Read Zou LAPITE 111 Bible Online

LAPITE 111 - Zou bible

LAPITE 111

¹TOPA phat un! Mi thumante kipawlna, mihon kikhopna sungah ka lungsim zosie tawh TOPA tungah lungdam ka ko ding hi.

²TOPA’ nasepnate lien a, nuom a sa zosie in tuate a kan uhi.

³A nasepna pen patawina le thupina tawh kidim a, a thumanna kip tawntung hi.

⁴Ama in a na lamdang sepnate thei zing dingin a bawl hi; TOPA pen migi-in mi khuotuo siem pa ahi hi.

⁵Ama in ama a zatahte an a pie hi; ama in a thuciemna a phawh zing hi.

⁶Ama in a mite tungah minamte’ gouluo piehna tawh a vanglien ama’ nasepnate a lah zo hi.

⁷A khut tawh a nasepnate muonhuoi-in thutang hi; a thuhilnate zosie zong muontah mama hi.

⁸Tuate a tawntunga a kipden ahi a, muonhuoina le thutang tawh a kisem ahi hi.

⁹Ama in a mite tungah tatkhietna a sawl hi; ama in kumtawn man dingin a thuciemna a bawl zo hi. Ama’ min siengtho giinhuoi mama hi.

¹⁰TOPA zatahna in pilna kipatna ahi hi; tua[240] pilna a zuite zosie in theitelna hoi a nei uhi. Ama phatna kumtawnin kip hi.