Read Zou NEHEMIAH 7 Bible Online

NEHEMIAH 7 - Zou bible

NEHEMIAH 7

¹Tu-in kulcien kiman siengin kotkhahte ka bul zo ta a, tunkotcingte, lasate, le Levi-te nasep a kiguot zaw ciengin

²keima in Jerusalem a kem dingin ka sanggampa Hanani tawh kulpi a uhpa Hananiah ka seton hi, azieh pen ama midang tampite sanga a muonhuoizaw le Pasien a giingzaw khat ahi hi.

³Tuale keima in ama gel kungah, “Ni a sat laisie Jerusalem tunkotte kihong lo ding hi; tunkot cingte[23] in a cin laitahin tuate khahsah inlen, kotte golhsah un. Jerusalem-a tengte lah panin galvil ding se unlen, pawlkhat a galvilna mun vuah, pawlkhatte amau’ inn mai cietah pangsah un,” ci-in ka gen hi.

⁴Khuopi golin zai a, ahi vangin a sunga teng mi tawmin innte kilam nai lo hi.

⁵Tua ciengin khanggui ciemtena bangin mithupite, uliente le mite kaikhawmin a min uh khum ding Pasien in ka lungsim sungah ang suohsah hi. Tuale keima in ang kilekia masate’ khanggui ciemtena laibu ka mu a, khum sunga na kigiel ka mute tam bang teng ahi hi:

⁶Babylon Kumpipa Nebuchadnezzar in suoh le sal-a a peipina mun panin gam sunga hing peito mite tam teng ahi uhi; amate in Jerusalem le Judah gam sung a khuo ciet zuonin a kilekia uhi.

⁷Amate Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum, Baanah-te tawh peiton uhi. Israel-te a mi phaza pen:

⁸Parosh suonte, mi tulni zakhat le sawm sagi le ni ahi hi.

⁹Shephatiah suonte, mi zathum sawmsagi le ni ahi hi.

¹⁰Arah suonte, mi zaguh sawmnga le ni ahi hi.

¹¹Pahath-moab suonte sung panin, Jeshua le Joab suonte, mi tulni zagiet le sawm le giet ahi hi.

¹²Elam suonte, mi tulkhat zani sawmnga le li ahi hi.

¹³Zattu suonte, mi zagiet sawmli le nga ahi hi.

¹⁴Zaccai suonte, mi zasagi sawmguh ahi hi.

¹⁵Binnui suonte, mi zaguh sawmli le giet ahi hi.

¹⁶Bebai suonte, mi zaguh sawmni le giet ahi hi.

¹⁷Azgad suonte, mi tulni zathum sawmni le ni ahi hi.

¹⁸Adonikam suonte, mi zaguh sawmguh le sagi ahi hi.

¹⁹Bigvai suonte, mi tulni sawmguh le sagi ahi hi.

²⁰Adin suonte, mi zaguh sawmnga le nga ahi hi.

²¹Ater a kici Hezekiah’ suonte, mi sawmkuo le giet ahi hi.

²²Hashum suonte, mi zathum sawmni le giet ahi hi.

²³Bezai suonte, mi zathum sawmni le li ahi hi.

²⁴Hariph suonte, mi zakhat sawm le ni ahi hi.

²⁵Gibeon suonte, mi sawmkuo le nga ahi hi.

²⁶Bethlehem le Netophah-te, mi zakhat sawmgiet le giet ahi hi.

²⁷Anathoth-te, mi zakhat sawmni le giet ahi hi.

²⁸Beth-azmaveth-te, mi sawmli le ni ahi hi.

²⁹Kiriath-jearim, Chephirah, le Beeroth-te, mi zasagi sawmli le thum ahi hi.

³⁰Ramah le Gaba-te, mi zaguh sawmni le khat ahi hi.

³¹Michmash-te, mi zakhat sawmni le ni ahi hi.

³²Bethel le Ai-te, mi zakhat sawmni le thum ahi hi.

³³Nebo adang khat-te, mi sawmnga le ni ahi hi.

³⁴Elam adang khat-te, mi tulkhat zani sawmnga le li ahi hi.

³⁵Harim-te, mi zathum le sawmni ahi hi.

³⁶Jericho-te, mi zathum sawmli le nga ahi hi.

³⁷Lod, Hadid, le Ono-te, mi zasagi sawmni le khat ahi hi.

³⁸Shenaah-te, mi tulthum zakuo sawmthum ahi hi.

³⁹Siempute sung panin: Jeshua-te innkuon pan Jedaih suonte, mi zakuo sawm sagi le thum ahi hi.

