Read Zou LAPITE 148 Bible Online

LAPITE 148 - Zou bible

LAPITE 148

¹TOPA phat un! Vantungte panin TOPA phat un; a sangnate-ah ama phat un!

²A vantungmi zosie aw, ama phat un; A mihon zosie aw, ama phat un!

³Ni le hlapi aw, ama phat un; no a tang aasite aw, ama phat un!

⁴No, van sangpente le no, vantungte-a om tuite aw, ama phat un!

⁵TOPA’ min amate phatsah un, azieh pen ama in thupie a, tuate kipieng sah hi.

⁶A tawntunga om dingin ama in tuate kipsah hi; kantan thei lo dingin ama in[269] a gamgi uh a bawlpieh hi.

⁷Leitung panin TOPA phat un, no, tuipi ganhing golte le a thuhna zosie,

⁸mei le giel, vuakhal le daitui, a thupiehna a mang khuopi hui!

⁹Muol le tang zosie, ga nei singkungte le taamtah sing zosie!

¹⁰Gamsa le innsa vannuoi, a bawhva ganhing le a leng vate zosie!

¹¹Leitung kumpite le mite zosie, uliente le leitung a uhte zosie!

¹²Ngahnute le tangvalte, a vuoi le khangnote in TOPA phat ton un!

¹³Amate TOPA’ min phatsah un, azieh pen ama’ min beh kitawisang hi; ama’ minthanna pen leitung le vantung sangin sangzaw hi.

¹⁴Ama in ama’ mite adingin ki khat tawisang zo a, tua khu ama tawh kinai-a a om a muonhuoi Israel mi zosie’ phatna ahi hi.