Read Zou LAPITE 120 Bible Online

LAPITE 120 - Zou bible

LAPITE 120

¹Katona La. Ama in ei dawn thei nadingin ka genthei ciengin TOPA tungah ka kiko hi:

²“TOPA aw, zuouthu genna leii pan le mi solte kam panin kei ei hun in,” ka ci hi.

³Nang zuouthu gen leii aw, na tungah bang hing kipie ding a, na tungah bang hing kiseppieh lai ding ahei?

⁴Galhang pa’ thaltang hiemte le luonglau meikam sa du na hi amah!

⁵Meshech gam sunga pemta ka hina le Kedar buhte lahah ka ten khah pen mi hamsie ka hi hi.

⁶Kilemna a dei lo mite lahah sauveipi ka na teng kha ta hi.

⁷Kei kilem nading dei ka hi hi; hizongle tua thu ka gen ciengin amate in galin ei bawl uhi.