Read Zotung Chin NEHEMIAH 12 Bible Online

NEHEMIAH 12 - Zotung Chin bible

NEHEMIAH 12

¹Shealtiel ccapaw Zerubbabel te Jeshua ryte a cceihthung hae paw ranpibawi hae te Levi phin hae tuh: Seraiah, Jeremiah, Ezra,

²Amariah, Malluk, Hattush,

³Shekaniah, Rehum, Meremoth,

⁴Iddo, Ginnethoi, Abijah,

⁵Mijamin, Maadiah, Bilgah,

⁶Shemaiah, Joiarib, Jedaiah,

⁷Sallu, Amok, Hilkiah, Jedaiah. E hae tuh Jeshua she lyaze ranpibawi hae te mih uno hae kya cciakhaetu hae nynh thua.

⁸Levi phin hae tuh: Jeshua, Binnui, Kadmiel, Sherebiah, Judah te Mattaniah, Mattaniah tuh a uno hae ryte lungtuanaw hlaw a synriatu nynh thua hae.

⁹Te mih uno hae Bakbukiah te Unno tuh hlawsah vae ze minmin te arawsekunaw khe a thadyn hae.

¹⁰Jeshua tuh Joiakim paaw, Joiakim tuh Eliashib paaw, Eliashib tuh Joiada paaw,

¹¹Joiada tuh Jonathan paaw, Jonathan tuh Jaddua paaw nynh thua.

¹²Joiakim she lyaze puizia hae kya lu athua hae paw ranpibawi hae tuh: Seraiah ciihan kyaze Meraiah, Jeremiah ciihan kyaze Hananiah,

¹³Ezra ciihan kyaze Meshullam, Amariah ciihan kyaze Jehohanan,

¹⁴Mallukhi ciihan kyaze Jonathan, Shebaniah ciihan kyaze Josef,

¹⁵Harim ciihan kyaze Adna, Meraioth ciihan kyaze Halkai,

¹⁶Iddo ciihan kyaze Zekhariah, Ginnethon ciihan kyaze Meshullam,

¹⁷Abijah ciihan kyaze Zikhri, Miniamin ciihan kyaze, Moadiah ciihan kyaze Pittai,

¹⁸Bilgah ciihan kyaze Shammua, Shemaiah ciihan kyaze Jehonathan,

¹⁹Joiarib ciihan kyaze Mattenai, Jedaiah ciihan kyaze Mattenai, Jedaiah ciihan kyaze Uzzi,

²⁰Sallai ciihan kyaze Kallai, Amok ciihan kyaze Eber,

²¹Hilkiah ciihan kyaze Hashabiah, Jedaiah ciihan kyaze Nethanel.

²²Eliashib, Joiada, Johanan te Jaddua she kya Levi phin hae puizia hae kya-e lu hae te ranpibawi hae kha Persia siapharan Darias uknaw kyacia mih min ccazing law athua hae.

²³Levi phin hae, puizia hae kya-e lu hae kha Eliashib ccapaw Johanan she kyacia Sherianaw Ccauh kya mih min ccazing zei athua hae.

²⁴Levi phin hae cciakhaetu hae Hashabiah, Sherebiah te Kadmiel ccapaw Jeshua tuh mih uno hae ryte Pachia ccungccapaw David kawpyanaw thyhte thehoysah khylan te lungtuabya ho khylan aphuphute a hawiliakuh hae.

²⁵Mattaniah, Bakbukiah, Obadiah, Meshullam, Talmon te Akkub tuh sakoih kya-e sisuainn kya thadyn lante sakoih ngawtu nynh thua hae.

²⁶E hae tuh Jozadak ccapaw Jeshua a ccapaw Joiakim she, uktu bawi Nehemiah she lyate kawbya sazaepaw ranpibawi Ezra she kya a um hae.

²⁷Jerusalem khualungrua apnaw kyakhe lanchi, tintang te tang-oi hae kha khuakute lungpawnaw te, lungtuabya hote, hlawsahte apnaw poi kha tua khylan Levi phin hae kha Jerusalem lang cciakhae khylan mih umnaw miakaw kya a ccung hae.

²⁸Hlawsahtu aphu hae tuh Jerusalem khua pepan kyate, Netofah pepan e khua taraw hae kyate,

²⁹Beth-gilgal kyate, Geba te Azmaveth pee hae kyate mah pynkheihlan a pumkuh hae; pawccecize hlawsahtu hae nynh Jerusalem pepan khe khua taraw hae kha a raeku hae.

