Read Zotung Chin JEREMIAH 45 Bible Online

JEREMIAH 45 - Zotung Chin bible

JEREMIAH 45

¹Josiah ccapaw Jehoiakim nynh Judah siapharan lang a tangnaw kum palinaw kum kya, Jeremiah nynh a opya thyhte Baruk nynh e bya hae kha ccakue kya a zei lyaze, profeh Jeremiah nynh Neriah ccapaw Baruk kalan a hopyapaw bya tuh hynhte nynh thua:

²Pou Baruk, BAWIPAW , Israel Pachia nynh na kalan hynhte a ho:

³Nang nynh, “Ka tungvaw ngaethya lan kou um! Ka lungriathaenaw kyakhe BAWIPAW nynh ngaethyanaw kha yn biachih; ka hawkhaekunaw khate ka thawbang zah ngaengannaw ka hoi khyh,” na ci.

⁴Baruk kha hynhte hopya tua: “BAWIPAW nynh a hopaw tuh: Ka sak vae paw kha ka phou cih zah, ka lin vae paw kha poh ka khaee cih—tuh-e tuh e ram pynpi hynh nynh thua.

⁵Nang nynh namaw hanlan myarya lepaw uccaw hae kha na ccungku tou? Khah-e hae kha ccungkuh nan; pawccecize ccungccaw balyn tungvaw shethya ka thuasah cih; thuasalama nang tuh na thuanaw miakaw kyakhe na hiinnaw kha rhawtuknaw kya-e lasung hawte kae pya cih, a ci,” cite a cipya.