Read Zotung Chin NAMBAR 26 Bible Online

NAMBAR 26 - Zotung Chin bible

NAMBAR 26

¹Shethya adae koute BAWIPAW nynh Moses te Aaron ccapaw Eleazar kha,

²“Israel hae kyaze rhawtuknaw lang a cceih khopaw miakaw, kum kuin te palung lang, mih puizia thyhte Israel zapi balyn kha milu riatua oh,” a cipya hae.

³Moses te ranpibawi Eleazar nynh Jeriko te arawsekunaw, Jordan vaw pe, Moab bialae kyakhe minmin kha,

⁴BAWIPAW nynh Moses kaw a pya thyhte, “Kum kuin te palung lang ccungccaw hae kha milu riatua oh,” a cipya hae. Izip ram kyate a pou hae paw Israel hae tuh hynh-e hae nynh thua hae:

⁵Israel a ccatawccaw tuh Reuben nynh thua. Reuben ciihan hae tuh: Hanok kyate a tho hae paw Hanok phin; Pallu kyate a tho hae paw Pallu phin;

⁶Hezron kyate a tho hae paw Hezron phin; Karmi kyate a tho hae paw Karmi phin nynh thua hae.

⁷Hynh-e hae hynh Reuben phin thua hae zah riapaw milu tuh sung pali thong thum za sari sung thum acih hae.

⁸Pallu ciihan tuh Eliab nynh thua.

⁹Eliab ciihan hae tuh: Nemuel, Dathan te Abiram nynh thua hae. Hynh-e Dathan te Abiram hynh Korah ryte mungkute BAWIPAW a rawse lya hae ze, zapi kyate po hae zah Moses te Aaron a rawse hae paw nynh thua hae,

¹⁰laephi nynh a khalang aw zah minmin kha Korah ryte a due hae, maee nynh ccungccaw za ning sung pangaw he a u hae te, tuh-e ccungccaw phu tuh a chih; te minmin tuh raeringnaw pyanawpaw lang a tang hae.

¹¹Thuasalama Korah ccapaw hae tuh chih khyh hae.

¹²Simeon ciihan hae tuh mih phin hae thyhte: Nemuel kyate a tho hae paw Nuemuel phin; Jamin kyate a tho hae paw Jamin phin; Jakhin kyate a tho hae paw Jakhin phin;

¹³Zerah kyate a tho hae paw Zerah phin; Shaul kyate a tho hae paw Shaul phin nynh thua hae.

¹⁴E hae hynh Simeon phin hae thua hae zah, thong kuin lae ning za ning acih hae.

¹⁵Gad ccaaw hae tuh mih phin thyhte: Zefon kyate a tho hae paw Zefon phin; Haggi kyate a tho hae paw Haggi; Shuni kyate a tho hae paw Shuni phin;

¹⁶Ozni kyate a tho hae paw Ozni phin; Eri kyate a tho hae paw Eri phin;

¹⁷Aro kyate a tho hae paw Aro phin; Areli kyate a tho hae paw Areli phin nynh thua hae.

¹⁸E hae hynh Gad phin hae thua hae zah, riapaw milu tuh thong sung pali za pangaw acih hae.

¹⁹Judah ccapaw hae tuh: Er te Onan thua hae zah Er te Onan tuh Kanaan ram kya a chih hae.

²⁰Judah ciihan hae tuh mih phin thyhte: Shelah kyate a tho hae paw Shelah phin; Perez kyate a tho hae paw Perez phin; Zerah kyate a tho hae paw Zerah phin nynh thua hae.

²¹Perez ciihan hae tuh: Hezron kyate a tho hae paw Hezron phin; Hamul kyate a tho hae paw Hamul phin nynh thua hae.

²²E hae hynh Judah phin thua hae zah riapaw milu tuh sung sari thong taruh za pangaw acih hae.

²³Issakhar ciihan hae tuh mih phin thyhte: Tola kyate a tho hae paw Tola phin; Puvah kyate a tho hae paw Puvah phin;

²⁴Jashub kyate a tho hae paw Jashub phin; Shimron kyate a tho hae paw Shimron phin nynh thua hae.

²⁵E hae hynh Esskhar phin hae thua hae zah riapaw milu tuh sung taruh thong pali za thum acih hae.

²⁶Zebulun ciihan hae tuh mih phin thyhte: Sered kyate a tho hae paw Sered phin; Elon kyate a tho hae paw Elon phin; Jahleel kyate a tho hae paw Jahleel phin nynh thua hae.

²⁷E hae tuh Zebulun phin hae thua hae zah riapaw milu tuh thong sung taruh za pangaw acih hae.

²⁸Josef ccapaw hae tuh mih phin thyhte: Manasseh te Efraim nynh thua hae.

²⁹Manasseh ciihan hae tuh: Makhir kyate a tho hae paw Makhir phin; Makhir tuh Gilead paaw nynh thua; Gilead kyate a tho hae paw Gilead phin nynh thua hae.

³⁰E hae tuh Gilead ciihan hae nynh thua: Iezer kyate a tho hae paw Iezer phin; Helek kyate a tho hae paw Helek phin;

³¹te Asriel kyate a tho hae paw Asriel phin; Shekhem kyate a tho hae paw Shekhem phin nynh thua hae.

³²Shemida kyate a tho hae paw Shemida phin; Hefer kyate a tho hae paw Hefer phin nynh thua hae.

³³Hefer ccapaw Zelofehad tuh ccapaw saah khyh zah ccanung hae tuh a saah: Zelofehad ccanung hae min tuh Mahlah, Noah, Hoglah, Milkah te Tirzah nynh thua hae.

