Read Zou EZRA 2 Bible Online

EZRA 2 - Zou bible

EZRA 2

¹Tu-in mi tam teng pen Babylon Kumpi Nebuchadnezzar in a zawna gam panin Babylon ah sala a lahte sung panin Jerusalem le Judah gama peikiate ahi uhi; amate pen Jerusalem le Judah sung, amau’ khuopi cietah a kilekia ahi uhi.

²Zerubbabel, Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, le Baanah-te tawh amate a zawhton uhi. Israel mite a phaza:

³Parosh suonte, mi tulni le zakhat sawmsagi le ni ahi hi.

⁴Shephatiah suonte, zathum sawmsagi le ni ahi hi.

⁵Arah suonte, zasagi sawmsagi le nga ahi hi.

⁶Pahath-moab be sung panin Jeshua le Joab’ suonte, tulni zagiet sawm le ni ahi hi.

⁷Elam suonte, tulkhat zani sawmnga le li ahi hi.

⁸Zattu suonte, zakuo sawmli le nga ahi hi.

⁹Zaccai suonte, zasagi sawmguh ahi hi.

¹⁰Bani suonte, zaguh sawmli le ni ahi hi.

¹¹Bebai suonte, zaguh sawmni le thum ahi hi.

¹²Azgad suonte, tulkhat zani sawmni le ni ahi hi.

¹³Adonikam suonte, zaguh sawmguh le guh ahi hi.

¹⁴Bigvai suonte, tulni sawmnga le guh ahi hi.

¹⁵Adin suonte, zali sawmnga le li ahi hi.

¹⁶Ater a kici Hezekiah suonte, sawmkuo le giet ahi hi.

¹⁷Bezai suonte, zathum sawmni le thum ahi hi.

¹⁸Jorah suonte, zakhat sawm le ni ahi hi.

¹⁹Hashum suonte, zani sawmni le thum ahi hi.

²⁰Gibbar suonte, sawmkuo le nga ahi hi.

²¹Bethlehem mite, zakhat sawmni le thum ahi hi.

²²Netophah-te, sawmnga le guh ahi hi.

²³Anathoth-te, zakhat sawmni le giet ahi hi.

²⁴Azmaveth-te, sawmli le ni ahi hi.

²⁵Kiriatharim, Chephirah, Beeroth-te, zasagi sawmli le thum ahi hi.

²⁶Ramah le Geba-te, zaguh sawmni le khat ahi hi.

²⁷Michmash-te, zakhat sawmni le ni ahi hi.

²⁸Bethel le Ai-te, zani sawmni le thum ahi hi.

²⁹Nebo suonte, sawmnga le ni ahi hi.

³⁰Magbish-te, zakhat sawmnga le guh ahi hi.

³¹Adang Elam suonte, tulkhat zani sawmnga le li ahi hi.

³²Harim-te, zathum sawmni ahi hi.

³³Lod, Hadid, le Ono-te, zasagi sawmni le nga ahi hi.

³⁴Jericho-te, zathum sawmli le nga ahi hi.

³⁵Senaah-te, tulthum zaguh sawmthum ahi uhi.

³⁶Siempute: Jeshua-te be panin Jedaiah suonte, zakuo sawmsagi le thum ahi hi.

³⁷Immer suonte, tulkhat sawmnga le ni ahi hi.

³⁸Pashhur suonte, tulkhat zani sawmli le sagi ahi hi.

³⁹Harim suonte, tulkhat sawm le sagi ahi uhi.

⁴⁰Levi-te sung panin: Hodaviah-te be panin Jeshua suonte le Kadmiel suonte, sawmsagi le li ahi hi.

⁴¹Lasate: Asaph suonte, zakhat sawmni le giet ahi hi.

⁴²Kotcingte nam sung panin Shallum suonte, Ater suonte, Talmon suonte, Akkub suonte, a unpi-un zakhat sawmthum le kuo ahi uhi.

⁴³Biehinnpi nasamte: Ziga suonte, Hasupa suonte, Tabbaoth suonte,

⁴⁴Keros suonte, Siaha suonte, Padon suonte,

⁴⁵Lebanah suonte, Hagabah suonte, Akkub suonte,

⁴⁶Hagab suonte, Shamlai suonte, Hanan suonte,

⁴⁷Giddel suonte, Gahar suonte, Reaiah suonte,

⁴⁸Rezin, Nekoda, Gazzam,

⁴⁹Uzza, Peseah, Besai,

⁵⁰Asnah suonte, Meunim suonte, Nephisim suonte,

⁵¹Babuk suonte, Hakupha suonte, Harhur suonte,

⁵²Bazluth suonte, Mehida suonte, Harsha suonte,

⁵³Barkos suonte, Sisera suonte, Temah suonte,

⁵⁴Neziah suonte, le Hatipha suonte ahi uhi.

⁵⁵Solomon’ nasemte suonlehlahte sung pan: Sotai, Hassophereth, Peruda,

⁵⁶Jaalah, Darkon, Giddel,

⁵⁷Shephatiah, Hattil, Pochereth-hazzebaim, le Ami-te ahi uhi.

⁵⁸Biehinnpi nasemte zosie le Solomon’ nasemte’ suonlehlahte zosie a unpi-in zathum sawmkuo le ni pha uhi.

⁵⁹Tam a nei-a teng in a phung a tang uh kan thei loin, Israel mi ahile ahi lo uh theicien nawn sih nan ule, Tel-melah, Tel-harsha, Cherub, Addan, le Immer-te pana ang peito mite:

⁶⁰Delaiah suonte, Tobiah suonte, le Nekoda suonte, mi zaguh sawmnga le ni ahi uhi.

⁶¹Siempute sung panin zong: Habaiah suonte, Hakkoz suonte, le Barzillai suonte (ama in Gilead mi Barzillai tanute khat zi-a a lah ziehin tua min tawh a kilo pah) ahi uhi.

⁶²Tam mite in khang ciemtena laibu sungah a min uh a sui vangun a min uh a kimu sih a, tua ahi ziehin amate a sieng loin kiciemte a, siempu nasep kisemsah lo hi;

⁶³Urim le Thummim tawh ai san ding siempu khat a om masangsie amate in an siengtho pen a neh lo nading uh gam uhpa in a gen hi.

⁶⁴A kikhawm buppi, tul sawmli le tulni le zathum a pha vua,

⁶⁵amau’ nasem numei le pasal, mihing tulsagi le zathum sawmthum le sagite kisim lo hi; tuale amate in lasa numei le pasal zani a nei uhi.

⁶⁶Amate in sakol, zasagi sawmthum le guh, laa-sakol, zani sawmli le nga,

⁶⁷kalaoh, zali sawmthum le nga, le

⁶⁸laa, tulguh zasagi le sawmni a nei uhi.

⁶⁹Amate in a neiza utawh kituohin biehinn lam nadingin kham darics tul sawmguh le tulkhat, ngun mina tulnga, le siempu puontuol zakhat a pie uhi.

⁷⁰Siempute, Levi-te, le mi pawlkhatte Jerusalem le a kim[2] nai-ah a teng uhi; tuale lasate, kotcingte, biehinn nasemte, le Israel mi zosie a khuopi ciet vuah a teng uhi.