Read Zou LAPITE 144 Bible Online

LAPITE 144 - Zou bible

LAPITE 144

¹David’ laphuo. Ka khutte galdo zie ding le ka khutmete galkap zie ding ei zilsah pa ka suongpi, TOPA in thupha nga taheh;

²ama ka suongpi[262] le ka kulpi, ka munkip muonhuoi le ei hunkhie pa, ka kidalna lum le ka bel pa ahi a, ka nei-a mite[263] a zo pa ahi hi.

³TOPA aw, na phaw tham dingin mihingte bang hi a, na ngaisut tham dingin mihingte bang hi lel ahei?

⁴Amate husan khat tawh kibang hi; a hinkhuo uzong ei liepsan nihlim bang ahi lel bo hi.

⁵TOPA aw, na vanpite kuoikun inlen, hing kumsuh in; amate meikhu a suo nadingin muolsangte tham in.

⁶Tun phesah inlen, amate kithezah sah in; na thaltangte kap inlen, amate susie gawp in.

⁷A sangna mun panin na khut hing zah in; a thahat tuithuhte le gamdang mite’ khut sung panin keima ei hunkhie inlen, ei suohtasah in.

⁸A kamte un zuouthu vive gen a, a zietlam khut uh a zuoutat hi.

⁹Pasien aw, nangma tungah la tha kang sa ding hi; harp zamsawm lasahna tumin nangma la kang tap ding hi,

¹⁰nang pen kumpite guolzawna a pie pa, si theina namsau pana na nasem David a hunkhie pa na hi hi.

¹¹Si theina namsau panin keima ei hunkhie inlen, a kam utawh zuouthu genin, a zietlam khut utawh a zuoutat, gamdang mite’ khut sung panin kei ei hunkhie in.

¹²Ka tapate uh a tangval lai-un hoitaha a khang singkungte bang hinlen, ka tanute uh a ngahnut lai-un kumpi inn lam nadinga a kisui inn ninga kiphut khuompite bang ta uheh.

¹³Ka ansalte uh zong an namcin tawh kidim taheh; ka tuute uh gamlahah a tultul a thenthenin pungin,

¹⁴ka bawng ka lawite uzong a note tawh kiphamat taheh. Kulpi a vang kici om sih hinlen, sala kikai zong om loin, ka khuolai vuah lunggim kikona awging om sih taheh.

¹⁵Tam bang thupha a tunna mite thupha nga ahi uhi; TOPA pen amau’ Pasien ahi mite thupha nga ahi hi.