Read Zou 2 KHANG TANGTHU 4 Bible Online

2 KHANG TANGTHU 4 - Zou bible

2 KHANG TANGTHU 4

¹Ama in sumngo maitam, adung tong sawmni, avai tong sawmni, a sanna tong sawm a pha khat a bawl hi.

²Tua ciengin ama in a kisung tuikuongpi khat bawl hi; tua khu a bem ahi a, a gei khat pan a gei khat dong tong sawm pha-in, tong nga sang a, a kimvel tong sawmthum pha hi.

³A geiviel nei lamah tuikuongpi kimvelin tong sawm ciet a pha a khawhte a om hi; a khawhte guol ni pha a, tua khu tuikuongpi kisun lai-a kisuntha pai ahi hi.

⁴Bawngtang sawm le nite tungah tuikuong kikhang a, thum leilu lam nga a, thum nitumna lam nga-in, thum leitaw lam nga a, thum nisuona lam nga hi; tuate tungah tuikuongpi kikhang hi. Bawngtangte’ nua lam pen a sung lamah a om hi.

⁵A tuikuong pen khutphang cie-in sa hi; a geiviel pen unoh pa tawh kibang hai geiviel bangin kibawl hi; tua sungah tui bath[12] tulthum bang ta hi.

⁶Ama in a sungah kisil nading tuikuong sawm zong bawl a, zietlam pangah nga, veilam pangah nga koi hi. Amate in meihal biehna dinga a kizangte tam sungah sil sieng ding uhi. Tuikuong pen siempute kisil nading ahi hi.

⁷Ama in a kigielsa bangin kham meivah tunna sawm khat bawl a, tuate biehinn sung leitaw lamah nga, leilu lamah nga koi hi.

⁸Ama in sabuoi sawm zong bawl a, biehinn sung zietlam pangah nga, veilam pangah nga koi hi. Tuale ama in kham kuong zakhat a bawl hi.

⁹Ama in siempute’ leituol, le leituol golpi, le leituol kotkhahte bawl a, a kotkhahte sumngo tawh a zut hi.

¹⁰Ama in innhlang nisuona lam ningah tuikuongpi koi hi.

¹¹Huram in beelte, kawbiate, le kuongte zong bawl hi. Huram in tam bangin Kumpi Solomon ading Pasien’ biehinn bawl nasep a zawsa teng:

¹²Khuompi nite, kuongkumte, khuompite dawna a lubawh nite; khuompite dawn a kuong tawh kibang a lubawh nite tuom nading lenta banga kiphan nite;

¹³lenta banga a kiphan nite ading mang kawlsing ga zali, khuompite dawn a kuong tawh kibang a lubawh nite tuom nadingin lenta banga a kiphan khat ading mang kawlsing ga guol ni ta ahi hi.

¹⁴Ama in a tunnate le tua a tunnate tungah kuongpite bawl a,

¹⁵tui kuongpi khat, tua nei-a a om bawngtang sawm le nite ahi hi.

¹⁶Kumpi Solomon adingin TOPA’ biehinn-a zah ding beelte, kawbiate, tawkeukate, le khutzah zosie pen Humara-abi in a paa silsel sumngo tawh a bawl ahi hi.

¹⁷Tam a kisiem na zosie pen kumpipa in Jordan zanglei Succoth le Zeredah kikal beel lei-a a na sun ahi hi.

¹⁸Solomon in tami nate zosie tampi bawlsah a, tuaci’n a kizang sumngote a gihza kite zo lo hi.

¹⁹Tuaci’n Solomon in Pasien’ biehinn sunga na zosie a bawlsahte: Kham maitam, Ompina Anlum ading sabuoite,

²⁰a kigielsa ma bangin biehinn sungnung mai-a kivah ding kham citah meivah tunnate le a meivahte;

²¹kham hoi pen tawh a kibawl papete, meivahte, le a tenate;

²²kham citah tawh a kibawl taitete, kuongte, tawkeute, le vutluonate ahi hi. Biehinnpi lutna kotbieng tawh kisai-in: Siengtho pen mun pei nading kotkhahte le biehinn laikim kotkhah-a kizang dingte pen kham tawh kibawl ahi hi.