Read Zotung Chin NAMBAR 2 Bible Online

NAMBAR 2 - Zotung Chin bible

NAMBAR 2

¹BAWIPAW nynh Moses te Aaron kha hynhte a hopya hae:

²Israel hae tuh mih rhawkaw phu raveihte mih puizia alan kaw khe ryahmin a tahkuh cih hae; voikheit voikheit lang te tungkunaw bu kalan khe hawite ryahmin kha a tahkuh cih hae.

³Nithua lang, khuanin thuanaw langkhe aphuphute a um cih paw tuh Judah rhawkaw phu ryahmin alan athua cih. Judah phin cciakhaetu tuh Amminadab ccapaw Nahshon athua cih,

⁴tuh-e aphu tuh milu a ria hae thyhte, sung sari thong pali za taruh acih.

⁵Judah koute ryahmin a tahkuh lanpaw tuh Issakhar phin athua cih. Issakhar ciihan hae cciakhaetu tuh Zuar ccapaw Nethanel athua cih,

⁶tuh-e aphu tuh a ria hae thyhte, sung pali thong pali za pali acih.

⁷Tukoute Zebulun phin athua cih: Zebulun ciihan hae cciakhaetu tuh Helon ccapaw Eliab athua cih,

⁸tuh-e aphu tuh milu a ria hae thyhte, sung pangaw thong sari za pali acih.

⁹Judah ryahmin kya-e min rianaw abalyn tuh aphuphute cciing kheit sung tarya thong taruh za pali acih. Ccia vae ze, minmin hynh masaty laan a maw cih hae.

¹⁰Alia langkhe aphuphute a um cih paw tuh Reuben rhawkaw phu ryahmin alan nynh thua. Reuben ciihan hae cciakhaetu tuh Shedeur ccapaw Elizur athua cih,

¹¹aning aphu tuh milu a ria thyh hae te, sung pali thong taruh za pangaw acih.

¹²Te Reuben koute ryahmin a tahkuh cih paw tuh Simeon phin athua cih. Simeon ciihan hae cciakhaetu tuh Zurishaddai ccapaw Shelumiel athua cih,

¹³aning aphu tuh a ria thyh hae te, sung pali thong takua za thum acih.

¹⁴Oute Gad phin athua cih: Gad ciihan hae cciakhaetu tuh Reuel ccapaw Eliasaf athua cih,

¹⁵aning aphu tuh milu a ria thyh hae te, sung pali thong pangaw za taruh sung pangaw acih.

¹⁶Reuben ryahmin kya-e min rianaw abalyn tuh aphuphute cciing kheit sung pangaw thong kheit za pali sung pangaw acih. Minmin tuh phu ningnaw a cceih hae paw athua cih.

¹⁷Tungkunaw bu tuh Levi rhawkaw phu ryte rhawkaw phu hae angaelung khe a cceih cih; minmin nynh ryahmin a tahku hae thyhte, mih umnaw raveih khate mih rhawkaw phu thyhte a cceih cih hae.

¹⁸Niccaw langkhe aphuphute a um cih paw tuh Efraim ryahmin alan athua cih, Efraim ciihan hae cciakhaetu tuh Ammihud ccapaw Elishama athua cih,

¹⁹aning aphu tuh a ria hae thyhte thong sung pali za pangaw acih.

²⁰Efraim koute Manasseh phin a um cih. Manasseh ciihan hae cciakhaetu tuh Pedahzur ccapaw Gamaliel athua cih,

²¹aning aphu tuh milu a ria thyh hae te, sung thum thong ning za ning acih.

²²Oute Benjamin phin athua cih: Benjamin ciihan hae cciakhaetu tuh Gideoni ccapaw Abidan athua cih,

²³aning aphu tuh milu a ria thyh hae te sung thum thong pangaw za pali acih.

²⁴Efraim ryahmin kya-e min rianaw abalyn tuh aphuphute, cciing kheit thong tarya za kheit acih. Minmin tuh phu thumnaw kya a cceih cih hae.

²⁵Palung langkhe aphuphute a um cih paw tuh Dan ryahmin alan athua cih. Dan ciihan hae cciakhaetu tuh Ammishaddai ccapaw Ahiezer athua cih,

²⁶aning aphu tuh a ria hae thyhte sung taruh thong ning za sari athua cih.

²⁷Dan koute ryahmin a tahkuh cih paw tuh Asher phin athua cih. Asher ciihan hae cciakhaetu tuh Okhran ccapaw Pagiel athua cih,

²⁸aning aphu tuh a ria hae thyhte sung pali thong kheit za pangaw acih.

²⁹Oute Naftali phin athua cih: Naftali ciihan hae cciakhaetu tuh Enan ccapaw Ahira athua cih,

³⁰aning aphu tuh a ria hae thyhte sung pangaw thong thum za pali acih.

³¹Dan ryahmin kya-e min rianaw abalyn tuh aphuphute, cciing kheit sung pangaw thong sari za taruh acih. Minmin tuh aphuphute nyathyakou a cceih cih hae.

³²E hynh Israel hae mih puizia thyhte min rianaw nynh thua; ryahmin kya aphuphute min rianaw abalyn tuh cciing taruh thong thum za pangaw sung pangaw acih.

³³BAWIPAW nynh Moses kaw a pya thyhte Levi phin hae tuh ccangpaw Israel hae laku kya riabia thua khyh hae.

³⁴BAWIPAW nynh Moses kaw a pya thyhte Israel hae nynh a cyi hae: Minmin nynh alan hae thyhte ryahmin tahkuh hae zah, thokeinaw phin thyhte lu kheit cci mih phin thyhte phe lokuh lante a cceih hae.