Read Zotung Chin NAMBAR 29 Bible Online

NAMBAR 29 - Zotung Chin bible

NAMBAR 29

¹Sawpaw sah sarinaw masaty nin khe athyaapaw pumkunaw kha na rae cih oh; ryalaw na lah lan khyh oh. E hynh nanning kalan mungkae tu nin thua zah,

²BAWIPAW hanlan amynkhuhpaw, maee-ute silawnaw kha: tangnua anopaw sa kheit, tuutepaw sa kheit, douccahpaw tuutaw pise kum kheit acihpaw sa sari khate si na law cih oh.

³Minmin kya-e ccathae silawnaw kha chitui te pykuhpaw vaekhui te rae athua cih: tangnuapaw hanlan ephah ccangkheit kya-e pum haw pum thum, tuutepaw hanlan pum haw pum ning;

⁴tuutaw sa sari kya-e sa kheit cci hanlan pumhaw pumkheit cci khate si na law cih oh;

⁵Nanning hanlan seingaethyanaw raepya nawlan, seithyaanaw silawnaw hanlan miaatepaw sa kheit khate si na law cih oh.

⁶E hae hynh, sawpaw sah leihpaw kya raepaw maee-ute silawnaw te a ccathae silawnaw, tyty maee-ute silawnaw te a ccathae silawnaw, minmin kya-e niapaw silawnaw hae, mih phungzae thyhte BAWIPAW hanlan amynkhuhpaw, maee te silawnaw apiaze raepaw silawnaw nynh thua hae.

⁷Hynh-e sawpaw sah sarinaw, nin haw nin khe athyaapaw pumkunaw na rae cih oh zah naemaw te naemaw na sungkuh cih oh; rya na lah lan khyh oh.

⁸BAWIPAW kalan amynkhuhpaw, maee-ute silawnaw kha: tangnua anopaw sa kheit, tuutepaw sa kheit, kum kheit acihpaw tuutaw pise sa sari khate na rae cih oh. E hae tuh douccahpaw athua cih hae.

⁹Minmin kya-e ccathae silawnaw kha chitui te pykuhpaw vaekhui te rae athua cih: tangnuapaw hanlan ephah ccangkheit kya-e pum haw pum thum, tuutepaw hanlan pum haw pum ning;

¹⁰tuutaw sa sari kya-e sa kheit cci hanlan pumhaw pumkheit cci khate si na law cih oh;

¹¹seingaethyanaw hanlan seithyaanaw silawnaw, tyty raepaw maee-ute silawnaw te a ccathae silawnaw, minmin kya-e niapaw silawnaw hae apiaze seithyaanaw silawnaw hanlan miaatepaw sa kheit khate silawnaw na rae cih oh.

¹²Sawpaw sah sarinaw kya-e nin haw lae pangawnaw nin khe athyaapaw pumkunaw kha na rae cih oh; nae ryalaw hae kha na lah lan khyh oh. Nin sari lungkhu BAWIPAW hanlan poi na tua cih oh.

¹³BAWIPAW hanlan amynkhuhpaw lang maee te silawnaw athuapaw maee-ute silawnaw kha: tangnuapaw anopaw sa haw lae thum, tuutepaw sa ning te kum kheit acihpaw tuutaw pise sa haw lae pali khate na rae cih oh zah, douccahpaw athua cih hae.

¹⁴Minmin kya-e ccathae silawnaw kha chitui te pykuhpaw vaekhui te rae athua cih: tangnua sa haw lae thum kya-e sa kheit cci hanlan ephah ccangkheit kya-e pum haw pum thum cci, tuutepaw sa ning kya-e sa kheit cci hanlan pum haw pum ning cci,

¹⁵tuutaw sa haw lae pali kya-e sa kheit cci hanlan pumhaw pumkheit cci khate si na law cih oh;

¹⁶tyty raepaw maee-ute silawnaw, a ccathae silawnaw te niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

¹⁷Nin ningnaw nin khe: tangnua anopaw sa haw lae ning, tuutepaw sa ning, douccahpaw tuutaw pise kum kheit acihpaw sa haw lae pali kha,

