Read Zou LAPITE 137 Bible Online

LAPITE 137 - Zou bible

LAPITE 137

¹Zion khuopi i ngaituo khah ciengin, Babylon gunte gei-ah tosuhin i kapkap hi.

²Khum taha gielheh kungte tungah i lyre lasahnate i khai uhi.

³Azieh pen tua munah sala ei mante le ei bawlsiete in guolnop thei nadingin la i sah ding ei dei vua, amate in, “Zion late ei sahpieh un,” ei ci uhi.

⁴“Gamdangah TOPA’ la bangci sah thei ding uh ka hei?

⁵Jerusalem khuopi aw, nang kang mangngil tah leh, ka zietlam khut buisum taheh!

⁶Nangma kang phaw khah sih a, ka lungdamna a sang pena Jerusalem kang koi sih tah leh, ka dangtawngah ka leii beh den taheh.

⁷TOPA aw, Jerusalem a pua ni-in Edom mite in, “A zung dongin guoicimsah un! guoicimsah un!” a ci khu phawh in.

⁸Mi a guoicimsah nang Babylon tanu aw, kote tunga nei bawl bangin nangma tunga ang thuhkia mite lungdam ding uhi!

⁹Na taneute hing lahpieh a, suongtum denna-a ang neipieh mite a lungdam ding uhi!