Read Zou EZRA 10 Bible Online

EZRA 10 - Zou bible

EZRA 10

¹Ezra in Pasien’ biehinn mai-ah thu ngen a, a mawna pulahin kap le mau-in tuolah a kilawmlia laitahin, ama kungah Israel panin numei, pasal, naupang tampitah a kikhawm vua, nahpitahin mite a kap uhi.

²Elam suonte panin Jehiel’ tapa Shecaniah kungah, “Eite in i Pasien uh i um nawn sih vua, gam sunga a teng gamdang numeite tawh i kinung zo uhi. Hinanle tu nangawnin Israel adingin kinepna a om lai hi.

³Tuaci’n tu-in, ka pu uh nangma’ ngaisutna le i Pasien’ thupiehna a zatah mite’ ngaisutna bangin tami zite le a tate uh i peisah nadingin i Pasien utawh thuciemna khat bawl va vui; tuale thukham tawh kituohin sem va vui.

⁴Kipan pai in, bangzieh ahei cile tam pen nang nasep ahi hi, nang kang ompi ding uhi; hang inlen sem in,” a ci uhi.

⁵Tua ciengin Ezra dingin a kigensa banga a gamtat nadingun siempu makaite, Levi-te, le Israel zosie a sawl hi. Tuaci’n amate a kiciem uhi.

⁶Tua ciengin Pasien’ biehinn mai panin Ezra kihemkhie a, tuale Eliashib’ tapa Jehohanan inndan sungah pei-in a gieh hi. Saltangte’ tahtai lona ziehin an ne lo tui dawn loin da le mau-in a om hi.[17]

⁷Amate in a kinuale saltangte zosie Jerusalem ah a kikhop thei nadingun Judah le Jerusalem mun zosie-ah tangtawhna khat a bawl vua,

⁸ni thum sunga a tung lo khatpo a op leh uliente le upate’ thupieh dung zui-in a neisa zosie uh kiman ding a, amate mama in saltang mihonte lah panin hawlkhie ding uhi.

⁹Tua ciengin Judah le Benjamin mi zosie ni thum sungin Jerusalem ah a kituo uhi; tua khu a hla kuona a ni sawmni ni ahi hi. Guo a hazuh seng zieh le tami thu ziehin mi zosie citunin Pasien’ biehinn mai leituolah a to uhi.

¹⁰Tua ciengin siempu Ezra dingto-in amate kungah, “Note na tawnkhiel vua, gamdang numeite zi-in la-in Israel’ khielna na khangsah uhi.

¹¹Na pu na pate uh’ Pasien ahi TOPA tungah tu-in na mawnate uh pulah unlen, ama’ dei bangin bawl un; tam gama a teng gamdang mite le gamdang mi ahi na zite utawh kikhenin tuom om ta un,” a ci hi.

¹²Tua ciengin a kikhawm mi zosie kiko-in a dawng vua, “A hima hi; na gen bangin ka bawl ding uhi.

¹³Ahi vangin mi tampi i hi vua, guo tam hun zong ahi hi; kote a pulamah ka ding zo nawn sih uhi. Tami thu-ah eite tampi na tawnkhiel zo i hi ziehin tami nasep pen ni khat, ahi sihle ni ni sunga kizo thei ding thu ahi sih hi.

¹⁴A kikhawm mihon bup ai-in ka uliente uh semsah in. Tami thu ziehin eite tung panin Pasien’ lungthahna a kihei dawh masangsie, i khuopi zosie-a om gamdang numeite tawh a kinung mi zosie in a khuo sung upate le thukhente ciet tawh a kise hunin i makaite kungah va pei ta uheh,” a ci uhi.

¹⁵Asahiel’ tapa Jonathan le Tikvah’ tapa Jahzeiah beh in tami thu nielin Meshullam le Levi-te Shabbethai in panpi uhi.

¹⁶Tua ciengin saltang a kilekiate in a kigensa bangin a bawl uhi. Siempu Ezra in a innkuon utawh kizui-in a innkuon lutangte uh sung panin pasalte[18] a teng vua, amau’ min ciet tawh kiciemte hi. A hla sawmna a ni khat ni-in tua thu a kantel dingin amate a to uhi.

¹⁷A hla masa a ni khat ni-in gamdang zi nei pasal zosie’ thu a kan uh a zo sieng uhi.

¹⁸Siempute suon panin Jozadak’ tapa Jeshua suonte le a sanggamte’ suonte sung panin gamdang numeite tawh a kinung tam teng kimu hi: Maaseiah, Eliezer, Jarib, le Gedaliah-te ahi hi.

¹⁹A zite uh khul dingin amau le amau a kikamciem vua, a khielna zieh vua biehna dingin tuuhon lahah tuutang khat a peipi uhi.

²⁰Immer suonte sung panin Hanani le Zebadiah ahi uhi.

²¹Harim suonte sung panin Maaseiah, Elijah, Shemaiah, Jehiel, le Uzziah-te ahi uhi.

²²Pashhur suonte sung panin Elioenai, Maaseiah, Ishmael, Nethanel, Jozabad le Elasah-te ahi uhi.

²³Levi-te sung panin Jozabad, Shimei, Kelaiah (Kelita a kici), Pethahiah, Judah, le Eliezer-te ahi uhi.

²⁴Lasate sung panin Eliashib ahi uhi. Kotcingte sung panin Shallum, Telem, le Uri-te ahi uhi.

²⁵Israel-te sung Parosh suonte panin Ramiah, Izziah, Malchijah, Mijamin, Eleazar, Hashabiah,[19] le Benaiah-te ahi uhi.

²⁶Elam suonte panin Mattaniah, Zechariah, Jehiel, Abdi, Jeremoth, le Elijah-te ahi uhi.

²⁷Zattu suonte sung panin Elioenai, Eliashib, Mattaniah, Jeremoth, Zabad, le Aziza-te ahi uhi.

²⁸Bebai suonte sung panin Jehohanan, Hananiah, Zabbai, le Athlai-te ahi uhi.

²⁹Bani suonte panin Meshullam, Malluch, Adaiah, Jashub, Sheal, le Jeremoth-te ahi uhi.

³⁰Pahath-moab suonte sung panin Adna, Chelal, Benaiah, Maaseiah, Mattaniah, Bezalel, Binnui, le Manasseh-te ahi uhi.

³¹Harim suonte panin Eliezer, Isshijah, Malchijah, Shemaiah, Shimeon,

³²Benjamnin, Malluch, le Shemariah-te ahi uhi.

³³Hashum suonte panin Mattenai, Mattattah, Zabad, Eliphelet, Jeremai, Manasseh, le Shimei-te ahi uhi.

³⁴Bani suonte sung panin Maadai, Amtam, Uel,

³⁵Benaiah, Bedeiah, Cheluhi,

³⁶Vaniah, Meremoth, Eliashib,

³⁷Mattaniah, Mattenai, le Jaasu-te ahi uhi.

³⁸Binnui[20] suonte sung panin Shimei,

³⁹Shelemiah, Nathan, Adaiah,

⁴⁰Machnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah, le Joseph-te ahi uhi.

⁴³Nebo suonte sung panin Jeiel, Mattithiah, Zabad, Zebina, Jaddai, Joel, le Benaiah-te ahi uhi.

⁴⁴Tam teng zosie gamdang zi nei ahi vua, tuaci’n amate in a zite uh a tate utawh a khultha uhi.[21]