Read Zotung Chin SOLOMON HLAW 3 Bible Online

SOLOMON HLAW 3 - Zotung Chin bible

SOLOMON HLAW 3

¹Ka hiinnaw nynh a sungsahpaw kha khuazi kya ikhung vawlan khe ka ccung; amaw kha ka ccung zemah ka muih khyh; ka ko zemah yn oi khyh.

²“Atu ka thokuh cih zah khuapi lungkhu laanpi hae kya te laanpi atungkunaw hae kya ka khiakuh cih; ka hiinnaw nynh a sungsahpaw kha ka ccung cih,” ka ci zah, amaw kha ka ccung zemah ka muih khyh.

³Rhawviatu hae nynh khuapi lungkhu a khiaku lya hae khe, kae kha he yn muih hae tuh, “Ka hiinnaw nynh a sungsahpaw kha na muih oh tou?” cite ka khia hae.

⁴Minmin kha ccapyhtari he ka lawe hae te, ka hiinnaw nynh a sungsahpaw kha ka muih. Ka nung nynh kae yn saahnaw khaan, ka nung inn lungkhu lang ka teekhae mawlaezung, amaw kha cciasah leite phang ka kyng.

⁵Pou Jerusalem ccanung hae, ka sungsahnung tuh amaw tho lan a tho mawlaezung na tho khyh nawlan oh, sazuh hae khyhze sazaw hae min phyate bya kae taw oh!

⁶Kungku hae kya-e mynkhuhpaw pungda hae ryte, mura te frankinsen zimuin khate amynkhuh khaekuhpaw, akhuhthungpaw maeekhuh hawte, ramkaw kyate yn poupaw tuh hummou athua?

⁷Dotua oh, Solomon a ikhung khuh! A pepan khe Israel kyaze athawsaepaw pise, pise athawsaepaw sung taruh a um hae,

⁸tuh-e hae balyn tuh thaloi ccyngkute, rhawtuk a thya hae paw nynh thua, khuazi vae ze thinphang a um keiccuze, mih phae kyakhe thaloi ccarou a saekuh hae.

⁹Solomon Siapharan nynh Lebanon thing khate puihbiakunawpaw ikhung kha a raeku.

¹⁰Tuh-e ikhung atung kha ngun te rae zah, akawlan kha sui te a ccaan, haungnawpaw kha sephaphuhpaw te a rae; a lungkhu kha sungsakunaw te a ccaan hae. Jerusalem ccanung hae,

¹¹yn pou oh. Pou Zion ccanung hae, a zudy poi nin kya, a lungpaw nin khe, a nung nynh a khungsahpaw bawilukhung a khungkuhpaw Solomon Siapharan khuh dotua oh.