Read Zou 1 KHANG TANGTHU 24 Bible Online

1 KHANG TANGTHU 24 - Zou bible

1 KHANG TANGTHU 24

¹Tam teng pen Aaron’ suonle hlahte kisekhen dan ahi hi. Aaron’ tapate: Nadab, Abihu, Eleazar, le Ithamar.

²Ahi vangin amau’ pa a si masangin Nadab le Abihu a si a, tapate a nei sih uhi; tuaci’n Eleazar le Ithamar-te siempu a suoh uhi.

³David in a nasepna vuah mawpuohna a kisena dung zui-in amate a se-in khen a, Eleazar’ tapate ahi Zadok le Ithamar’ tapate ahi Ahimelech-te tawh a koi hi.

⁴Ithamar’ tapate lah sangin Eleazar’ tapate lahah uhpi a tam zawh ziehin Eleazar’ tapate lahah pupa innkuon lutang sawm le guh koi-in, Ithamar’ tapate sungah giet koi uhi.

⁵Eleazar’ tapate le Ithamar’ tapate sungah munsiengtho ulien le Pasien’ ulien om tuoh uh ahi ziehin, amate unpi-in a kibangin aisanna tawh amate a koi uhi.

⁶Levi-te Nethanel’ tapa laithei Shemaiah in kumpipa, uliente, siempu Zadok, Abiathar’ tapa Ahimelech, siempute le Levi-te’ pupa innkuon lutangte mai-ah amate ciemte hi; Eleazar’ dingin pupa innkuon khat, Ithamar dingin zong pupa innkuon khat ma kiteel hi.

⁷Jehoiarib tungah aisanna masa pen, Jedaiah tungah a ni na,

⁸Harim tungah a thumna, Seorim tungah a lina,

⁹Malchijah tungah a ngana, Mijamin tungah a guhna,

¹⁰Hakkoz tungah a sagina, Abijah tungah a gietna,

¹¹Jeshua tungah a kuona, Shecaniah tungah a sawmna,

¹²Eliashib tungah a sawm le khatna, Jakim tungah a sawm le nina,

¹³Huppah tungah a sawm le thumna, Jeshebeab tungah a sawm le lina,

¹⁴Bilgah tungah a sawm le ngana, Immer tungah a sawm le guhna,

¹⁵Hezir tungah a sawm le sagina, Happizzez tungah a sawm le gietna,

¹⁶Pethahiah tungah a sawm le kuona, Jehezkel tungah a sawm nina,

¹⁷Jachin tungah a sawmni le khatna, Gamul tungah a sawmni le nina,

¹⁸Delaiah tungah a sawmni le thumna, Maaziah tungah a sawmni le lina tu hi.

¹⁹Israel Pasien TOPA in ama a thupieh bangin a pupi uh Aaron in amate dinga a kipsahsa ngaina dung zui-in TOPA’ biehinn sunga a lut dingin tam teng in amau’ nasep dinga kise nasep a nei uhi.

²⁰Tuale Levi’ tapa a omlai teng lahah: Amram’ tapate sung panin Shubael; Shubael’ tapate sung panin Jedeiah.

²¹Rehabiah-te sung panin: uhpi Isshiah.

²²Izhar’ tapate sung panin Shelomoth; Shelomoth’ tapate sung panin Jahath ahi hi.

²³Hebron’[85] tapate lahah: Jeriah a uhpi,[86] Amariah a nina, Jahaziel a thumna, Jekameam a lina.

²⁴Uzziel’ tapate lahah Micah; Micah’ tapate lahah Shamir ahi hi.

²⁵Micah’ sanggampa Isshiah; Isshiah’ tapate sung panin Zechariah ahi hi.

²⁶Merari’ tapate lahah: Mahli, Mushi, le Jaaziah. Jaaziah’ tapate lahah: Beno.[87]

²⁷Merari’ tapate lahah: Beno,[88] Shoham, Zaccur, le Ibri.

²⁸Mahli’ sung panin Eleazar hi a, ama in tapa nei lo hi.

²⁹Kish lahah: Kish’ tapate Jerahmeel.

³⁰Mushi’ tapate lahah: Mahli, Eder, le Jerimoth. Tam teng pen amau’ pupa innkuon dung zui-in Levi’ tapate ahi uhi.

³¹Amate in zong a tanaute uh Aaron’ suonlehlahte ma bangin Kumpi David, Zadok, Ahimelech, le siempute le Levi-te’ pupa innkuon lutangte le a uhpipa le a sanggam a neu pen mai-ah ai a san uhi.