Read Zotung Chin NAMBAR 7 Bible Online

NAMBAR 7 - Zotung Chin bible

NAMBAR 7

¹Moses nynh beikbu kha a thadynsah koute a uccaw balyn rykhate chitui thuh zah a thyaasah, te silawhang kha a angphe balyn rykhate chitui thuh zah a thyaasah, tuh-e balyn tuh he a thangsah nin khe,

²ria athua hae paw kha a uktu hae paw Israel piccan hae, mih puizia kya-e lupi hae, phin raveih kya-e cciakhaetu hae nynh silawnaw kha a rae hae.

³Minmin nynh mih silawnawpaw hae kha BAWIPAW malang a thuakhae hae, adawkuhpaw lee ccangtaruh te tangnuapaw sa haw lae ning, cciakhaetu lu ning elang lee ccangkheit cci, lu kheit elang tangnuapaw sa kheit cci thua zah, hynh-e hae hynh minmin nynh beikbu malang a pya hae.

⁴Oute BAWIPAW nynh Moses kha hynhte a hopya:

⁵Minmin nynh tungkunaw bu ryalawnaw kya a mang ccaw hae, hynh-e hae hynh minmin kyate ccoupah hae lah Levi phin hae kalan khe mih ryalaw raveih thyhte pya hae, a ci.

⁶Tukeiccuze Moses nynh lee hae te tangnuapaw hae kha lah hae zah Levi phin hae kalan a pya hae.

⁷Lee ccangning te tangnuapaw sa ning kha Gershon phin hae kalan mih ryalaw raveih thyhte a pya hae;

⁸te lee ccangpali te tangnuapaw sa tarya kha Merari phin hae kalan, mih ryalaw raveih thyhte, ranpibawi Aaron ccapaw Ithamar khuakhannaw zakaw khe a pya hae.

⁹Thuasalama Kohath phin hae kha pawpaw mah pya khyh hae, pawccecize minmin tuh raw vawlan puihpaw athyaapaw uccaw hae do-oihpaw ryalaw kha pya athua hae.

¹⁰Cciakhaetu hae nynh silawhang kha chitui a thuh lya hae khe, silawhang thyaasahnaw hanlan silawnaw hae kha mah a rae hae; cciakhaetu hae nynh mih silawnaw hae kha silawhang malang khe a rae hae.

¹¹BAWIPAW nynh Moses kha hynhte a hopya: Minmin nynh beikbu thyaasahnaw hanlan mih silawnaw hae kha cciakhaetu lu kheit ze nin kheit ccite a rae cih hae.

¹²Masaty nin kya silawnaw a rae cih paw tuh Judah phin, Amminadab ccapaw Nahshon nynh thua;

¹³si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

¹⁴amynkhuhpaw te phe beihpaw, shekel ahaw aripaw sui pake zung kheit;

¹⁵maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

¹⁶seithyaanaw silawnaw hanlan miaatepaw sa kheit;

¹⁷te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Amminadab ccapaw Nahshon kya-e silawnawpaw nynh thua.

¹⁸Nin ningnaw nin kya tuh Issakhar phin cciakhaetu Zuar ccapaw Nethanel nynh silawnaw kha a rae;

¹⁹silawnawpaw lante a pyapaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

²⁰amynkhuhpaw te phe beihpaw, shekel ahaw aripaw sui pake zung kheit;

²¹maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise;

²²seithyaanaw silawnaw hanlan miaatepaw sa kheit;

²³te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zuar ccapaw Nethanel kya-e silawnaw nynh thua.

²⁴Nin thumnaw nin kya tuh Zebulun phin cciakhaetu Helon ccapaw Eliab nynh thua:

²⁵si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

²⁶amynkhuhpaw te phe beihpaw, shekel ahaw aripaw sui pake zung kheit;

²⁷maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

²⁸seithyaanaw silawnaw hanlan miaatepaw sa kheit;

²⁹te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Helon ccapaw Eliab kya-e silawnaw nynh thua.

³⁰Nin palinaw nin kya tuh Reuben phin cciakhaetu Shedeur ccapaw Elizur nynh thua:

³¹si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

³²amynkhuhpaw te phe beihpaw, shekel ahaw aripaw sui pake zung kheit;

³³maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

³⁴seithyaanaw silawnaw hanlan miaatepaw sa kheit;

³⁵te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Shedeur ccapaw Elizur kya-e silawnaw nynh thua.

³⁶Nin pangawnaw nin kya tuh Simeon phin cciakhaetu Zurishaddai ccapaw Shelumiel nynh thua:

³⁷si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

³⁸amynkhuhpaw te phe beihpaw, shekel ahaw aripaw sui pake zung kheit;

³⁹maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁴⁰seithyaanaw silawnaw hanlan miaatepaw sa kheit;

⁴¹te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zurishaddai ccapaw Shelumiel kya-e silawnaw nynh thua.

⁴²Nin taruhnaw nin kya tuh Gad phin cciakhaetu Deuel ccapaw Eliasaph nynh thua:

⁴³si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁴⁴amynkhuhpaw te phe beihpaw, shekel ahaw aripaw sui pake zung kheit;

⁴⁵maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁴⁶seithyaanaw silawnaw hanlan miaatepaw sa kheit;

⁴⁷te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zurishaddai ccapaw Shelumiel kya-e silawnaw nynh thua.