⁴⁰Immer suonte, mi tulkhat sawmnga le ni ahi hi.

⁴¹Pashur suonte, mi tulkhat zani sawmli le sagi ahi hi.

⁴²Harim suonte, mi tulkhat sawm le sagi ahi hi.

⁴³Levi-te sung panin: Jeshua suonte, Hodevah suon Kadmiel a kicite, mi sawmsagi le li ahi hi.

⁴⁴Lasate sung panin Asaph suonte, mi zakhat sawmli le giet ahi hi.

⁴⁵Kotcingte nam sung panin Shallum suonte, Ater suonte, Talmon suonte, Akkub suonte, Hatita suonte, le Shobai suonte, mi zakhat sawmthum le giet ahi hi.

⁴⁶Biehinn tuonvaite sung panin: Ziha suonte, Hasupha suonte, Tabbaoth suonte

⁴⁷Keros suonte, Sia suonte, Padon suonte,

⁴⁸Lebana suonte, Hagaba suonte, Shalmai suonte,

⁴⁹Hanan suonte, Giddel suonte, Gahar suonte,

⁵⁰Reaiah suonte, Rezin suonte, Nekoda suonte,

⁵¹Gazzam suonte, Uzza suonte, Paseah suonte,

⁵²Besai suonte, Meunim suonte, Nephushesim suonte,

⁵³Bakbuk suonte, Hakupha suonte, Harhur suonte,

⁵⁴Bazlith suonte, Mehida suonte, Harsha suonte,

⁵⁵Barkos suonte, Sisera suonte, Tamah suonte,

⁵⁶Neziah suonte, Hatipha suonte,

⁵⁷Solomon nasemte’ suonte, Sotai suonte, Sophereth suonte, Perida suonte,

⁵⁸Jaala suonte, Darkon suonte, Giddel suonte,

⁵⁹Shephatiah suonte, Hattil suonte, Pochereth-hazzebaim suonte, le Amon suonte ahi uhi.

⁶⁰Biehinn tuonvaite le Solomon nasemte’ suonte a unpi-in zathum sawmkuo le ni pha uhi.

⁶¹Tam teng pen Tel-melah, Tel-haresha, Cherub, Addon, le Immer-te pana ang peito mite ahi uhi, ahi vangin amate in a pupate uh’ innkuon ahi sihle amau’ pienna khanggui a sut thei sih vua, Israel mi ahile ahi lo lam zong a kitel sih uhi:

⁶²Delaiah suonte, Tobiah suonte, Nekoda suonte, mi zaguh sawmli le ni pha uhi.

⁶³Siempute sungah zong: Habaiah suonte, Koz suonte, Barzillai suonte (Gilead-te Barzillai’ tanute khat tawh ama kinungin tua min tawh kilo pah ahi hi) ahi uhi.

⁶⁴Tam mite in khanggui ciemtena laibu sunga a kiciemte mite lahah a min uh a sui vangun a mu zo sih vua, tuaci’n amate pen a bua-in kikoi-in a siempu hina panun kikhawlsah hi;

⁶⁵Urim le Thummim aisanna tawh a siensuo dingin siempu khat a tun masangsie an siengtho pente a neh lo nading uh gam uhpa in amate kungah a gen hi.

⁶⁶Mi buppi tul sawmli le tulni le za thum sawmguh pha a,

⁶⁷amau’ nasem numei le pasal tulsagi zathum sawmthum le sagite kisim lo hi; tuale amate in lasa numei le pasal zani sawmli nga nei uhi.

⁶⁸Amate in sakolte zasagi sawmthum le guh, laa-sakol[24] zani sawmli le nga,

⁶⁹kalaoh zali sawmthum nga, le laavai tulguh le zasagi sawmni nei uhi.

⁷⁰Tu-in nasep nadingin pupa innkuon lutang pawlkhatte a kipie uhi. Gam uhpa in sumkholna-ah kham darics tulkhat, kuongkum sawmnga, le siempu puon zanga sawmthum a pie hi.

⁷¹Tuale pupa innkuon lutang pawlkhat in sumkholna-ah kham darics tul sawmni le ngun mina tulni zani a pie uhi.

⁷²Midangte’ pieh pen kham darics tul sawmni, ngun mina tulni, le siempu puon sil sawmguh le sagi ahi hi.

⁷³Tuaci’n siempute, Levi-te, tunkot cingte, lasate, mi pawlkhatte, biehinn tuonvaite, le Israel zosie a khuopi ciet vuah a teng uhi. A hla sagina ciengin amau’ khuopi cietah -Israel mite a teng uhi-