Read Zou NEHEMIAH 11 Bible Online

NEHEMIAH 11 - Zou bible

NEHEMIAH 11

¹Tu-in Jerusalem ah mipi makai teng a teng uhi; tuale a omlai mite sawm-ah-khat in khuopi siengtho Jerusalem-a teng dingin ai a san vua, sawm-ah-kuote khuopi dangte-ah a teng uhi.

²Tuale mite in Jerusalem-a a teng dingin kiphal taha kipumpiehte a pahta uhi.

³Tam teng pen Jerusalem-a teng gamkhen uhpite ahi uhi; ahi vangin Judah khuopite-ah Israel-te, siempute, Levi-te, biehinnpi sunga tuonvaite, le Solomon nasemte’ suon le hlahte a teng vua, a khuopite ciet vuah amau’ neisa ciet tawh a teng uhi:

⁴Judah-te le Benjamin-te sung panin Jerusalem ah mi pawlkhat a teng uhi. Judah-te sung panin: Perez’ suon Mahalalel’ tapa, Shephatiah’ tapa, Amariah’ tapa, Zechariah’ tapa, Uzziah’ tapa, Athaiah;

⁵le Shilon’ suon Zechariah’ tapa, Joiarib’ tapa, Adaiah’ tapa, Hazaiah’ tapa, Kolhozeh’ tapa, Baruch’ tapa, Maaseiah ahi hi.

⁶Jerusalem-a Perez’ suonte zosie mihat galhang zali sawmguh le giet pha uhi.

⁷Tam teng pen Benjamin suonte ahi uhi: Jesaih’ tapa, Ithiel’ tapa, Maaseiah’ tapa, Kolaiah’ tapa, Pedaih’ tapa, Joed’ tapa, Mashullum’ tapa Sallu ahi uhi.

⁸A sanggamte[36] Gabbai, Sallai ahi vua, mi zakuo sawmni le giet pha uhi.

⁹Zichri’ tapa Joel pen amau’ makai pa ahi hi. Hassenuah’ tapa Judah pen khuopi uh a nina ahi hi.

¹⁰Siempute sung panin: Jedaiah, Joiarib’ tapa, Jachin,

¹¹Pasien’ biehinn vaisai pa Ahitub’ tapa, Meraioth’ tapa, Zadok’ tapa , Meshullam’ tapa, Hilkiah tapa, Seraiah’ tapa,

¹²le biehinn nasem amau’ kithuopite tawh mi zagiet sawmni le ni pha uhi; tuale Malchijah’ tapa, Pashur’ tapa, Zechariah’ tapa, Amzi’ tapa, Pelaliah’ tapa, Jeroham’ tapa, Adaiah’ tapa,

¹³le a kithuopite, pupa innkuon lutangte tawh mi zani sawmli ni pha uhi; tuale Immer’ tapa, Meshillemoth’ tapa, Ahzai’ tapa, Azarel’ tapa, Amashai’ tapa,

¹⁴le amau’ kithuopi a thahat galhangte tawh mi zakhat sawmni le giet pha uhi; amau’ makai pen Haggedolim’ tapa Zabdiel ahi hi.

¹⁵Tuale Levi-te sung panin: Bunni’ tapa, Hashabiah’ tapa, Azrikim’ tapa, Hasshub’ tapa, Shemaiah’ tapa;

¹⁶le Pasien’ biehinn pulam nasem vaisai Levi-te’ makaite ahi Shabbethai le Jozabad;

¹⁷le lungdamko thungetna a pan dinga a makai Asaph’ tapa, Zabdi’ tapa, Mica’ tapa, Mattaniah’ tapa, le ama’ kithuopite lahah a nina pa Bakbukiah, le Jeduthun’ tapa; le Galal’ tapa, Shammua’ tapa, Abda ahi hi.

¹⁸Khuopi siengtho-a om Levi-te a unpi-in zani sawmgiet le li pha uhi.

¹⁹Tunkot cingte sung panin: Akkub, Talmon, le amau’ kithuopite tawh mi zakhat sawmsagi ni pha uhi.

²⁰A omlai Israel-te, siempute, le Levi-te pen Judah gam khuopi zosie-a amau’ luo leitang cietah a teng uhi.

²¹Ahi vangin biehinnpi tuonvaite ahile Ophel muolbo-ah a teng uhi; tuale Ziha le Gishpa in biehinn tuonvaite a uh uhi.

²²Jerusalem-a Levi-te a uhpa Mica’ tapa, Mattaniah’ tapa, Hashbiah’ tapa, Bani’ tapa, Uzzi pen Asaph’ suon lasate ahi a, ama pen Pasien’ biehinn nasepna-ah vaisai khat ahi hi.

²³Bangzieh ahei cile amate tawh kisai-in kumpipa thupieh khat om ahi ziehin, lasate adingin nisielin neh le dawn a kisam banga pieh ding ahi hi.

²⁴Judah’ tapa Zerah’ suonte khat, Meshezabel’ tapa Pethahiah pen mipite tawh kisai-a kumpipa’ khut nei-ah thu zosie a saipa ahi hi.

²⁵Tuale khuoneute le a lote tawh kisai-in, Judah mite pawlkhat Kiriath-arba le a khuoneute, Dibon le a khuoneute, Jekabzeel le a khuoneute,

²⁶Jeshua, Moladah, Beth-pelet,

²⁷Hazar-shual, Beer-sheba le a khuoneute

²⁸Ziklag, Meconah le a khuoneute,

²⁹En-rimmon, Zorah le Jarmut,

³⁰Zanoah, Adullam le a khuoneute, Lachish le a lote, Azekah le a khuoneute-ah a teng uhi. Tuaci’n Beer-sheba panin Hinnom Kuom dongah phuol a sat uhi.

³¹Benjamin mite in zong Geba lam panin, Michmash, Aija, Bethel le a khuoneute,

³²Anathoth, Nob, Ananiah,

³³Hazor, Ramah, Gittaim,

³⁴Hadid, Zeboiim, Neballat,

³⁵Lod, le Ono, le khutsiemte kuomah a teng uhi.

³⁶Levi pawlkhen kimkhatte Benjamin gamah kigawm uhi.