⁴⁸Nin sarinaw nin kya tuh Efraim phin cciakhaetu Ammihud ccapaw Elishama nynh thua:

⁴⁹si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁵⁰amynkhuhpaw te phe beihpaw, shekel ahaw aripaw sui pake zung kheit;

⁵¹maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁵²seithyaanaw silawnaw hanlan miaatepaw sa kheit;

⁵³te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Ammihud ccapaw Elishama kya-e silawnaw nynh thua.

⁵⁴Nin taryanaw nin kya tuh Manasseh phin cciakhaetu Pedahzur ccapaw Gamaliel nynh thua:

⁵⁵si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁵⁶amynkhuhpaw te phe beihpaw, shekel ahaw aripaw sui pake zung kheit;

⁵⁷maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁵⁸seithyaanaw silawnaw hanlan miaatepaw sa kheit;

⁵⁹te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Pedahzur ccapaw Gamaliel kya-e silawnaw nynh thua.

⁶⁰Nin takuanaw nin kya tuh Benjamin phin cciakhaetu Gideon ccapaw Abidan nynh thua:

⁶¹si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁶²amynkhuhpaw te phe beihpaw, shekel ahaw aripaw sui pake zung kheit;

⁶³maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁶⁴seithyaanaw silawnaw hanlan miaatepaw sa kheit;

⁶⁵te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zurishaddai ccapaw Shelumiel kya-e silawnaw nynh thua.

⁶⁶Nin hawnaw nin kya tuh Dan phin cciakhaetu Ammishaddai ccapaw Ahiezer nynh thua:

⁶⁷si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁶⁸amynkhuhpaw te phe beihpaw, shekel ahaw aripaw sui pake zung kheit;

⁶⁹maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁷⁰seithyaanaw silawnaw hanlan miaatepaw sa kheit;

⁷¹te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zurishaddai ccapaw Shelumiel kya-e silawnaw nynh thua.

⁷²Nin haw lae kheitnaw nin kya tuh Asher phin cciakhaetu Okhran ccapaw Pagiel nynh thua:

⁷³si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁷⁴amynkhuhpaw te phe beihpaw, shekel ahaw aripaw sui pake zung kheit;

⁷⁵maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁷⁶seithyaanaw silawnaw hanlan miaatepaw sa kheit;

⁷⁷te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Zurishaddai ccapaw Shelumiel kya-e silawnaw nynh thua.

⁷⁸Nin haw lae ningnaw nin kya tuh Naftali phin cciakhaetu Enan ccapaw Ahira nynh thua:

⁷⁹si a lawnawpaw tuh beikinnthyaa kya-e shekel thyhte, shekel za kheit sung thum aripaw ngun pake zung kheit, shekel sung sari aripaw ngun pakepi zung kheit, ccathae silawnaw hanlan tuh-e zung ning kya phe beihpaw, chitui te pykuhpaw vaekhui;

⁸⁰amynkhuhpaw te phe beihpaw, shekel ahaw aripaw sui pake zung kheit;

⁸¹maee-ute silawnaw hanlan tangnuapaw anopaw sa kheit, tuutepaw sa kheit, kum kheit acihpaw tuutaw pise sa kheit;

⁸²seithyaanaw silawnaw hanlan miaatepaw sa kheit;

⁸³te ccawkunaw silawnaw hanlan tangnuapaw sa ning, tuutepaw sa pangaw, miaatepaw sa pangaw te kum kheit acihpaw tuutaw pise sa pangaw nynh thua. E hynh Enan ccapaw Ahira kya-e silawnaw nynh thua.

⁸⁴E hynh silawhang kha chitui thuh athua nin khe, Israel cciakhaetu hae kyate silawhang elang thyaasahnaw silawnaw nynh thua: ngun pake zung haw lae ning, ngun pakekhupaw zung haw lae ning, sui pake zung haw lae ning,

⁸⁵ngun pake zung kheit cci tuh shekel za kheit sung thum ri zah, pakepi zung kheit cci tuh shekel sung sari ari, ngun angphe balyn tuh beikinnthyaa kya-e shekel thyhte, shekel thong ning za pali acih,

⁸⁶amynkhuhpaw te phe beihpaw sui pake zung haw lae ning tuh beikinnthyaa kya-e shekel thyhte zung kheit ze shekel haw lae ning ri zah sui pake abalyn tuh shekel za kheit ccangkuin acih;

⁸⁷maee-ute silawnaw hanlan sahiin-awvaw abalyn tuh tangnuapaw sa haw lae ning, tuutepaw sa haw lae ning, tuutaw pise kum kheit cih paw sa haw lae ning kha mih ccathae silawnaw ryte; te seithyaanaw silawnaw elang miaatepaw sa haw lae ning;

⁸⁸te ccawkunaw silawnaw elang sahiin-awvaw abalyn tuh tangnuapaw sa kuin lae pali, tuutepaw sung taruh, miaatepaw sung taruh, tuutaw pise kum kheit cih paw sung taruh nynh thua. E hynh silawhang kha chitui thuh athua koute silawhang elang thyaasahnaw silawnaw nynh thua.

⁸⁹Moses nynh BAWIPAW te byahoku khylan tungkunaw bu lungkhu lang he a tee te, byakin thingkua vawlan umpaw thawccinaw haungnaw luki, cherubim ccangning laku kyate amaw kalan a hopyapaw roi kha a thae; Tuhcite amaw kha a hopya.