Read Zotung Chin NEHEMIAH 11 Bible Online

NEHEMIAH 11 - Zotung Chin bible

NEHEMIAH 11

¹Ccungccaw zapi cciakhaetu hae tuh Jerusalem khua kya a um hae; tuhlaepaw ccungccaw hae tuh Jerusalem khua thyaapaw kya lu haw kyaze lu kheit um khylan ccungthy a dung hae, lu haw kyaze lu takua tuh ccangpaw khua hae kya a um hae.

²Jerusalem khua kya um lan mimaw lungthote a paccynkuh hae paw balyn kha ccungccaw hae nynh hythua a pya hae.

³E hae tuh Jerusalem kya um hae paw pee kya-e cciakhaetu hae nynh thua; thuasalama Judah ram e khua hae kyakhe Israel hae, ranpibawi hae, Levi phin hae, beikinn ryalahtu hae te Solomon a ryalahtu hae ciihan hae tuh mih uccaw a umnaw mimaw khua raveih kya a um hae.

⁴Judah phin hae abang te Benjamin phin hae abang tuh Jerusalem kya a um hae. Judah phin hae tuh: Athaiah, aning tuh Uzziah ccapaw, Uzziah tuh Zekhariah ccapaw, Zekhariah tuh Amariah ccapaw, Amariah tuh Shefatiah ccapaw, Shefatiah tuh Mahalalel ccapaw, Mahalalel tuh Perez ciihan kya-e nynh thua;

⁵te Maaseiah, aning tuh Baruk ccapaw, Baruk tuh Kolhozeh ccapaw, Kolhozeh tuh Hazaiah ccapaw, Hazaiah tuh Adaiah ccapaw, Adaiah tuh Joiarib ccapaw, Joiarib tuh Zekhariah ccapaw, Zekhariah tuh Shelah ciihan nynh thua.

⁶Jerusalem kya um hae paw Perez ciihan hae tuh arawthungpaw rhawkaw hae za pali sung taruh lu tarya acih hae.

⁷Benjamin ciihan hae tuh: Sallu tuh Meshullam ccapaw, Meshullam tuh Joed ccapaw, Joed tuh Pedaiah ccapaw, Pedaiah tuh Kolaiah ccapaw, Kolaiah tuh Maaseiah ccapaw, Maaseiah tuh Ithiel ccapaw, Ithiel tuh Jeshaiah ccapaw nynh thua.

⁸Sallu uno hae tuh Gabbai te Sallai: za takua lu kuin acih hae.

⁹Zikhri ccapaw Joel tuh mih cciakhaetu thua zah, Hassenuah ccapaw Judah tuh khuabawi a zuipaw lu ningnaw bawi nynh thua.

¹⁰Ranpibawi hae tuh: Joiarib ccapaw Jedaiah te Jakhin;

¹¹Seraiah tuh Hilkiah ccapaw, Hilkiah tuh Meshullam ccapaw, Meshullam tuh Zadok ccapaw, Zadok tuh Meraioth ccapaw, Meraioth tuh Ahitub ccapaw, Ahitub tuh Pachia inn do-oihtu bawi thua,

¹²inn rya a lah hae paw uno hae tuh za tarya lu kuin lae ning acih hae; Adaiah tuh Jehoram ccapaw, Jehoram tuh Pelaliah ccapaw, Pelaliah tuh Amzi ccapaw, Amzi tuh Zekhariah ccapaw, Zekhariah tuh Pashhur ccapaw, Pashhur tuh Malkhijah ccapaw,

¹³a uno hae, puizia kya-e lu hae ryte za ning sung pali lu ning acih hae; te Amashai tuh Azarel ccapaw, Azarel tuh Ahazi ccapaw, Ahazi tuh Meshillemoth ccapaw, Meshillemoth tuh Immer ccapaw,

¹⁴te mih uno hae, arawthungpaw rhawkaw hae tuh za kheit lu kuin lae tarya acih hae; mih cciakhaetu tuh Haggedolim ccapaw Zabdiel nynh thua.

¹⁵Levi phin hae tuh: Hasshub ccapaw Shemaiah thua zah, Hasshub tuh Azrikam ccapaw, Azrikam tuh Hashabiah ccapaw, Hashabiah tuh Bunni ccapaw nynh thua;

¹⁶te Levi phin hae kya-e cciakhaetu hae Shabbethai te Jozabad nynh Pachia inn atolang e rya kha a do hae;

¹⁷te Mikah ccapaw Mattaniah thua zah, Mikah tuh Zabdi ccapaw, Zabdi tuh Asaf ccapaw, Asaf tuh lungtua sawsangnaw kyaze hlaw cciakhaetu nynh thua, te Bakbukiah tuh a uno hae kyaze lu ningnaw nynh thua; te Shammua ccapaw Abda thua zah, Shammua tuh Galal ccapaw, Galal tuh Jeduthun ccapaw nynh thua.

¹⁸Khua thyaapaw kya um hae paw Levi phin hae tuh mih balynte za ning sung tarya lu pali acih hae.

¹⁹Sakoih ngawtu hae Akkub, Talmon te sakoih ngawtu mih uno hae tuh za kheit sung sari lu ning acih hae.

²⁰Tuhlaepaw Israel hae, ranpibawi hae te Levi phin hae tuh Judah khua hae miakaw kya, mih balyn te mih rho raveih kya a um hae.

²¹Thuasalama beikinn ryalahtu hae tuh Ofel kya a um hae; Ziha te Gishpa nynh beikinn ryalahtu hae kha a uk hae.

²²Jerusalem kya umpaw Levi phin hae cciakhaetu tuh Bani ccapaw Uzzi nynh thua, Bani tuh Hashabiah ccapaw, Hashabiah tuh Mattaniah ccapaw, Mattaniah tuh Mika ccapaw, Mika tuh Asaf ciihan thua zah, Asaf ciihan hlawsahtu hae tuh Pachia inn rya a do-oihtu hae nynh thua.

²³Pawccecize minmin te asekuh lante, hlawsahtu hae hanlan nin takyh ahopaw looh kha pya athua cih hae cite siapharan nynh kaw a pya hae.

²⁴Judah ccapaw Zerah ciihan Meshezabel ccapaw Pethahiah tuh Persia siapharan kuihkaw e bawi thua zah Israel ccungccaw hae te asekuhpaw rya miakaw a lahtu nynh thua.

²⁵Khua taraw hae te mih loo hae kong tuh hynhte nynh thua, Judah ccungccaw hae abang tuh Kiriath-arba te a khua taraw hae, Dibon te a khua taraw hae, Jekabzeel te a khua taraw hae,

²⁶Jeshua khua, Moladah khua, Bethpelet khua,

²⁷Hazar-shual khua, Beersheba khua te a khua taraw hae kya,

²⁸Ziklag, Mekonah te a khua taraw hae kya,

²⁹Enrimmon, Zorah, Jarmuth,

³⁰Zanoah, Adullam te a khua taraw hae, Lakhish te a loo hae, Azekah te a khua taraw hae kya a um hae. Tuhcite Beersheba kyate Hinnom accya cia a um hae.

³¹Benjamin ccungccaw hae nynh mah Geba, Mikmash, Aija, Bethel te a khua taraw hae,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboim, Neballat,

³⁵Lod, Ono te kuihhae hoy hae paw accya kya a um hae.

³⁶Judah ram kya um hae paw Levi phin hae phu abang tuh Benjamin ram kya a pykuh bua hae.