³⁴E hae tuh Manasseh phin hae thua hae zah riapaw milu tuh sung pangaw thong ning za sari acih hae.

³⁵E hae tuh Efraim ciihan hae thua zah mih phin thyhte: Shuthelah kyate a tho hae paw Shuthelah phin; Bekher kyate a tho hae paw Bekher phin; Tahan kyate a tho hae paw Tahan phin nynh thua hae.

³⁶Te hynh-e hae tuh Shuthelah ciihan nynh thua hae: Eran kyate a tho hae paw Eran phin nynh thua.

³⁷E hae tuh Efraim phin thua hae zah riapaw milu tuh sung thum thong ning za pangaw acih hae. E hae tuh mih phin thyhte Josef ciihan hae nynh thua.

³⁸Benjamin ciihan hae tuh mih phin thyhte: Bela kyate a tho hae paw Bela phin; Ashbel kyate a tho hae paw Ashbel phin; Ahiram kyate a tho hae paw Ahiram phin;

³⁹Shefufam kyate a tho hae paw Shefufam phin; Hufam kyate a tho hae paw Hufam phin nynh thua hae.

⁴⁰Te Bela ccapaw hae tuh Ard te Naaman nynh thua hae: Ard kyate a tho hae paw Ard phin; Naaman kyate a tho hae paw Naaman phin nynh thua hae.

⁴¹E hae tuh mih phin thyhte Benjamin ciihan hae thua zah riapaw milu tuh sung pali thong pangaw za taruh acih hae.

⁴²E hae tuh mih phin thyhte Dan ciihan hae nynh thua: Shuham kyate a tho hae paw Shuham nynh thua hae. E hae tuh mih phin thyhte Dan phin nynh thua hae.

⁴³Shuham phin hae balyn tuh sung taruh thong pali za pali acih hae.

⁴⁴Asher ciihan hae tuh mih innbyn hae thyhte: Imnah kyate a tho hae paw Imnah phin; Ishvi kyate a tho hae paw Ishvi phin; Beriah kyate a tho hae paw Beriah phin nynh thua hae.

⁴⁵Beriah ciihan hae tuh: Heber kyate a tho hae paw Heber phin; Malkhiel kyate a tho hae paw Malkhiel phin nynh thua hae.

⁴⁶Te Asher ccanung min tuh Serah nynh thua.

⁴⁷E hae tuh Asher phin thua hae zah riapaw milu tuh sung pangaw thong thum za pali acih hae.

⁴⁸Naftali ciihan hae tuh mih phin thyhte: Jahzeel kyate a tho hae paw Jahzeel phin; Guni kyate a tho hae paw Guni phin;

⁴⁹Jezer kyate a tho hae paw Jezer phin; Shillem kyate a tho hae paw Shillem phin nynh thua hae.

⁵⁰E hae tuh mih phin thyhte Naftali phin thua zah riapaw milu tuh sung pali thong pangaw za pali acih hae.

⁵¹E tuh Israel hae riapaw milu thua zah thong za taruh thong kheit za sari sung thum acih hae.

⁵²BAWIPAW nynh Moses kha hynhte a hopya:

⁵³Ram hynh hynh-e hae hanlan mih min alung azya rianaw thyhte rho lang nee athua cih hae.

⁵⁴Alung hae paw phin hanlan rho alung na pya cih zah, a zya hae paw phin hanlan rho azya na pya cih; riapaw milu thyhte phin takyh kalan mih rho kha pya athua cih.

⁵⁵Thuasalama ram kha ccungthydung athua cih zah mih thokeinaw phin min thyhte rho a ccou cih hae.

⁵⁶Mih rho kha ccungthydung thyhte alung huapaw te azya huapaw laku nee athua cih hae.

⁵⁷E tuh Levi phin hae kha mih phin thyhte rianaw nynh thua: Gershon kyate a tho hae paw Gershon phin; Kohath kyate a tho hae paw Kohath phin; Merari kyate a tho hae paw Merari phin nynh thua hae.

⁵⁸E hae tuh Levi phin nynh thua hae: Libni phin, Hebron phin, Mahli phin, Mushi phin te Korah phin nynh thua. Kohath tuh Amram paaw nynh thua.

⁵⁹Amram zu min tuh Jokhebed cikuh zah Izip ram kya Levi nynh a saahpaw Levi ccanung nynh thua; aning nynh Amram hanlan Aaron, Moses te mih ccianung Miriam kha a saahpya hae.

⁶⁰Aaron nynh Nadab, Abihu, Eleazar te Ithamar kha a saah hae.

⁶¹Thuasalama Nadab te Abihu tuh BAWIPAW malang khe athyaa leipaw maee te si he a law hae tuh, phe chih hae.

⁶²Sawpaw sah kheit acihpaw te palung lang pise miakaw riapaw milu tuh thong kuin lae thum acih hae; minmin tuh Israel hae kyaze rho pyabua athua khyh keiccu hae ze, Israel hae kya ccazing lawbua thua khyh hae.

⁶³E hae hynh Jeriko te arawsekunaw Jordan vaw pe, Moab bialae kyaze Israel hae kha a riatu hae paw Moses te ranpibawi Eleazar nynh a ria hae paw milu nynh thua.

⁶⁴Hynh-e hae kyahin Sinai ramkaw kya Israel hae kha a la riatu hae paw Moses te Aaron nynh a ria hae paw lu kheit sanmah um khyh hae.

⁶⁵Pawccecize minmin kong kha BAWIPAW nynh, “Minmin tuh ramkaw kya a chih cih hae,” cite a la ho vae. Jefunneh ccapaw Kaleb te Nun ccapaw Joshua holeite minmin laku e lu kheit sanmah hiin vae khyh hae.