Read Zou LAPITE 12 Bible Online

LAPITE 12 - Zou bible

LAPITE 12

¹La makaipa kunga Sheminith[16] banga sah ding David’ laphuo. TOPA aw ei panpi in, azieh pen Pasien zatah koima om nawn lo hi; mihingte lah panin mi muonhuoite a maimang sieng ta hi.

²Amate khatlekhat a kisol uhi; amate in phatsolna kamzol le lungsim nam ni tawh thu a gen uhi.

³TOPA in maitang phatna nephu zosie le kiphatsahna a piengsah leiite atsan hinlen,

⁴tuate in, “I leii tawh i guolzo ding hi; i nephute eimahaw’ neisa hi lel, i pu uh koi ahiei?” a ci viel uhi.

⁵Mizawngte’ na kilah pieh a, mi cimawte a tau ziehin, tu-in ka dingto ding hi, TOPA in ci hi; “A lunggul uh ahi bihna munah amate ka koi ding hi,” TOPA in ci hi.

⁶TOPA’ kamciemte pen a siengtho kamciemte ahi a, meikhuh sungah sagivei a kisiengsah ngun tawh kibang hi.

⁷TOPA aw, nang in kote nei dal ding hi; tami khang mite lah panin kote nei kem zing ding hi.

⁸Mite lahah a gina lote a kipatawi ziehin, migilote muncin ah a vah kawikawi uhi.