Read Zotung Chin NAMBAR 33 Bible Online

NAMBAR 33 - Zotung Chin bible

NAMBAR 33

¹Hynh-e hae tuh Izip ram kyate Israel hae kha Moses te Aaron nynh aphuphute a cciakhaenaw hae ryahmin hae nynh thua.

²BAWIPAW kawpyanaw thyhte, san kheit koute san kheit a thoku takawnaw hae hmin kha Moses nynh a zei; e hae tuh a thoku takawnaw hae hmin thyhte, mih ryahmin hae nynh thua.

³Masaty sawpaw kya nin haw lae pangawnaw nin khe Rameses kyate a pou hae; kawtaw poi koute awkhualan khe Israel hae tuh Izip hae balyn a muihnaw hae khe rawthungte a pou hae,

⁴tuh-e ccyh tuh BAWIPAW nynh a chia hae paw Izip ccatawccaw balyn kha Izip hae nynh a uu lya hae nynh thua. BAWIPAW nynh mih pachia hae kha heize bya a pia hae.

⁵Tukeiccuze Israel hae tuh Rameses kyate pou hae zah Sukkoth kya ryahmin a tahku hae.

⁶Sukkoth kyate pou hae zah ramkaw akin umpaw Etham kya ryahmin a tahku hae.

⁷Etham kyate pou hae zah Baal-zefon lang a hawipaw Pi-hahiroth langkhe a ki hae; te Migdol malang khe ryahmin a tahku hae.

⁸Pi-hahiroth kyate pou hae zah, rili kha zuate ramkaw lang a tee hae, Etham ramkaw khe nin thum laanccia cceih hae zah Marah kya ryahmin a tahku hae.

⁹Marah kyate pou hae zah Elim kya athua hae; Elim kyatuin tuidy haw lae ning te ungcci ku sung sari um zah tuin kya ryahmin a tahku hae.

¹⁰Elim kyate pou hae zah Rili Se kin khe ryahmin a tahku hae.

¹¹Rili Se kyate pou hae zah Sin ramkaw khe ryahmin a tahku hae.

¹²Sin ramkaw kyate pou hae zah Dofkah kya ryahmin a tahku hae.

¹³Dofkah kyate pou hae zah Alush kya ryahmin a tahku hae.

¹⁴Alush kyate pou hae zah ccungccaw hae nynh nia lanpaw tui a um leinaw Refidim kya ryahmin a tahku hae.

¹⁵Refidim kyate pou hae zah Sinai ramkaw kya ryahmin a tahku hae.

¹⁶Sinai ramkaw kyate pou hae zah Kibroth-hattaavah kya ryahmin a tahku hae.

¹⁷Kibroth-hattaavah kyate pou hae zah Hazeroth kya ryahmin a tahku hae.

¹⁸Hazeroth kyate pou hae zah Rithmah kya ryahmin a tahku hae.

¹⁹Rithmah kyate pou hae zah Rimmon-perez kya ryahmin a tahku hae.

²⁰Rimmon-perez kyate pou hae zah Libnah kya ryahmin a tahku hae.

²¹Libnah kyate pou hae zah Rissah kya ryahmin a tahku hae.

²²Rissah kyate pou hae zah Kehelathah kya ryahmin a tahku hae.

²³Kehelathah kyate pou hae zah Shefer Mua kya ryahmin a tahku hae.

²⁴Shefer Mua kyate pou hae zah Haradah kya ryahmin a tahku hae.

²⁵Haradah kyate pou hae zah Makheloth kya ryahmin a tahku hae.

²⁶Makhelth kyate pou hae zah Tahath kya ryahmin a tahku hae.

²⁷Tahath kyate pou hae zah Terah kya ryahmin a tahku hae.

²⁸Terah kyate pou hae zah Mithkah kya ryahmin a tahku hae.

²⁹Mithkah kyate pou hae zah Hashmonah kya ryahmin a tahku hae.

³⁰Hashmonah kyate pou hae zah Moseroth kya ryahmin a tahku hae.

³¹Moseroth kyate pou hae zah Bene-jaakan kya ryahmin a tahku hae.

