Read Zou JOB 41 Bible Online

JOB 41 - Zou bible

JOB 41

¹[156] “Ngakuoi tawh Leviathan[157] kai zo-in, khau tawh a lei na sawntum zo ngel ei mah?

²A nah sungah khau thun thei-in, siakawi tawh a khadang na vut pailet zo diei mah?

³Na kungah tamveipi ang thum ding amah? Kamdam tawh ang hopi ding amah?

⁴A khantawna na sila-a lah dingin nang tawh thuciemna bawl ding amah?

⁵Vate bangin ama tawh ki-apmai-in, na sila numeite adingin khau na khi diei mah?

⁶Sumbawlte in a man deh ding uh amah? Sumbawlte lahah a hawm ding uh amah?

⁷A vunte siazum tawh na sun thei diei mah? Nga khawna teipi tawh a lu na khawlet zo diei mah?

⁸A tungah na khut va ngam ta’n; kidopi dingin ngaisun in; kipankia vawt sih vateh!

⁹[158] Ama mat ding lametna khu lungkiehna ahi bep hi; a muna-ah pasien-te nangawn kizothaw hi lo amah?

¹⁰Ama phin ngam ding za-in a hangsan koima a om sih hi. Ama[159] mai-a a ding ngam ding koi ahei?

¹¹Ama[160] tawh kisi a, a suohta[161] koi ahei? - Vansin nei zosie-ah a koi pen ahei?

¹²“Keima in ama’ gute tawh kisai, a thahatnate le a duong kilawmnate gen loin ka om sih ding hi.

¹³Koi in ama’ puonsil tungnung hawhpieh zo ahei? Koi in ama’ sia puonpi[162] sun pailet zo ahei?

¹⁴A maitanga kotte koi in hong zo ahei? Ama’ ha kimkotah sil zauhuoi a om hi.

¹⁵Ama’ elzang[163] pen a kiguol ditdet lumte tawh kibawl a, seal kitum bangin a kicimat cihteh hi.

¹⁶Khatlekhat a kimat ditdet ziehin a kikal vuah hui a pit sih hi.

¹⁷Tuate khatlekhat a kizom ditdet hi; tuate kimat dimdemin phel zawh ding hi lo hi.

¹⁸Ama in hatthi a law ciengin khuovah kikhaw a, zingmawng nisuo bangin a mitte a taang hi.

¹⁹A kam panin meikuongte ang pawtdawh a, meisite a leng vapual hi.

²⁰Mei kitaw pumpeng le tuibeel so bangin ama’ nah sung panin meikhu pusuoh hi.

²¹Ama’ husan in mei tawkuong a, ama’ kam panin meikuong pusuoh hi.

²²A ngawngah a hatna om a, ama’ mai-ah zauna a laam hi.

²³A tahsa kihlipte kimat suoh a, phen thei loin dettahin a om hi.

²⁴A lungtang suong bangin sah a, an gawina suong neipha bangin sah bihbeh hi.

²⁵A thawto ciengin pasien-te a zau uhi; a ging a zah ciengun zau-in a nuakin uhi.

²⁶Namsau tawh a kisut vangin a bun zo sih a, teipi, thaltang, teikhaw tawh kisun nanle bun zo tuon lo hi.

²⁷Siate butu bangin ngaisun a, sumngo zong sing muot bangin ngaisun zieu lel hi.

²⁸Thal in ama taisah zo lo a, ama dingin suongsaili zong buvai tawh kibang lel hi.

²⁹Moltumte buvai bangin ngaisun a, teipi ging a nuisat vazuau hi.

³⁰A neilang pen belpho keh tawh kibang a, buon tunga busatna om bangin kipha hi.

³¹Tuithuhte beel sunga tuiso bangsah a, tuipi zong sathau bung bangin a bawl hi.

³²A peina nua lampite tangsah a; mite in tuithuh pen khu a samkangin a ngaisun uhi.

³³Leitungah a kikimpi koima a om sih a, giin kici a nei lo ganhing khat ahi hi.

³⁴A kisangsah zosie kan kawikawi a, ama pen a kiliensah zosie tunga kumpi ahi hi,” a ci hi.