Read Zotung Chin SOLOMON HLAW 7 Bible Online

SOLOMON HLAW 7 - Zotung Chin bible

SOLOMON HLAW 7

¹Pou siapharan ccanung, phanah nawkuhpaw na ccu tuh pawcih baban mou angaeku! Na phae tuh a kuihhae hoypaw nynh a raepaw aphutepaw lung te nynh aloku.

²Na laerui tuh misutui thenawpaw, tyty abeihpaw pakekhupaw te nynh aloku. Na vue tuh lili paw hae nynh a koihlu hae paw chanvuih apumkuhpaw te nynh aloku.

³Na matei ccangning tuh a phei hae paw sazuh taw hae sa ning te nynh aloku hae.

⁴Na nging tuh saepanua te ccaankuhpaw rhawviainn te nynh aloku. Na mit tuh Heshbon khua e Bathrabbim koikua pe umpaw tuili te nynh aloku. Na naduh tuh Damaskas lang a hawipaw Lebanon rhawviainn te nynh aloku.

⁵Na lu tuh Karmel mua te lokuh zah, na sangtung tuh sephaphuhpaw te nynh aloku; siapharan thinlung tuh akhekuhpaw sang khate kyng kho athua.

⁶Pou ka sungsahnung, ry lan umpaw liaccanung, pawcih baban mou na puithya zah ry lan na um!

⁷Na pynrua tuh ungcci ku hawte aly, na matei hae tuh ungcci ku ange kya-e athae hae te nynh aloku.

⁸Ungcci ku kya ka kae cih zah a karan hae kha ka kyng cih, ka ci. Na matei hae tuh misu nge kya-e athae te lokuh hae zah, amynkhuhpaw na hysue tuh epal myn te nynh aloku,

⁹nae myng vae ze, mung te haw vawlan nawpalya lan aluibungpaw misutui ahoy huaccepaw te nynh aloku.

¹⁰Kae tuh ka sungsahpaw kya-e ka thua zah, a lungrynaw tuh ka hanlan nynh thua.

¹¹Ka sungsahpaw, yn cciatua, khua taraw lang cceih sih lah, khua taraw hae kyakhe umkheih hin sih;

¹²misu ku atoih vae tou, misu paw apaw vae tou cipaw te ccalee paw apaw vae tou cipaw muih khylan awkhua takaw te misu khokhu lang cceih sih. Tuin kyakhe kae sungsahnaw kha nang kae pya cih.

¹³Mandarek tuh amynkhuh, Pou ka sungsahpaw, ah thuakaw pe khe ahoypaw thingthae phuin aryn athaw balyn kha na hanlan kae nungpya vae.