³²Bene-jaakan kyate pou hae zah Hor-haggidgad kya ryahmin a tahku hae.

³³Hor-haggidgad kyate pou hae zah Jotbathah kya ryahmin a tahku hae.

³⁴Jotbathah kyate pou hae zah Abronah kya ryahmin a tahku hae.

³⁵Abronah kyate pou hae zah Eziongeber kya ryahmin a tahku hae.

³⁶Eziongeber kyate pou hae zah Zin ramkaw kya ryahmin a tahku hae (tuh-e tuh Kadesh nynh thua).

³⁷Kadesh kyate pou hae zah Edom ram kin umpaw Hor Mua kya ryahmin a tahku hae.

³⁸BAWIPAW kawpyanaw thyhte ranpibawi Aaron tuh Hor Mua lang kaethung zah, tuin kyakhe Izip ram kyate Israel hae a pounaw hae te kum sung palinaw, sawpaw sah pangawnaw, masaty nin khe a chih.

³⁹Aaron tuh Hor Mua vawlan a chi lya, za kheit kum kuin lae thum acih.

⁴⁰Kanaan ram Negeb kya umpaw Arad siapharan Kanaan minphuinpaw nynh Israel hae oun ccia hae paw the kha a thae.

⁴¹Hor Mua kyate pou hae zah Zalmonah kya ryahmin a tahku hae.

⁴²Zalmonah kyate pou hae zah Punon kya ryahmin a tahku hae.

⁴³Punon kyate pou hae zah Oboth kya ryahmin a tahku hae.

⁴⁴Oboth kyate pou hae zah Moab ram lungkhu umpaw Iye-abarim kya ryahmin a tahku hae.

⁴⁵Iyim kyate pou hae zah Dibon-gad kya ryahmin a tahku hae.

⁴⁶Dibon-gad kyate pou hae zah Almon-diblathaim kya ryahmin a tahku hae.

⁴⁷Almon-diblathaim kyate pou hae zah Nebo malang umpaw Abarim mua kya ryahmin a tahku hae.

⁴⁸Abarim mua kyate pou hae zah Jeriko pe, Jordan vaw kin, Moab bialae khe ryahmin a tahku hae.

⁴⁹Jordan vaw kin, Beth-jeshimoth kyate Abel-shittim kyacia, Moag bialae khe ryahmin a tahku hae.

⁵⁰Jeriko pe, Jordan vaw kin, Moab bialae khe BAWIPAW nynh Moses kha hynhte a hopya:

⁵¹Israel hae kyakhe hynhte hopah hae: “Nanning nynh Jordan vaw kha na zua oh zah Kanaan ram lungkhu lang he na tee oh te,

⁵²tuh-e ram kya a um hae paw balyn kha nae malang kyate na dee cih oh zah pyaararih lan a pyaaku hae paw mih lung balyn kha na ropah cih oh, sivaw tui te a laeeku hae paw mih zohtuh hae balyn kha na ropah cih oh zah ahang lante a raeku hae paw hmin balyn kha na tingpah cih oh.

⁵³Ram kha nae ram lang kae pya vae oh keiccuze, ram nynh a hoipaw kha na lawkuh cih oh zah tuh-e ram lungkhu khe khua na sah cih oh.

⁵⁴Nae phin thyhte ram kha ccungthydungte na neekuh cih oh; phin kyaze ccungccaw alungpaw kha rho alung na pya cih oh zah azyapaw kha rho azya na pya cih oh; ccungthydungte muepaw thathyhte rho kha na ccou cih oh; nae thokeinaw phin thyhte rho na ccou cih oh.

⁵⁵Thuasalama ram kya um hae paw kha nae malang kyate na dee khyh oh zetuh, na dee lei oh paw ccungccaw hae tuh nae mit kya phynbang hawte thuasah, nae napang kya hinpaw hawte thuasah athua cih hae; nae umnaw ram kya vawsawnaw ae pya cih oh.

⁵⁶Te minmin tungvaw cyi lan ka tuaku hawte nae tungvaw ka cyih cih,” a ci.