Read Zou LAPITE 16 Bible Online

LAPITE 16 - Zou bible

LAPITE 16

¹David’ Miktam[18] La. Pasien aw, na kunga kang kibuh ziehin keima ei dal in.

²TOPA tungah, “Nang, ka TOPA na hi hi; nang tawh loin hoina ka nei sih hi,” na ci hi.[19]

³Gam sunga mi siengthote ahi ule, mi thupite ahi vua, ka lungkimna kici zosie amau’ sungah a om hi.

⁴Adang Pasien a teel mite in amau’ dan a khangsah hi. Keima in amau’ sithe biehnate ka bawlpieh sih ding a, keima in ka nephu tawh amau’ min ka lo sih ding hi.[20]

⁵TOPA khu keima’ teelsa ka tanh le ka hai ahi hi; nang in keima’ nga ding na tawi hi.

⁶Kei adingin mun nuom tengah gamgi ang tu hi; keima in gamluo hoi ka nei hi.

⁷Thu ei kuppi TOPA ka phat hi; ama in zanin zong ka lungsim in thu ei hil hi.

⁸Keima mai-ah TOPA ka omsah hi; ka zietlamah ama a op ziehin kei ka kilawh sih ding hi.

⁹Tua ziehin ka lung a dam a, ka hlagau zong a kipah hi; ka pumpi zong lungmuongin a tawlnga ta hi.

¹⁰Azieh pen Misikhuo ah keima nei paimang sih a, na mi muonhuoi pa zong Leihawm na musah sih hi.

¹¹Nang in hinna lampi nei lah hi. Nangma opna-ah lungdamna bukim a om hi; nangma’ zietlamah kumtawn nopsahnate a om hi.