Read Zotung Chin NAMBAR 1 Bible Online

NAMBAR 1 - Zotung Chin bible

NAMBAR 1

¹Israel hae nynh Izip ram kyate a pounaw hae te kum ningnaw, sawpaw sah ningnaw, masaty nin khe Sinai ramkaw kya tungkunaw bu kyakhe BAWIPAW nynh Moses kha hynhte a hopya:

²Israel zapi balyn kha, pise miakaw lu kheit ccite mih phin te, mih puizia te, mih min thyhte milu ria hae.

³Tuh-e pise hae tuh Israel ram kya umpaw kum kuin te palung lang, rhawtuknaw lang a cceih kho vae cih paw athua cih hae. Nang te Aaron nynh minmin kha aphuphute na ria cih oh.

⁴Mih puizia raveih kya-e lupi athuapaw, phin kheit cci kyate pise lu kheit cci tuh nanning ryte a um cih hae.

⁵E hae hynh nanning ae bawm cih oh paw pise hae mih min nynh thua: Reuben phin kyate Shedeur ccapaw Elizur;

⁶Simeon phin kyate Zurishaddai ccapaw Shelumiel.

⁷Judah phin kyate Amminadab ccapaw Nahshon.

⁸Issakhar phin kyate Zuar ccapaw Nethanel.

⁹Zebulun phin kyate Helon ccapaw Eliab.

¹⁰Josef ccapaw hae kyate: Efraim phin kyate Ammihud ccapaw Elishama; Manasseh phin kyate Pedahzur ccapaw Gamaliel.

¹¹Benjamin phin kyate Gideoni ccapaw Abidan.

¹²Dan phin kyate Ammishaddai ccapaw Ahiezer.

¹³Asher phin kyate Okhran ccapaw Pagiel.

¹⁴Gad phin kyate Deuel ccapaw Eliasaf.

¹⁵Naftali phin kyate Enan ccapaw Ahira.

¹⁶E hae tuh zapi kyate po athua hae paw mih thokeinaw phin kya-e cciakhaetu hae, Israel hae mih phin kya-e lupi hae nynh thua hae.

¹⁷Moses te Aaron nynh min te po athua hae paw tuh-e pise hae kha a ko hae,

¹⁸te sawpaw sah ningnaw masaty nin khe minmin nynh zapi balyn kha pynkheihlan pum hae zah, mih phin kyakhe mih puizia thyhte kum kuin te palung lang lu kheit cci mih min rianaw thyhte ccazing a law hae,

¹⁹tuh-e tuh BAWIPAW nynh Moses kha kaw a pya thyhte nynh thua. Tuhcite aning nynh minmin milu kha Sinai ramkaw khe a ria hae.

²⁰Israel a ccatawccaw Reuben ciihan tuh mih thokeinaw, mih phin, mih puizia, lu kheit cci min rianaw thyhte rhawtuknaw lang a cceih kho vae cih paw miakaw, kum kuin te palung lang pise miakaw:

²¹Reuben phin kya-e min ccazing law athua hae paw tuh sung pali thong taruh za pangaw acih hae.

²²Simeon ciihan tuh mih thokeinaw, mih phin, mih puizia thyhte ria athua hae paw, min rianaw thyhte lu kheit ccite, kum kuin te palung lang pise miakaw, rhawtuknaw lang a cceih kho vae cih paw miakaw:

²³Simeon phin ria athua hae paw tuh sung pangaw thong takua za thum acih hae.

²⁴Gad ciihan tuh mih thokeinaw, mih phin, mih puizia, min rianaw thyhte rhawtuknaw lang a cceih kho vae cih paw miakaw, kum kuin te palung lang:

²⁵Gad phin kya-e min ccazing law athua hae paw tuh sung pali thong pangaw za taruh sung pangaw acih hae.

²⁶Judah ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

²⁷Judah phin kya-e min ccazing law athua hae paw tuh sung sari thong pali za taruh acih hae.

²⁸Issakhar ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

²⁹Issakhar phin kya-e min ccazing law athua hae paw tuh sung pangaw thong pali za pali acih hae.

³⁰Zebulun ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

³¹Zebulun phin kya-e min ccazing law athua hae paw tuh sung pangaw thong sari za pali acih hae.

³²Josef ciihan kya-e Efraim ciihan tuh mih thokeinaw, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

³³Efraim phin min ccazing law athua hae paw tuh thong sung pali za pangaw acih hae.

³⁴Manasseh ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

³⁵Manasseh phin kya-e min ccazing law athua hae paw tuh sung thum thong ning za ning acih hae.

³⁶Benjamin ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

³⁷Benjamin phin kya-e min ccazing law athua hae paw tuh sung thum thong pangaw za pali acih hae.

³⁸Dan ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

³⁹Dan phin kya-e min ccazing law athua hae paw tuh sung taruh thong ning za sari acih hae.

⁴⁰Asher ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

⁴¹Asher phin kya-e min ccazing law athua hae paw tuh sung pali thong kheit za pangaw acih hae.

⁴²Naftali ciihan tuh mih she, mih phin, mih puizia, min rianaw thyhte kum kuin te palung lang rhawtuknaw lang a cceih kho vae cih paw miakaw:

⁴³Naftali phin kya-e min ccazing law athua hae paw tuh sung pangaw thong thum za pali acih hae.

⁴⁴E hae hynh Moses te Aaron nynh puizia raveih kya-e Israel cciakhaetu lu haw lae ning bawmnaw te milu a ria hae paw nynh thua.

⁴⁵Tukeiccuze Israel hae milu abalyn, mih puizia thyhte kum kuin te palung lang Israel hae kya rhawtuknaw lang a cceih kho vae cih paw miakaw—

⁴⁶milu abalyn tuh cciing taruh thong thum za pangaw sung pangaw acih hae.

⁴⁷Thuasalama Levi phin kya tuh mih thokeinaw phin maw te Israel hae kya riabia thua khyh hae.

⁴⁸BAWIPAW nynh Moses kha hynhte a hopya:

⁴⁹Levi phin kyalya kha na riabia lan khyh hae, ccangpaw Israel hae ryte minmin kha milu na riakheih lan khyh hae.

⁵⁰Byakinnaw beikbu kha thuasah, beikbu accinccang balyn kha thuasah, beikbu te asekuhpaw balyn kha thuasah Levi phin hae kyakhe na ap cih hae; minmin nynh beikbu te accinccang balyn kha a puih cih hae, a do-oih cih hae zah beikbu pepan khe ryahmin a sakkuh cih hae.

⁵¹Beikbu kha cciakhae accan vae ze, Levi phin hae nynh a phou cih hae; beikbu kha sak lan accan vae ze, Levi phin hae nynh a sak cih hae. Te Levi phin holeite ccangpaw lukhakheit nynh a naeku lanze chia athua cih.

⁵²Ccangpaw Israel hae tuh mimaw ryahmin raveih kyakhe aphuphute ryahmin kha a tahkuh cih hae;

⁵³thuasalama Israel zapi tungvaw thinrianaw a um khyh nawlan Levi phin hae tuh byakinnaw beikbu pepan khe ryahmin kha a tahkuh cih hae; te Levi phin hae nynh byakinnaw beikbu do-oihpaw ryalaw kha a lah cih hae.

⁵⁴Israel hae nynh tuhcite a cyi hae; BAWIPAW nynh Moses kha kaw a pya thyhte minmin nynh a cyi hae.