Read Zou LAPITE 110 Bible Online

LAPITE 110 - Zou bible

LAPITE 110

¹David’ laphuo khat. TOPA in ka pu pa kungah, “Na galte na keng ngahna ka hisah masangsie, ka ziet lamah to in,” a ci hi.

²TOPA in Zion panin a vanglien na kumpi ciengkhut ang sawl hi. Na galte lahah vaihawm in.

³Nangma’ galkapte Muol siengthote[237] tungah na pui ni ciengin, na mite lungsim lawptahin amau le amau ang kipie ding uhi. Na tangvalte[238] uh zong zingmawng naubu sung pana ang suoh daitui bangin na kungah ang pei ding uhi.

⁴TOPA kiciem zo ta a, a lungsim a khel sih ding hi. “Melchizedek[239] siempu gui zui-in kumtawn siempu na hi hi,” a ci hi.

⁵Na ziet lamah TOPA om hi; ama’ thangpai ni-in ama in kumpite a suzan ding hi.

⁶Ama in mite lahah thukhen ding a, tua munte siluong tawh a kidimsah ding hi; ama in a zai mama leitungah lutangte a tansan ding hi.

⁷Ama in lam gei-a tui a dawn ding hi; tua ahi ziehin ama in a lu a phongto ding hi.