³⁰Ranpibawi hae te Levi phin hae nynh mimaw kha thyaasakuh hae zah, ccungccaw hae, sakoih hae te khualungrua kha mah a thyaasah hae.

³¹Judah cciakhaetu hae kha khualungrua vawlan ka cciakhae hae zah lungtuanaw hlawsahtu aphupi phu ning lang ka nung hae. Phu kheit tuh ranglang khe khualungrua vawlan te Athupaw Koikua kalan a cceih hae;

³²minmin nulang te Hoshaiah te Judah bawi hae angankuh,

³³Azariah, Ezra, Meshullam,

³⁴Judah, Benjamin, Shemaiah te Jeremiah,

³⁵mungkae a ccyng hae paw ranpibawi ccangvae hae abang tuh a cceih hae, tuh-e hae tuh: Zekhariah te a uno hae Shemaiah, Azarel, Milalai, Gilalai, Maai, Nethanel, Judah te Hanani thua hae zah minmin nynh Pachia ccungccapaw David kya-e khuakupaw uccaw hae ccyngkute a zui hae; kawbya sazaepaw Ezra tuh mih malang khe a cceih. Zekhariah tuh Jonathan ccapaw, Jonathan tuh Shemaiah ccapaw, Shemaiah tuh Mattaniah ccapaw, Mattaniah tuh Mikaiah ccapaw, Mikaiah tuh Zakkur ccapaw, Zakkur tuh Asaf ccapaw nynh thua.

³⁶

³⁷Mih malang e Tuidy Sakoih kya thua hae zah khualungrua kaenaw David khua nawkui kyate lawbabin lan kaethung hae zah David inn luki, nithua lang e Tui Koikua kyacia a cceih hae.

³⁸Lungtuanaw hlawsahtu hae ccangpaw phu kheit tuh voilang cceih hae zah, kae te ccungccaw hae angankuh nynh khualungrua vawlan te Sanlou Ruanaw Innhangpaw luki, Akopaw Khualungrua kyacia kae zui hae.

³⁹Efraim Koikua luki, Koikua Rynpaw, Ngasaw Koikua, Hananel Innhangpaw, Azah Innhangpaw te Tuu Koikua kyacia kae cceih; te minmin tuh Ngawtu Sakoih kya a thadyn hae.

⁴⁰Tuhcite lungtuanaw hlawsahtu phu ning hae tuh parouh mawte Pachia inn kya thadyn hae zah, kae te bawi hae angankuh mah kae thadynbua;

⁴¹ranpibawi hae Eliakim, Maaseiah, Miniamin, Mikaiah, Elioenai, Zekhariah te Hananiah tuh mungkae ccyngkute a thadyn hae;

⁴²Maaseiah, Shemaiah, Eleazar, Uzzi, Jehohanan, Malkhijah, Elam te Ezer mah a thadyn hae. Hlawsahtu hae tuh Jezrahiah nynh lupi lang umpyate hlaw a sah hae.

⁴³Tuin nin khe silawnaw pipi kha rae hae zah mih lungpaw, pawccecize Pachia nynh myarya lepaw lungpawnaw kha a pya hae. Jerusalem lungpawnaw roi tuh laansawpi te a thae hae.

⁴⁴Kawbya thyhte ccou lan ccan zah ranpibawi hae te Levi phin hae hanlan tuh-e khua hae loo kya-e a suelua hae paw ahlu hae, thaety hae te pumhaw pumkheit hae ccakhungnawpaw akhaan hae a do-oihtu ccungccaw hae kha tuin nin kya a khang hae; pawccecize Judah hae tuh ryalahtu ranpibawi hae te Levi phin hae tungvaw mih lungpaw.

⁴⁵David te a ccapaw Solomon nynh kawpya hae thyhte, hlawsahtu hae te sakoih ngawtu hae nynh a cyi hae hawte, mih Pachia rya te thyaasahkunaw rya kha minmin nynh a law hae.

⁴⁶Pawccecize langmawlya David te Asaf she lyakhe Pachia thehoysahnaw te lungtuabya honawpaw hlaw hae la um zah a sahkhaetu lupi mah a um.

⁴⁷Zerubbabel she te Nehemiah she lyakhe Israel hae balyn nynh hlawsahtu hae te sakoih ngawtu hae hanlan nin takyh a ccou lan hae paw kha a pya hae. Levi phin hae nynh a ccou lan hae paw kha taekhiate a nung hae; te Aaron ciihan hae nynh a ccou lan hae paw kha Levi phin hae nynh taekhiate a nungpya hae.