate apoupaw looh pumhaw pumkheit kha Levi phin hae kalan thuakhae lan cite bya kae kinku.

³⁸Levi phin hae nynh pumhaw pumkheit kha a law vae hae ze, Aaron ciihan ranpibawi tuh a umbua cih; te Levi phin hae nynh pumhaw pumkheit hae kya-e pumhaw pumkheit kha kae Pachia inn, sisuakhaan kya akhaan lungkhu lang a nung cih hae.

³⁹Israel hae te Levi ccapaw hae nynh looh, misutui te chitui ahlu hae kha beikinnthyaa angphe hae a umnaw uccawkhaan hae kalan te ryalahtu ranpibawi hae, sakoih ngawtu hae te hlawsahtu hae a umnaw hae khaan kalan a thuakhae cih hae. Kae Pachia inn kha kae sawphah lan khyh.