Read Zou LAPITE 114 Bible Online

LAPITE 114 - Zou bible

LAPITE 114

¹Israel-te, Egypt panin a pusuoh vua, kam lamdang a zang mite kung pan Jacob innkuon a peidawh ciengun,

²Judah, Pasien’[241] mun siengtho suoh a, Israel, a uhna gam a suoh hi.

³Tuipi in enin taimang hi; Jordan gun a nuakia hi.

⁴Muolte tuutangte bangin kitom a, muoltangte tuunote bangin a kitom uhi.

⁵Tuipi aw, nang bang dinga taimang dawh na hei? Jordan aw, nang bang dinga nuakia dawh na hei?

⁶Muolte aw, bang dingin tuutang bangin kitomin, muoltangte aw, bang dingin tuuno bangin kitom na hi uh ahei?

⁷Leitung aw, suongpi buoltui suohsahin, thausuong ciatui a suohsah pa, Jacob Pasien’ opna ahi, TOPA’ opna-ah citunin om in.