¹⁸tuh-e hae alung azya na synria oh hawte, tangnuapaw hae, tuutepaw hae te tuutaw hae hanlan ccathae silawnaw te niapaw silawnaw hae rykhate silawnaw na rae cih oh;

¹⁹tyty raepaw maee-ute silawnaw, a ccathae silawnaw te minmin kya-e niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

²⁰Nin thumnaw kya: tangnuapaw sa haw lae kheit, tuutepaw sa ning, douccahpaw tuutaw pise kum kheit acihpaw sa haw lae pali kha,

²¹tuh-e hae alung azya na synria oh hawte tangnuapaw hae, tuutepaw hae, tuutaw hae hanlan ccathae silawnaw te niapaw silawnaw hae rykhate silawnaw na rae cih oh;

²²tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

²³Nin palinaw nin khe: tangnuapaw sa haw, tuutepaw sa ning, douccahpaw tuutaw pise kum kheit acihpaw sa haw lae pali kha,

²⁴tuh-e hae alung azya na synria oh hawte tangnuapaw hae, tuutepaw hae, tuutaw hae hanlan ccathae silawnaw te niapaw silawnaw hae rykhate silawnaw na rae cih oh;

²⁵tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

²⁶Nin pangawnaw nin khe: tangnuapaw sa takua, tuutepaw sa ning, douccahpaw tuutaw pise kum kheit acihpaw sa haw lae pali kha,

²⁷tuh-e hae alung azya na synria oh hawte tangnuapaw hae, tuutepaw hae, tuutaw hae hanlan ccathae silawnaw te niapaw silawnaw hae rykhate silawnaw na rae cih oh;

²⁸tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

²⁹Nin taruhnaw nin khe: tangnuapaw sa tarya, tuutepaw sa ning, douccahpaw tuutaw pise kum kheit acihpaw sa haw lae pali kha,

³⁰tuh-e hae alung azya na synria oh hawte tangnuapaw hae, tuutepaw hae, tuutaw hae hanlan ccathae silawnaw te niapaw silawnaw hae rykhate phungzae thyhte silawnaw na rae cih oh;

³¹tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

³²Nin sarinaw nin khe: tangnuapaw sa sari, tuutepaw sa ning, douccahpaw tuutaw pise kum kheit acihpaw sa haw lae pali kha,

³³tuh-e hae alung azya na synria oh hawte tangnuapaw hae, tuutepaw hae, tuutaw hae hanlan ccathae silawnaw te niapaw silawnaw hae rykhate phungzae thyhte silawnaw na rae cih oh;

³⁴tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

³⁵Nin taryanaw nin khe athyaapaw pumkunaw na rae cih oh zah ryalaw na lah lan khyh oh.

³⁶BAWIPAW kalan amynkhuhpaw lang maee te silawnaw athuapaw maee-ute te silawnaw kha na rae cih oh: tangnuapaw sa kheit, tuutepaw sa kheit te douccahpaw tuutaw pise kum kheit acihpaw sa sari,

³⁷tuh-e hae alung azya thyhte tangnuapaw, tuutepaw, tuutaw hae hanlan ccathae silawnaw te niapaw silawnaw hae rykhate silawnaw na rae cih oh;

³⁸tyty raepaw maee-ute silawnaw, a ccathae silawnaw te a niapaw silawnaw apiaze seithyaanaw silawnaw hanlan miaatepaw sa kheit khate mah si na law cih oh.

³⁹Hynh-e hae hynh, nae kya-e maee-ute silawnaw hae, nae ccathae silawnaw hae, nae niapaw silawnaw hae te nae kya-e ccawkunaw silawnaw hae hawte, nae kya-e byakinkute silawnaw hae te nae kya-e lungthote silawnaw hae apiaze nanning kya-e accyh khyapaw poi hae kya BAWIPAW kalan silawnaw na rae cih oh.

⁴⁰Tukeiccuze BAWIPAW nynh Moses kya kaw a pya thathyhte Moses nynh Israel hae kha atyn-are a hopya hae.