Read Zou JOB 26 Bible Online

JOB 26 - Zou bible

JOB 26

¹Tua ciengin Job in dawng a:

²“Hatna nei lo mipa bang na ci panpi ahei! Ban thahat lo mipa bang na ci hu ahei!

³Pilna nei lo mipa thu bang na ci mop a, thu hoi bang na ci genpi thei ahei!

⁴Na thugente koi’ huna tawh na gen ahi a, koi’ lungsim pana hing pei ahei?

⁵Lei nei-a misi hlate le tui le a sunga omte zau-in citun uhi.

⁶Pasien mai-ah Misikhuo a guohtangin om a, Sietna[98] in zong asin a nei sih hi.

⁷Awnghawmpi tungah ama in Zaphon[99] pha a, ama in bangma lo tungah leitung kikhaisah hi.

⁸Ama in a meiisapi sungah tuite tun a, tuate ziehin meiilum pawhkeh lo hi.

⁹Hlalia’ maitang khupieh a, tua tungah a meiilum kaisah hi.

¹⁰Ama in khuovah le khuomiel kikalah a kigi bawlpieh a, ama in tuipi tungah kuolviel khat omsah hi.

¹¹Ama in a hosiet ciengin vanpi kidona ahi khuompite zau-in a kithing hi.

¹²A vanglietna tawh Tuipi daisah a, a siemna tawh Rahab satlia hi.

¹³A hui tawh vantungte mut sieng a, a khut tawh gulpi tailai sun pailet hi.

¹⁴Tam teng khu ama’ nasep a mongno khat ahi na bo a, ama’ thu i zahte khu a hemlam beh ahi na bo hi! Hinanle vanto ging tawh a kibang a vanglietna koi in thei zo ding ahei?” a ci hi.