Read Zou LAPITE 14 Bible Online

LAPITE 14 - Zou bible

LAPITE 14

¹La makaipa kunga David’ laphuo. Mimawte in a lungsim sung vuah, Pasien om lo hi,” ci uhi. Amate a kisie vua, a kidahhuoite a sem uhi; sil hoi sem koima om lo hi.

²Pasien a sui, mipil khat beh a om ei mah, ci a thei nadingin, TOPA in vantung panin mihingte ei ensuh hi.

³Amate a unpi-un a lampiel sieng vua, a kibangin a letat sieng uhi; sil hoi a sem mi koima om lo a, khat zong a om sih hi.

⁴An neh bangin ka mite netumin, TOPA tunga thu a ngen lo, sietna a bawl mi zosie in theina nei talawm lo uh amah?

⁵Khumnah amate zau tahin a om ding uhi, azieh pen TOPA in thuman mihonte ompi hi.

⁶Note in mizawngte’ gelna na subuoi ding vua, ahi vangin TOPA pen a kibuhna uh ahi hi.

⁷Zion panin Israel-te’ kihotkhietna hing tung dawh ta leh izaw! TOPA in ama’ mite vangphatna a piehkia ciengin, Jacob a lungdam ding hi; Israel zong kipah mama ding hi.